Apr 29, 2012

അജ്ഞാതരായ ദൈവങ്ങൾ -11

ഇനോക്


ഹീബ്രു ബൈബിൾ അഥവാ ജൂതന്മാരുടെ ബൈബിളിൽ ആകാശത്തുനിന്ന് തിരസ്കരിക്കപ്പെട്ട മാലാഖമാരെപ്പറ്റി പറയുന്നുണ്ട്.ദൈവത്തിന്റെ ഇശ്ചയ്ക്കെതിരായി പ്രവർത്തിച്ച മാലാഖമാരെ ഭൂമിയിലേക്കയക്കുമെന്നും മറ്റും.ഇനോക് എന്ന പുരാതന പ്രവാചകന്റെ എഴുത്തുകളിലും ഈ അമാനുഷികരെപ്പറ്റി പരാമർശമുണ്ട്.ഇവർ മനുഷ്യർക്കിടയിൽ വസിക്കുകയും മനുഷ്യരുമായി ശാരീരികബന്ധങ്ങളിൽ ഏർപ്പെടുകയും അവയിൽ സന്തതിപരമ്പരകൾ ഉണ്ടാവുകയും ചെയ്തിട്ടുണ്ടത്രേ.

ഹീബ്രു ബൈബിൾ പ്രകാരം ആദമും ഈവും കൂടാതെ മറ്റൊരു സ്ത്രീ കൂടി ഏതൻ തോട്ടത്തിൽ ഉണ്ടായിരുന്നു.ലിലൈത്ത് എന്നായിരുന്നു ആ സ്ത്രീയുടെ പേര്.ഈ ലിലൈത്ത് ആണ് ആദത്തിന്റെ ആദ്യഭാര്യ.ദൈവഹിതത്തിന് എതിരായി വർത്തിച്ചതിനാൽ അവളെ ദൈവം തന്നെ ഉപേക്ഷീക്കുകയും പിന്നീട് ഈവിനെ സ്യഷ്ടിക്കുകയും ആയിരുന്നു.ജൂതവിശ്വാസപ്രകാരം പുറത്തായ ലിലൈത്ത് ഒരു വാമ്പയറായി മാറി എന്നാണ് കരുതുന്നത്...ഈ ട്വൈലൈറ്റ് സിനിമയിലെ ഒക്കെ വാമ്പയറുകളില്ലെ ...അത്രയും ആഡംബരവാമ്പയറല്ല..ഒരിടത്തരം വാമ്പയർ...

ബുക്ക് ഓഫ് ഇനോക്കിൽ ഒംനിപൊട്ടന്റ് അഥാവാ സർവ്വശക്തനായ ഒരു ദൈവത്തെപ്പറ്റി സൂചനയുണ്ട്.അന്ത്യവിധി അഥവാ ലോകാവസാനമടുക്കുന്ന സമയത്ത് ഈ ദൈവം ഭൂമിയിൽ മടങ്ങിവരികയും അങ്ങിനെ മനുഷ്യരാശി നശിപ്പിക്കപ്പെടുകയും പുതിയ സ്വർഗ്ഗവും ഭൂമിയും പുതിയ മനുഷ്യരാശിയും  സ്യഷ്ടിക്കപ്പെടുകയും ചെയ്യും എന്ന് പറയുന്നു.

ദൈവങ്ങളുടെ ഈ മടങ്ങിവരവുകൾക്കായി അടയാളങ്ങൾ ഈ ഭൂമിയിൽ അവശേഷിപ്പിച്ചിട്ടാണാവർ പോയത്..ആയിരക്കണക്കിന് വർഷങ്ങൾ നിലനിന്ന വിചിത്രമായ നിർമ്മിതികൾ ഇതിനുദാഹരണമാണ്.

Cornac Stones, France
ഫ്രാൻസിന്റെ വടക്കുപടിഞ്ഞാറുള്ള കോർണാക്കിൽ ഒരു പ്രത്യേകസ്ഥലത്ത് രണ്ട് മൈലുകളോളം നീളത്തിൽ കൂറ്റൻ കല്ലുകൾ നിരയായി അടുക്കിവച്ചിരിക്കുന്നത് കാണാം..ഇവിടെ ഭൂമിയുടെ കാന്തികശക്തി വളരെ വലുതാണ്.ഈ പുരാതനമായ നിർമ്മിതികൾ എല്ലാം തന്നെ അതിശക്തമായ കാന്തികപ്രഭാവമേഖലകളിലാണ് നിലനിൽക്കുന്നത്..നാസ്ക മരുഭൂമിയിലെ രേഖകൾ, ചൈനയിലെ വന്മതിൽ, പിന്നെ ഈ കോർണാക് കല്ലുകൾ, ഇവ മൂന്നും ആകാശത്തിന്റെ ഏറ്റവും ഉയരങ്ങളിൽ നിന്നും കാണാവുന്ന നിർമ്മിതികളാണ്.അർമേനിയയിലെ സ്റ്റോൺ ഹെഞ്ചും സമാനമായ നിർമ്മിതിയാണ്.ഗണിതശാസ്ത്രപരമായി നോക്കിയാൽ ഇതൊരു പുരാതന വാനനിരീക്ഷണ ശാലയാണെന്നാന് കരുതുന്നത്.

1920ൽ ഫ്ലോറിഡയിൽ ലീഡ്സ്കാലിൻ എന്ന ശാസ്ത്രഞ്ജ്യൻ തന്റെ പ്രിയതമയ്ക്കു വേണ്ടി നിർമ്മിച്ച കോറൽ കാസ്റ്റിൽ എന്ന പാറക്കെട്ടുകളുടെ പൂന്തോട്ടം ഒരു നിഗൂഡമായ നിർമ്മിതിയാണ്.അദ്ദേഹം ഒറ്റയ്ക്കാണ് അത് നിർമ്മിച്ചത്.ഓരോ കല്ലുകളും ആയിരം ടണ്ണിലധികം ഭാരമുള്ളവ..ഇന്നത്തെ കാലത്ത് പോലും താരതമ്യേന അപ്രാപ്യമായ ഈ നിർമ്മിതി നിസ്സാരമായി നിർമ്മിക്കാൻ അയാൾക്കെങ്ങനെ കഴിഞ്ഞു..അതിനുത്തരമായി ശാസ്ത്രഞ്യർ കരുതുന്നത് ലീഡ്സ്കാലിന് മാഗ്നെറ്റിക് ശക്തികളുടെ സാങ്കേതികഞ്ജാനം ഉണ്ടായിരുന്നു എന്നാണ്..മാഗ്ലെവ് ട്രെയിനുകൾ എപ്രകാരം പാളത്തിൽ ഉയർന്നു നിൽക്കുന്നുവോ അത് പോലെ ഒരഞ്ജാത കാന്തിക ശക്തി ഉപയോഗിച്ച് എത്ര ഭാരമുള്ള വസ്തുവിനെയും ഉയർത്താൻ സാധിക്കും..ഒരു തരത്തിൽ പറഞ്ഞാൽ ആന്റൈ-ഗ്രാവിറ്റി തന്നെ.

2005ൽ ഇറ്റാലിയൻ ഗവേഷകർ ഇറ്റലിയിലെ ഫ്ലോറൻസിലെ ഒരു പഴയ കോൺവെന്റിലെ ഒരിടുങ്ങിയ മുറിയിൽ നിന്നും ലിയനാർഡോ ഡാവിഞ്ചിയുടെ കൈയ്യെഴുത്തുപ്രതികൾ കണ്ടെത്തുകയുണ്ടായി.ഒരേ സമയം ഇരു കൈകളും ഉപയോഗിച്ച് ഇടത്തോട്ടോ വലത്തോട്ടോ ഇഷ്ടാനുസരണം എഴുതാൻ കഴിയുന്ന ആളായിരുന്നു ഡാവിഞ്ചി.അദ്ദേഹത്തിന്റെ സ്വകാര്യ നോട്ടുപുസ്തകത്തിൽ നിന്ന് ആധുനിക മിലിട്ടറി വാഹനങ്ങളുടേയും ആയുധങ്ങളുടേയും രേഖാചിത്രങ്ങളും വിവരണങ്ങളും ലഭിക്കുകയുണ്ടായി.അദ്ദേഹത്തിന്റെ പ്രവചനങ്ങളുടെ പുസ്തകം എന്ന ഗ്രന്ഥത്തിൽ അദ്ദേഹം ദൈവദൂതന്മാരുമായി സംവദിച്ചിട്ടുണ്ടെന്ന് പറയുന്നുണ്ട്..അവർ കൊടുത്തതാണത്രേ ഈ അറിവുകൾ...

പ്രക്യതി ദുരന്തങ്ങളൂം ബാഹ്യശക്തികളും.

മനുഷ്യരാശി നേരിട്ട ഓരോ വലിയ പ്രക്യതിദുരന്തത്തിനും മുന്നോടിയായി അഞ്ജതശക്തികളുടെ സാന്നിധ്യം ആ പരിസരങ്ങളിൽ അനുഭവപ്പെടാറൂണ്ട്.2004ൽ സംഭവിച്ച ഇൻഡോനേഷ്യൻ സുനാമിക്കു ദിവസങ്ങൾ മുൻപ് തെക്ക്കിഴക്കൻ ഏഷ്യയിൽ പലയിടത്തും UFO കൾ കണ്ടതായി റിപ്പോർട്ടുണ്ട്.

അത് പോലെ ഈ അടുത്ത് യൂറോപ്പിന്റെ താളം തെറ്റിച്ച ഐസ്ലാന്റിലെ " Eyjafjallajokull " അഗ്നിപർവ്വത സ്ഫോടനത്തിന്റെ ആദ്യ ദ്യശ്യങ്ങൾ പകർത്തിക്കൊണ്ടിരുന്ന സ്കൈ ന്യൂസ് എന്ന ചാനലിന്  UFOകൾ ആകാശത്തിലെ പുകയ്ക്കിടയിലൂടെ സഞ്ചരിക്കുന്നതിന്റെ ദ്യശ്യങ്ങൾ ലഭിക്കുകയുണ്ടായി.


ആധുനികയുദ്ധങ്ങൾ ഇന്ന് ബയോളജിക്കൽ യുദ്ധങ്ങളാണ്.നേർക്കുനേർ തോക്കും ബോംബും ഉപയോഗിച്ച് പരസ്പരം പോരടിക്കുന്ന പരമ്പരാഗത യുദ്ധരീതി ഇന്ന് വികസ്വര രാജ്യങ്ങളുടെ മാത്രം വഴിയാണ്.ശത്രുവിനെ അടിമുടി തകർക്കാൻ താരതമ്യേന ചിലവ് കുറഞ്ഞതും പ്രഹരശേഷി തലമുറകളോളം നിലനിൽക്കുന്നതും രാസായുധങ്ങളുടേയും രോഗാണുക്കളുടേയും പ്രയോഗങ്ങൾ കൊണ്ടാണ്..

മനുഷ്യരാശി ഓരോ പുരോഗമനപാതകൾ വെട്ടിത്തുറക്കുമ്പോഴും ജനസംഖ്യയിൽ ക്രമാതീതമായ വർദ്ധനവ് ഉണ്ടാകുമ്പോഴുമൊക്കെ എന്തെങ്കിലും വലിയ തോതിലുള്ള ദുരന്തങ്ങൾ യദ്യശ്ച്യാ എന്നോണം സംഭവിക്കാറുണ്ട്.

യൂറോപ്പിന്റെ മൂന്നിലൊന്ന് ജനസമൂഹത്തെ തുടച്ചുനീക്കിയ ബ്ലായ്ക്ക് പ്ലേഗ്, ഗ്രേറ്റ് ഫ്ലൂ തുടങ്ങിയവ ഇതിനുദാഹരണങ്ങളാണ്.ബ്ലായ്ക്ക് പ്ലേഗ് പടരുന്നതിനു ദിവസങ്ങൾക്ക് മുൻപ് അഞ്ജാതമായ എന്തോ വസ്തുക്കൾ ആകാശത്തു നിന്ന് വർഷിച്ചതായി രേഖപ്പെടുത്തിയിട്ടുണ്ട്.അത് പോലെ തന്നെ ആ സമയത്ത് യു.എഫ്.ഒകളുടെ സാന്നിദ്ധ്യത്തിന് ജനങ്ങൾ സാക്ഷിയാവുകയും ചെയ്തു.

പാൻസ്പെർമിയ തിയറി പ്രകാരം ജീവൻ പ്രപഞ്ചത്തിലാകമാനം വ്യാപിക്കുന്നത് സൂക്ഷ്മജീവികളിലൂടെയുമാണ്.ഭൂമിയിൽ സംഭവിക്കുന്ന പല മഹാമാരികൾക്കും കാരണഭൂതരായ സൂക്ഷജീവികൾ വന്നത് ഭൂമിയിൽ നിന്നല്ല എന്ന് ഇന്ന് തെളിയിക്കപ്പെട്ടിട്ടുണ്ട്.

അത് പോലെ തന്നെ ജീവന്റെ അടിസ്ഥാന തത്വങ്ങളും ലംഘിക്കപ്പെട്ടിരിക്കുന്നു...ജീവന് വളരാൻ വായുവും ജലവും ആവശ്യമാണെന്നത് ഇന്ന് തെറ്റായ അറിവാണ്.ജൂപ്പിറ്ററിലെ അന്തരീക്ഷം ക്യത്യമാമായി സ്യഷ്ടിച്ചപ്പോൾ അതിലും ജീവിക്കുന്ന ബാക്ടീരിയകളെ ശാസ്ത്രഞ്യർ കണ്ടെത്തി.

2007ൽ മറ്റൊരു കണ്ടുപിടുത്തവും നടന്നു.സാൽമൊണല എന്ന ബാക്ടീരിയ സീറോ ഗ്രാവിറ്റിയിൽ, അതായത് ശൂന്യാകാശത്തിലെ അന്തരീക്ഷത്തിൽ 700മടങ്ങ് അപകടകാരിയാകുന്നു എന്ന്.അത് പോലെ തന്നെ സ്പാനിഷ് ഇൻഫ്ലുവെൻസയുടെ അണുക്കളും വന്നത് ഭൂമിയിൽ നിന്നല്ല്ല എന്ന് കണ്ടുപീടിച്ചിട്ടുണ്ട്.2007 തന്നെ പെറുവിൽ പതിച്ച മറ്റൊരു ഉൽക്ക കാരണം സമീപപ്രദേശങ്ങളിലുള്ളവർക്ക് അസ്വസ്ഥതകളും രോഗലക്ഷണങ്ങൾ വരെയുണ്ടായി.

2006ൽ നാസ ഓർഗനൈസേഷൻ ഭൂമിക്കടുത്തുകൂടി പോയ, മറ്റൊരു നക്ഷത്രസമൂഹത്തിൽ നിന്നും വന്ന ഒരു ഉൽക്കയുടെ ധൂളികൾ ബഹിരാകാശവാഹനം ഉപയോഗിച്ച് ശേഖരിക്കുകയുണ്ടായി.അതിസൂക്ഷമായ വൈറസുകളെ ഇതിൽ നിന്നും അവർ കണ്ടെത്തി.
ഭൂമിയിൽ ജീവന്റെ ഉതപത്തിക്കും മുൻപുള്ള ജീവജാലത്തിന്റെ ഫോസിൽ അന്റാർട്ടികയിൽ പതിച്ച ഒരുൽക്കയിൽ നിന്ന് കണ്ടെടുത്തതും ഇതിനോടൊപ്പം ചേർത്ത് വായിക്കാം....

എന്തിന് കേരളത്തിൽ പെയ്ത നിറമുള്ള മഴ വരെ ഇന്നും ഒരു നിഗൂഡതയാണ്..ഈ മഴവെള്ളത്തിന്റെ സാമ്പിളുകൾ പരിശോധിച്ചപ്പോൾ ജീവനുള്ള ചിലതരം സെല്ലുകൾ അവയിൽ കണ്ടെത്തുകയുണ്ടായി.നമ്മുടെ നാടായത് കൊണ്ട്  ആറ്റംബോംബ് കണ്ടെത്തിയാലും കൂ‍ടിപ്പോയാ‍ൽ ഒരു ഹർത്താൽ അല്ലാതെ വേറേയൊന്നും നടക്കാൻ ഇടയില്ല..ഇനിയിതിൽ എന്തെങ്കിലും  കണ്ടെത്തിയ സായ്പ് സത്യം  ഒട്ട് പുറത്ത് പറയാനും തരമില്ല.

മോർഗെല്ലൻസ് ഡിസീസ് എന്ന ചികിത്സയില്ലാത്ത അപൂർവ്വ രോഗവും കണ്ടെത്തിയത് 2002ലായിരുന്നു.മേരി എന്ന ബയോളജിസ്റ്റ് തന്റെ മകന്റെ തൊലിപ്പുറത്തുനിന്നാണ് ഫംഗൽ ബാധ എന്ന് കരുതിയ ഈ അണൂക്കളെ കണ്ടെത്തിയത്....ആദ്യം ഡോക്ടർമാർക്കും മനസ്സിലാകാതെപോയ ഈ രോഗം പിന്നീട് പുതിയ രോഗങ്ങളുടെ പട്ടികയിൽ ഇടം നേടി..ഇത് വരെ കണ്ടുപിടിക്കപ്പെട്ടിട്ടില്ലാത്ത രോഗവാഹികളായ അണുക്കളായിരുന്നു അവ...

സമാനമായി പല പല വൈറസുകളും ഒരുപക്ഷേ പർപ്പസീവായിട്ട് തന്നെ ഭൂമിയിലേക്ക് വരുന്നത് ബഹിരാകാശത്തുനിന്നാണെന്ന് സംശയാതീതമായി ഇന്ന് തെളിയിക്കപ്പെട്ടിരിക്കുന്നു.
പെറ്റ് പെരുകുന്ന ജനതയെ തികച്ചും സ്വഭാവികതയോടെ നിയന്ത്രിച്ചുനിർത്താൻ സൂക്ഷ്മാണുക്കളോളം നല്ലൊരായുധമില്ലെന്ന് തിരിച്ചറിഞ്ഞ ബാഹ്യശക്തികൾ തന്നെയാകാം ഇതിന്റെ പിന്നിൽ.


(തുടരും)
അടുത്ത ലക്കം:

എക്ട്രാ ടെറസ്ട്രിയൽ ശരീരങ്ങൾ
നിഗൂഡ ജീവജാലങ്ങൾ




Courtesy
 : Ancient Astronaut Theory, Chariots Of Gods, Technology Of Gods, Ancient Alien Documentaries. 


.....

Apr 25, 2012

അജ്ഞാതരായ ദൈവങ്ങൾ - 10


മരണ രശ്മികൾ


Nikola Tesla
അതിശക്തമായ ശബ്ദതരംഗങ്ങൾ ഉപയോഗിച്ച് ശത്രുക്കളെ നിഷ്പ്രഭരാക്കുന്ന സാങ്കേതികവിദ്യയായ സോണിക് ബൂം ഇന്ന് ഉപയോഗിക്കുന്നത് സമരം ചെയ്യുന്ന ജനക്കൂട്ടത്തെ പിരിച്ചുവിടാനും മറ്റുമാണ്..ശബ്ദതരംഗങ്ങൾ പ്രത്യേക ആവ്യത്തിയിൽ ശത്രുവിനെ ലക്ഷ്യമാക്കി പ്രസരിപ്പിക്കുന്നു..താത്കാലികമായി ഇതിനു വിധേയമാകുന്ന ആളിനെ അസ്ത്രപ്രഞ്ജനാക്കാൻ പര്യാപ്തമാണീ രശ്മികൾ...

2010ലാണ് ഇതിന്റെ ശക്തി കൂടിയ വേർഷൻ അമേരിക്കൻ ആർമി വികസിപ്പിച്ചത്...വിദൂരതയിൽ നിന്ന്  അതിവേഗത്തിൽ പറക്കുന്ന വിമാനങ്ങളേയും മറ്റും ദഹിപ്പിച്ചുകളയാൻ തക്ക ശക്തിയുള്ള തരംഗങ്ങളാണവ...

പക്ഷേ ഈ അതിനൂതന സാങ്കേതികവിദ്യ പൌരാണിക കാലത്തും ഉപയോഗിച്ചിരുന്നു എന്നതിന് തെളിവുകൾ ഉണ്ട്..ഇസ്രായേലുകാരും ജെറിക്കോ എന്ന സിറ്റിയും തമ്മിൽ നടന്ന യുദ്ധത്തിൽ ജെറിക്കോയുടെ അതിശക്തമായ കോട്ടമതിലുകൾ തകർത്തത് ഒരു പ്രത്യേക തരം ശബ്ദം പുറപ്പെടുവിക്കുന്ന കുഴലുകൾ കൊണ്ടാണെന്ന് പറയപ്പെടുന്നു...ആ യുദ്ധത്തിന്റെ പൌരാണിക  വിവരണങ്ങളിൽ നിന്ന് അതിശക്തമായ തരംഗങ്ങളെ നിയന്ത്രിക്കാനാകാവുന്ന ഉപകരണങ്ങൾ അവർ  ഉപയോഗിച്ചിരുന്നു എന്ന് മനസ്സിലാക്കാം..

അത് പോലെ 1200ബിസിയിൽ ഗ്രീക്കിനെ ആക്രമിച്ച റോമൻ കപ്പൽ‌പ്പടയെ അഗ്നിക്കിരയാക്കിയത് ഒരു പ്രത്യേകതരം രശ്മികൾ കൊണ്ടാണെന്ന് പറയപ്പെടുന്നു..ഗ്രീക്ക് ശാസ്ത്രഞ്ജ്യനായ ആർക്കമഡീസ് കണ്ടെത്തിയ ഒരു പുതിയ തരം ആയുധമാണ് സൂര്യരശ്മികളെ ഒരു കൂറ്റൻ കണ്ണാടിയുടെ സഹായത്തോടെ പ്രത്യേകബിന്ദുവിൽ കേന്ദ്രീകരിക്കുന്ന വിദ്യ....ഇതേ സാങ്കേതികവിദ്യ ഉപയോഗിച്ചാണ് റോമൻ സൈന്യത്തെ നേരിട്ടത് എന്നാണ് ലിഖിതങ്ങൾ പറയുന്നത്..ബസ്റ്റരേഴ്സ് എന്ന പ്രോഗ്രാമിന്റെ ഭാഗമായി പിന്നീട് നടന്ന പരീക്ഷണങ്ങളിൽ വുഡ് കത്താൻ വേണ്ട ഇഗ്നീഷ്യൻ ടെമ്പറേച്ചർ ഈ വിദ്യപ്രകാരം ഉണ്ടാക്കാൻ ബുദ്ധുമുട്ടാണെന്ന് തെളിഞ്ഞു.....വെറും ലെൻസും സുര്യപ്രകാശവും കൊണ്ട് കഥയിൽ പറയും പോലെ ഒരു കപ്പലിനെ കത്തിക്കാൻ തക്ക ചൂടുണ്ടാക്കാൻ സാദ്ധ്യമല്ലെന്നിരിക്കെ എന്തായിരിക്കാം അന്ന് ആർക്കമിഡീസ് പ്രയോഗിച്ച രശ്മികൾ എന്നത് അഞ്ജാതമാണ്..

Army blowing Horns To Destroy Walls of City Jericho

അതിശക്തമായ റേഡീയന്റ് എനർജ്ജികൾ പുരാതനയുഗങ്ങളിൽ ഉപയോഗിച്ചിരുന്നു എന്ന് കരുതാം..
ഈ വാദങ്ങൾക്ക് ഉപോത്ബലമായി കണ്ടെത്തിയിട്ടുള്ള തെളിവുകളിലൊന്ന് സ്കോട്ട്ലന്റിലെ ഒരു പുരാതനമായ കോട്ടയുടെ അവശിഷ്ടങ്ങളാണ്.ഇതിന്റെ നിർമ്മാണത്തിനു ഉപയോഗിച്ചിരിക്കുന്ന വസ്തുക്കൾ അതിശക്തമായ ചൂടിൽ ഉരുകി ചില്ലായി രൂപാന്തരം പ്രാപിച്ചിട്ടുണ്ട്..സാധാരണ രീതിയിലുള്ള അഗ്നിയാൽ ഇത് സാധ്യമല്ല..അസാമാന്യമായ ഉയർന്ന ചൂടിലേ ഇത് നടക്കൂ..ഒന്നുകിൽ ആ‍ണവോർജ്ജം അല്ലെങ്കിൽ അതിശക്തമായ മരണരശ്മികൾ...ഇതിലേതെങ്കിലും പുരാതനകാലത്ത് ഉപയോഗിക്കപ്പെട്ടിരുന്നിരിക്കണം.പാകിസ്ഥാനിലെ മോഹൻ ജൊദാരോ സംസ്കാര ശേഷിപ്പുകളിലും മണ്ണിന്റെ ഈ രാസമാറ്റം കണ്ടുപിടിക്കപ്പെട്ടിട്ടുണ്ട്.

ആൾട്ടർനേറ്റിങ്ങ് കറന്റിന്റെ ( AC ) ഉപഞ്ജാതാവായ നിക്കോള ടെസ്ല  1943ൽ  മരണ രശ്മികൾ കണ്ടെത്തിയതായി പറയുന്നുണ്ട്.പക്ഷേ അവ അമേരിക്കൻ ആർമിയുടെ സീക്രട്ട് ബേസിൽ ആയിരുന്നു .250 മൈൽ ദൂരത്തിൽ നിന്ന് ഒരു വിമാനപ്പടയെ മൊത്തം ചാമ്പലാക്കാൻ തക്ക പ്രഹരശേഷി ഉള്ളവയായിരുന്നു അവ.പക്ഷേ ടെസ്ലയുടെ കണ്ടുപിടുത്തത്തിന്റെ വിശദാംശങ്ങൾ വർഷങ്ങൾക്കു ശേഷമാണ് പുറം ലോകം അറിയുന്നത്.അദ്ദേഹത്തിന്റെ മരണം ഒരു കൊലപാതകമാണ് എന്നും സംശയിക്കുന്നുണ്ട്...ദുരൂഹമായ സാഹചര്യത്തിൽ ഒരു ഹോട്ടലിൽ വച്ചാണ് ടെസ്ല കൊല്ലപ്പെടുന്നത്...കൊന്നത് അമേരിക്കൻ ഏജന്റുമാരും എന്ന് പറയപ്പെടുന്നു..ആ സംഭവങ്ങൾ ഇന്നും നിഗൂഡമായി തുടരുന്നു.

രഹസ്യ കോഡുകൾ

വർഷങ്ങൾക്ക് മുൻപ് പാശ്ചാത്യലോകം കണ്ട ഏറ്റവും മഹാനായ ചിന്തകൻ പ്ലേറ്റോ പറഞ്ഞിട്ടുണ്ട് ഭൂമി പെന്റഗൺ ജ്യാമതീയരൂപങ്ങൾ  ചേർത്ത് വച്ച് പ്രത്യേകരീതിയിൽ ഗോളമായി നിർമ്മിച്ചതാണെന്ന്..ഇന്ന് ആധുനിക ശാസ്ത്രവും അത്  ശരിവയ്ക്കുന്നു..

അത് പോലെ തന്നെ ഈജീപ്ഷ്യൻ പിരമിഡുകൾ, സ്ടോൺ ഹെഡ്ജസ്, മായൻ ക്ഷേത്രങ്ങൾ എന്നിവ ഒക്കെ മിൽക്കി വേയ്ക്കും അപ്പുറത്തുള്ള വിദൂരനക്ഷത്രസമൂഹങ്ങളുടെ ലേ ഔട്ടിൽ നിർമ്മിച്ചിരിക്കുന്നതാണെന്നും കണ്ടെത്തിയിട്ടുണ്ട്.
ഈ നിർമ്മിതികളിലെല്ലാം ഒളിഞ്ഞിരിക്കുന്ന കോഡുകൾ വിരൽചൂണ്ടുന്നത് ആ വിദൂരനക്ഷത്ര സമൂഹങ്ങളിലേക്കാണ്.

ഫ്രാൻസിലെ  ഗബ്രിനാസ് ദ്വീപിലെ ഗുഹകളിലെ ബി.സി3500ൽ നിർമ്മിച്ച പുരാതനമായ ശവകുടീരങ്ങൾ പരിശോധിച്ച ഗവേഷകർ അതിന്റെ നിർമ്മാണത്തിനുപയോഗിച്ച നിർമ്മാണഫലകങ്ങളിൽ നിന്ന് അത്യാധുനിക ഗണിതശാസ്ത്ര തിയറികളാണ് കണ്ടെത്തിയത്...അതിൽ ആലേഖനം ചെയ്ത കോഡുകൾ ഡീകോഡ് ചെയ്തപ്പോൾ ലഭിച്ചത്  പ്രസ്തുത ദ്വീപിന്റെ അക്ഷാംശ രേഖാംശങ്ങൾ, സുര്യന്റെ ചക്രങ്ങൾ, റിതുക്കൾ കൂടാതെ വ്യത്തത്തിന്റെ അടിസ്ഥാനമായ “പൈ”  യുടെ വാല്യൂവും മറ്റുമാണ്.

എക്സ്ട്രീം ഗണിതശാസ്ത്രം ആധുനിക മനുഷ്യന്റെ കുത്തകയാണെന്ന് കരുതുമ്പോൾ തന്നെയാണ് ഈ കണ്ടെത്തലുകൾ നടന്നത്...ഇറാക്കിലെ സുമേരിയൻ സംസ്കാരത്തിന് ,  ചരിത്രാതീതകാലത്ത് അവരുടെ ദൈവങ്ങളായ അനുനാകികൾ നൽകിയത് 12 ( Base 60 ) അടിസ്ഥാനമാക്കിയ ഗണിതശാസ്ത്രമാണ്..ആധുനിക ഗണിതശാസ്ത്രവും ഇത് അടിസ്ഥാനമാക്കിത്തന്നെയാണ് പ്രവർത്തിക്കുന്നത്.

ജനനം , മരണം, ജീവിതചക്രങ്ങൾ തുടങ്ങിയ അനേകം സമസ്യകൾക്ക് ഹൈപ്പോതറ്റിക്കൽ വിശദീകരണങ്ങൾ നൽക്കാൻ ഇന്ന് ശാസ്ത്രത്തിനാകുന്നു...പ്രപഞ്ചത്തിലെ അതിസങ്കീർണ്ണമായ സ്റ്റോറേജ് ഡീവൈസും മൈക്രോപ്രൊസസറുമായ ഡി.എൻ.എ എന്ന അത്ഭുതപ്രതിഭാസത്തെപ്പറ്റി കൂടുതൽ പഠിക്കുന്തോറും മനുഷ്യർ സ്വയം തിരിച്ചറിയുകയാണ്..പ്രതികൂലമായ സാഹചര്യങ്ങളിൽ  പോലും നശിക്കാത്ത ഈ തന്മാത്രകളാൽ സ്യഷ്ടിതമായ കോണിപ്പടികളിൽ അടക്കം ചെയ്തിട്ടുള്ള രഹസ്യങ്ങൾ എന്തൊക്കെയാണെന്ന് ഇനിയും അറിയാൻ കിടക്കുന്നതെയുള്ളൂ...

ഫിസിക്സിന്റെ തിയറികളും പുതിയ കണ്ടെത്തലുകൾക്ക് ഒപ്പം മാറിക്കൊണ്ടിരിക്കുന്നു.ഗ്രാവിറ്റേഷണൽ ഫോഴ്സിനെപ്പറ്റി പണ്ടുമുതലേയുള്ള സംശയമാണ്..നേച്ചറിലെ ഏറ്റവും വീക്ക് ഫോഴ്സ് ആണെന്ന് പരമ്പരാഗത ശാസ്ത്രം പറയുമ്പോഴും,  ഒരു മൊട്ടുസൂചിയെ മുതൽ ഈ ഭൂമിയെ വരെ അപ്പാടെ പിടിച്ച് നിർത്തുന്ന ശക്തി...എന്നാൽ അതിനെ എതിർക്കാൻ ഒരു ഉറൂമ്പിന് പോലും ആകുന്നു....
ജി (G = 6.73 X 10^-11 ) ഒരു കോൺസ്റ്റന്റ് ആണ് എന്ന വാദവും ദുർബലമാണിന്ന്.പ്രപഞ്ചം വികസിക്കുന്നതിനൊപ്പം ജി യുടെ വാല്യൂ കുറയുന്നുവെന്നും ഒരു തിയറിയുമുണ്ട്...

എന്തായാലും ഗ്രാവിറ്റി റിലേറ്റീവായി പെരുമാറുന്നു എന്ന് നമുക്ക് മനസ്സിലാക്കാനാകും...അഞ്ചോ അതിലധികമോ ഉള്ള ഡയമെൻഷനുകളിൽ ആക്ട് ചെയ്യുന്ന ഒരു ശക്തിയാകാം ഗ്രാവിറ്റി....ത്രിമാന ഡയമെൻഷനുകളിലുള്ള വിഷ്വലൈസേഷനപ്പുറം മനുഷ്യന്റെ തലച്ചോറിന് ഉൾക്കൊള്ളാനാകാത്തതിനാൽ അവിടെ ഒരു ലിമിറ്റേഷൻ ഉണ്ട്..എങ്കിലും മാത്തമാറ്റിക്സിന്  അതിനാകും...

നമ്മൾ ഇപ്പോൾ വസിക്കുന്ന ആവാസവ്യവസ്ഥിതിയിൽ നിന്ന് ഒരു മില്ലിമീറ്റർ ദൂരത്തിലായിരിക്കാം അടുത്ത പ്രപഞ്ചം...പക്ഷേ അത് മറ്റൊരു ഡയമെൻഷനിലായത് കൊണ്ട് ഒരുപക്ഷേ ബില്യൺ കണക്കിന് വർഷങ്ങൾ സഞ്ചരിച്ചാലേ അവിടെ എത്തുകയുള്ളായിരിക്കാം..

തുടരും)


അടുത്ത ലക്കം:

പ്രക്യതിദുരന്തങ്ങൾ





Courtesy
 : Ancient Astronaut Theory, Chariots Of Gods, Technology Of Gods,
Ancient Alien Documentaries. 


.....

Apr 20, 2012

അജ്ഞാതരായ ദൈവങ്ങൾ - 9

മരണം മറ്റൊരു ലോകത്തിലേക്കുള്ള വാതിൽ ???


മസ്തിക്ഷ്കമരണം..അതായത് തലച്ചോർ പ്രവർത്തനം നിർത്തുമ്പോഴാണ് ഒരു വ്യക്തി വൈദ്യശാസ്ത്രപരമായി മരിച്ചു എന്ന് കരുതുന്നത്..എന്നാൽ മരണം എന്ന അവസ്ഥ ഇന്നും ഏതാണ്ട് പൂർണ്ണമായും ഒരു ദുരൂഹതയാണ്.അതിലേയ്ക്ക് അല്പമെങ്കിലും വെളിച്ചം വീശിയിട്ടുള്ളത് മരിച്ചു തിരിച്ചുവന്നവരിൽ  നിന്നാണ്.ലോകത്ത് ഇത്തരം നൂറോളം കേസുകൾ കേരളത്തിലുൾപ്പെടെ റിപ്പോർട്ട് ചെയ്യപ്പെട്ടിട്ടുണ്ട്...അതിശയകരമായ സംഭവം എന്താണെന്ന് വച്ചാൽ എല്ലാവർക്കും ഒരേ രീതിയിലുള്ള അനുഭവങ്ങളാണ് നേരിട്ടത്.


1983ൽ കാലിഫോർണിയയിൽ വച്ച് ഒരു വാഹനാപകടത്തിൽ പെട്ട്  ജെസീക്ക എന്ന യുവതി മാരകമായ പരിക്കുകളോടെ കോമ സ്റ്റേജിലായി..അപ്പോളവൾക്ക് അഞ്ജാതമായൊരു അനുഭവം തോന്നി.ശരീരത്തിന്റെ കെട്ടുപാടുകളിൽ നിന്ന്  സ്വതന്ത്രമായത് പോലുള്ള ഒരു അനുഭവം.
മിന്നിത്തിളങ്ങുന്ന നക്ഷത്രങ്ങൾക്കിടയിലൂടെ സഞ്ചരിക്കുന്നു..ഇടയിലായി വീഡിയോയിലെന്ന പോലെ തന്റെ കഴിഞ്ഞകാലജീവിതം അവൽ കണ്ടു.. അവസാനം ഒരു ഇരുണ്ട തുരങ്കത്തിലേക്ക് എത്തി.ഒരു ചുഴിയിലേക്കെന്ന പോലെ അവളെ ആ തുരങ്കം ആകർഷിച്ചു...പക്ഷേ പെട്ടെന്ന് അവൾ പുറന്തള്ളപ്പെട്ടു..അവൾ കോമയിൽ നിന്ന് ഞെട്ടിയുണർന്നു.


ഇവിടെ പരാമർശിക്കേണ്ടത് ഒരു ടിബറ്റൻ മതവിശ്വാസമാണ്..അത് പ്രകാരം മരണപ്പെട്ട ആത്മാവ് ഒരു തുരങ്കത്തിൽ എത്തുന്നു..ശസ്ത്രീയമായിപ്പറഞ്ഞാൽ ആത്മാവ് എന്ന ഹൈപ്പർ ഡൈമൻഷൻ എനർജ്ജി ഒരു വേം ഹോളിൽ..അഥവാ ഒരു ഇന്റർ ഡൈമെൻഷണൽ  ( Inter dimensional  ) ഗേറ്റ് വേയിൽ എത്തുന്നു...അതിലൂടെ സഞ്ചരിച്ച് മറ്റൊരു ലോകത്തേക്കും...ഇനി  ഈ യാത്ര വിജയിച്ചില്ലെങ്കിൽ ഈ ആത്മാവ് വീണ്ടും യുക്തമായ മറ്റൊരു ശരീരത്തിൽ ജന്മമെടുക്കും എന്നും ടിബറ്റൻ വിശ്വാസത്തിൽ പറയുന്നുണ്ട്..


ഒരു പക്ഷേ ശാശ്വതമായത് മറ്റൊരു ലോകമാകാം..നമ്മൾ മറ്റൊരു ലോകത്തേക്ക്, മറ്റൊരു ഡയംമൻഷനിലുള്ള ആവാസവ്യവസ്ഥിതിയിലേക്ക് ജനിക്കാനുള്ള തയ്യാറെടുപ്പാകാം മനുഷ്യജന്മം.
ഹിന്ദുപുരാണങ്ങളിലെ മോക്ഷത്തെ ഒക്കെ ശാസ്ത്രീയമായി നിർവചിച്ചാൽ ഈ നിഗമനത്തിൽ എത്തിച്ചേരും..


(തുടരും)


അടുത്ത ലക്കം:


മരണ രശ്മികളും കോഡുകളും




Courtesy : Ancient Astronaut Theory, Chariots Of Gods, Technology Of Gods,Ancient  Alien Documentaries. 
...

Apr 17, 2012

അജ്ഞാതരായ ദൈവങ്ങൾ -8

ദുരൂഹതകൾ


പ്രശസ്ത ഫിക്ഷൻ എഴുത്തുകാരനായ ആമ്പ്രോസ് ബിയേഴ്സ് തന്റെ നോവലുകളുടെ രചനയുടെ ഭാഗമായി ഗോത്രവർഗ്ഗങ്ങളിൽ മറ്റുലോകങ്ങളെപ്പറ്റി നിലനിന്നിരുന്ന വിശ്വാസങ്ങളെപ്പറ്റി പഠിക്കുകയുണ്ടായി..അതിൽ നിന്ന് എന്തൊക്കെയോ ചില സത്യങ്ങൾ അദ്ദേഹം കണ്ടെത്തി.പിന്നീട് ഒരു ദുരൂഹ സാഹചര്യത്തിൽ അദ്ദേഹം തിരോധാനം ചെയ്യപ്പെടുകയാണുണ്ടായത്.അദ്ദേഹത്തിന്റെ വസതിയിൽ നിന്നും ലഭിച്ച ഒരു കത്തിൽ ഇപ്രകാരം എഴുതിയിരുന്നു,.ഞാൻ മറ്റൊരു ഡൈമെൻഷനിലേക്ക് പോവുകയാണ്.ഇനി എന്നെ തിരക്കണ്ട എന്നും...അദ്ദേഹത്തിന്റെ ഒരു നോവലിൽ വിവരിച്ചിരിക്കുന്ന അതേ രീതിയിൽ...ആ നോവലിലെ കഥപാത്രവും ഭൂമി ഉപേക്ഷിച്ച് മറ്റൊരു മാനത്തിലേക്ക് യാത്രയാവുകയായിരുന്നു.

മുൻപ് സൂചിപ്പിച്ചതുപോലെ ഈ ഭൂമിയിൽ തന്നെ നക്ഷത്രലോകത്തേക്ക് യാത്ര സാദ്ധ്യമാകുന്ന അനേകം ഗേറ്റ് വേകൾ ഉണ്ട്.അവയിലൂടെ കടന്നാൽ നമ്മൾ എത്തുക ഒരു പക്ഷേ ലക്ഷക്കണക്കിന് പ്രകാശവർഷങ്ങൾക്കപ്പുറമുള്ള ഒരഞ്ജാത ആവാസവ്യവസ്ഥയിലാകാം അല്ലെങ്കിൽ ഇവിടെത്തന്നെയുള്ള മറ്റൊരു ഡയമെൻഷനിലുള്ള ലോകത്തിൽ...

കാലിഫോർണിയയിലെ എലിസബത്ത് തടാകവും ഇത്തരമൊരു ഗേറ്റ് വേ ആ‍യി കണക്കാക്കുന്നു.
( Inter dimensional Gate way  ).ഈ തടാകം സ്ഥിതി ചെയ്യുന്നത് നോർത്ത് അമേരിക്കൻ ഭൌമപാളിയുടെയും പസഫിക് പാളിയും യോജിക്കുന്ന സാൻ ആൻഡ്രിയാസ് ഫാൾട്ടിലാണ്.

വളരെ പണ്ടുകാലം മുതൽക്കു തന്നെ ഈ തടാകം യു.എഫ്.ഒ സാന്നിദ്ധ്യം കൊണ്ട് പ്രശസ്തമാണ്.പറക്കും തളികകൾ തടാകത്തിലേക്ക് താഴ്ന്ന് അപ്രത്യക്ഷമാകുന്നതും തടാകത്തിൽ നിന്ന് ഉയർന്നുവരുന്നതും സമീപ്രദേശങ്ങളിലുള്ള ജനങ്ങൾ ധാരാളം കണ്ടിരിക്കുന്നു.

നിഗൂഡസ്ഥലങ്ങളിൽ കുപ്രസിദ്ധിയാർജ്ജിച്ചവ വേറെയുമുണ്ട്.ഫ്യൂജി പർവ്വതിന്റെ താഴ്വാരത്തിലുള്ള ജപ്പാനിലെ ഓക്കിങ്ങ്അഹാറ കാട് അത് പോലെ ഒരു സ്ഥലമാണ്.ഓരോ വർഷവും നൂറുകണക്കിന് ആൾക്കാരാണ് ഇവിടെ വന്ന് ജീവത്യാഗം ചെയ്യുന്നത്.ജാപ്പനീസ് വിശ്വാസപ്രകാരം ഈ വനം ഫ്യൂജി ദേവതയുടെ വാസസ്ഥലമാണത്രേ.ആത്മഹത്യ ചെയ്യുന്നവർ എന്തിനീസ്ഥലം തിരഞ്ഞെടുക്കുന്നു എന്നത് ഇന്നും അഞ്ജാതമാണ്.

1959ൽ റഷ്യയിലെ യൂറോമൌണ്ടേനുകൾ കയറാനായി ഒൻപത് അംഗങ്ങളുള്ള ഒരു പര്യവേഷകസംഘം പുറപ്പെട്ടു.അവിടെ ഉയരം കൂടിയ പർവതമായ ഒട്ടോർട്ടൺ ആയിരുന്നു അവരുടെ ലക്ഷ്യം..വിലക്കപ്പെട്ട സ്ഥലവും അഞ്ജാത ശക്തികളുടെ വാസസ്ഥലവുമാണ് ഈ പ്രദേശം എന്നാണ് ഐതിഹ്യങ്ങളിൽ അറിയപ്പെടുന്നത്.

ഏതാണ്ട് ലക്ഷ്യസ്ഥാനമായ ഒട്ടോർട്ടൺ കൊടുമുടിയുടെ അടുത്തെത്തിയപ്പോഴേയ്ക്കും കാലാവസ്ഥ തീർത്തും പ്രതികൂലമായി.ഇത്രവരെ വന്നസ്ഥിതിക്ക് കൊടുമുടി കീഴടക്കാതെ മടങ്ങണ്ട എന്ന് നിശ്ചയിച്ച് കാലാവസ്ഥ തെളിയുന്നത് വരെ ആ സ്ഥലത്തു തന്നെ ക്യാമ്പ് ചെയ്യാനവർ തീരുമാനിച്ചു.

പത്ത് ദിവസങ്ങൾ കഴിഞ്ഞിട്ടും സംഘത്തെക്കുറിച്ച് വിവരം ലഭിക്കാഞ്ഞതിനാൽ മിലിട്ടറി റെസ്ക്യൂ ടീം രംഗത്തെത്തി.ഉപേക്ഷിക്കപ്പെട്ട നിലയിൽ അവർ ആ ക്യാമ്പ് കണ്ടെത്തി.ടെന്റുകൾ അകത്തുനിന്നും കീറിമുറിച്ച നിലയിൽ!!!...

മഞ്ഞിൽ പതിഞ്ഞ അടയാളങ്ങൾ സൂചിപ്പിച്ചത് അവർ 'നഗ്നപാദരായി' താഴ്വാരങ്ങളിലെ കാടുകൾ ലക്ഷ്യമാക്കി ഓടിയെന്നാണ്.അവ പിന്തുടർന്ന അന്വേഷകർ ഞെട്ടിപ്പിക്കുന്ന കാഴ്ച്ചയാണ് കണ്ടത്.ഒൻപതു പേരുടേയും ശവശരീരങ്ങൾ അവിടെ നിന്നും ലഭിച്ചു..വളരെ വിചിത്രമായ അവസ്ഥയിലായിരുന്നു അവ.അതിശക്തമായ റേഡിയേഷൻ എറ്റ ശരീരം, നാക്ക് മാത്രം നഷ്ടപ്പെട്ടത്, തൊലിയുടെ നിറം മാറിയത് എന്നിങ്ങനെ ദുരൂഹമായ നിലയിലാണവ കാണപ്പെട്ടത്.

എന്താണവരെ അതിശൈത്യത്തിൽ ടെന്റുകൾ ഉള്ളിൽ നിന്നും കീറി നഗ്നപാദരായി ഓടാൻ പ്രേരിപ്പിച്ച ബാഹ്യശക്തി.? മാ‍ത്രമല്ല റെസ്ക്യൂ സംഘം തിരച്ചിൽ നടത്തിക്കൊണ്ടിരിക്കുമ്പോൾ ഓറഞ്ച് നിറത്തിലുള്ള അഞ്ജാതമായൊരു പ്രകാശം ആകാശത്ത് വ്യാപിച്ചിരുന്നതായും അവർ റിപ്പോർട്ട് ചെയ്തിരുന്നു.

സമാനമായ മറ്റൊരു സ്ഥലമാണ് ആസ്ട്രേലിയയിലെ ബ്ലാക്ക് മൌണ്ടേൻ.പ്രത്യേകരൂപത്തിലുള്ള കറുത്ത കല്ലുകൾ കൊണ്ട് അടുക്കിനിർമ്മിച്ച ഒരു മലയാണിത്...അത് കൊണ്ടുതന്നെ ധാരാളം ഗുഹകളും തുരങ്കങ്ങളും ഇവിടെയുണ്ട്.ഇവിടെ പോയിട്ടുള്ള അനേകം ആളുകൾ മാത്രമല്ല അവരെ അന്വേഷിക്കാൻ ചെന്ന പോലീസ് സംഘങ്ങൾ പോലും തിരോധാനം ചെയ്യപ്പെട്ടിട്ടുണ്ട്.


Black Mountain, Australia
ഈ മലയുടെ മുകളിലൂടെ പറക്കുന്ന വിമാനങ്ങൾക്ക് കാന്തികശക്തി മൂലം നാവിഗേഷൻ ഉപകരങ്ങൾ പ്രവർത്തിക്കാത്ത അവസ്ഥ ഉണ്ടായിട്ടുണ്ട്.സമീപവാസികൾ പൊട്ടിത്തെറികളുടെ ശബ്ദങ്ങളും അഞ്ജാതമായ രോദനങ്ങളും കേൾക്കുന്നതായും പറയപ്പെടുന്നു.അവരുടെ വിശ്വാസപ്രകാരം ഇത് റെയിൻബോ സെർപന്റ് എന്ന ഭീകരസർപ്പത്തിന്റെ വാസസ്ഥലമാണത്രേ..



സൈബീരിയയിലെ മരണത്തിന്റെ താഴ്വര എന്നറിയപ്പെടുന്ന യക്കൂഷ്യയും ഒരു അൺ ചാർട്ടേഡ് ഭൂപ്രദേശമാണ്.കല്ലുകൾ കൊണ്ടുള്ള ചില പ്രത്യേക നിർമ്മിതികൾ ഉള്ള സ്ഥലമാണത്.ഈ നിർമ്മിതികൾക്കു മുകളിൽ വനം വളർന്നുപിടിച്ചിട്ടുമുണ്ട്.ഈ പ്രദേശത്തു പോകാൻ ശ്രമിക്കുന്നവർക്ക് ആണവവികിരണങ്ങൾ ഏൽക്കാറുണ്ട്.

യു.എഫ്.ഒ ഗവേഷകനായ ഇവ മാക്രോയും സംഘവും ഒരിക്കൽ ഇവിടം സന്ദർശിക്കുകയുണ്ടായി.അവർ ഉപയോഗിച്ചത് മോട്ടോറുകൾ ഘടിപ്പിച്ച പവർ  ഗ്ലൈഡർ പാരഷ്യൂട്ടുകളാണ്.അസാധാരണമായ നിർമ്മിതികൾ അവർ കണ്ടെത്തി.വ്യത്താക്യതിയിലുള്ള ലോഹനിർമ്മിതികൾ.അവ നീളമുള്ള കല്ലുകളാൽ മറയ്ക്കപ്പെട്ടിരുന്നു..അവയെ കാലിഡ്രോണുകൾ എന്നവർ വിളിച്ചു...കൂടുതൽ അന്വേഷണങ്ങൾ നടത്തുന്നതിനു മുൻപ് സംഘാങ്ങൾക്ക് അഞ്ജാതാ‍ായ എന്തോ അനുഭവപ്പെടാൻ തുടങ്ങി..കൂടെ അസാധാരണമായ തളർച്ചയും..

അങ്ങനെ ആ പര്യവേഷണം മുടങ്ങി.ശക്തമായ ആണവ വികിരണങ്ങൾക്ക് സമീപം പോകുമ്പോഴാണ് മനുഷ്യർക്ക് ഇത്തരം അനുഭവങ്ങൾ ഉണ്ടാകുന്നത്.ഒരു പക്ഷേ അതൊരു പുരാതന ആണവ നിലയമാണെന്ന് ശാസ്ത്രഞ്ജ്യർ കരുതുന്നു.

കാലിഡ്രോൺ ലോഹനിർമ്മിതിയും കൽ വേലിയും.
റേഡിയോ ആക്ടീവ് വേസ്റ്റുകൾ ഡിസ്പോസ് ചെയ്യുന്ന സ്ഥലങ്ങളിൽ സുരക്ഷാപാളിച്ചകൾ ഉണ്ടായാൽ ആണവവികിരണങ്ങൾ പുറത്തുവരാം.1999 മുതൽ ന്യൂമെക്സിക്കോയിലെ എഡ്ഡി കൌണ്ടിയിൽ അമേരിക്കയുടെ റേഡിയോ ആക്ടീവ് വേസ്റ്റ് ഡിസ്പോസൽ പ്ലാന്റ് ഉണ്ട്...അതീവസുരക്ഷിതമായ നിർമ്മിച്ച ഈ സ്ഥലം ഭൂമിക്കടിയിൽ 2000 അടി താഴ്ച്ചയിലാണ്.ആയിരം വർഷത്തേക്ക് മാക്സിമം ഇത് നിലനിന്നേക്കാം..

അത് കഴിഞ്ഞാൽ ഈ  വികിരണങ്ങൾ പുറത്തുവരും..യുറേനിയം 238ന്റെ ഹാഫ് ലൈഫ്  4.5 ബില്യൺ വർഷങ്ങളാണ്.പ്ലൂട്ടോണീയം 234ന്റേത് 2500 വർഷങ്ങളും..ഈ റേഡിയോ ആക്ടീവ് എലമെന്റുകൾ ഡീകേയ് ചെയ്യ്ത് ഇല്ലാതാകാൻ വേണ്ട സമയമാണീത്...എത്രയോ അപകടത്തിലാണ് മനുഷ്യർ നിൽക്കുന്നത്......

(തുടരും)


അടുത്ത ലക്കം :


മരണത്തിലേക്കുള്ള വാതിൽ

Courtesy : Ancient Astronaut Theory, Chariots Of Gods, Technology Of Gods, Ancient Alien Documentaries. 


.....

Apr 14, 2012

അജ്ഞാതരായ ദൈവങ്ങൾ - 7

മതങ്ങളും  ദൈവങ്ങളും.


അമേരിക്കയിൽ പ്രചാരത്തിലുള്ള ഒരു മതമാണ് മൊർമൊണിസം.1820ൽ ജോസഫ് സ്മിത്ത് എന്നയാളാണ് ഇത് സ്ഥാപിച്ചത്.അവരുടെ മതഗ്രന്ഥമായ “Book of Mormon” പ്രകാരം അനശ്വരതയിലേക്കുള്ള യാത്രയിലെ ഒരു നൈമിഷിക സംഭവവികാസം മാത്രമാണ് മനുഷ്യജന്മം എന്നാണ്..മെർമോണുകൾ എന്ന അവരുടെ ദൈവങ്ങൾ വരുന്നത് ഒരു അന്യഗ്രഹത്തിൽ നിന്നാണ്.അവർ ജോസഫ് സ്മിത്തിന് ഹൈറോഗ്ലഫിക് ലിഖിതങ്ങൾ അടങ്ങിയ സ്വർണ്ണ പുസ്തങ്ങൾ നൽകുകയുണ്ടായി..ഇവയാണ് ആ മതത്തിന്റെ അടിസ്ഥാനം.

Book Of Mormon

അതിലെ ലിഖിതങ്ങൾ പ്രകാരം ഏതാണ്ട് ഈജെപ്ഷ്യൻ സംസ്കാരതിലെ ദൈവങ്ങൾ മടങ്ങിപ്പോയ കാലഘട്ടത്തിൽ തന്നെയാണ് മെർമോണുകളും ഈ ഭൂമി ഉപേക്ഷിച്ച് പോയത്.
ഈ സുവർണ്ണലിഖിതങ്ങൾ പരിഭാഷപ്പെടുത്തിയാണ് ജോസഫ് തന്റെ മതഗ്രന്ഥമായ ബുക്ക് ഓഫ് മെർമോൺ രചിച്ചത്.മെർമോണുകൾക്കൊപ്പം അനശ്വരത നേടാനായി തങ്ങളുടെ ദൈവങ്ങളുടെ മടങ്ങിവരവും കാത്തിരിക്കുകയാണ്.

ടെക്സസിലെ സംഭവത്തിനു സമാനമായ സംഭവം 1865-ൽ റിപ്പോർട്ട് ചെയ്യപ്പെട്ടിട്ടുണ്ട്..മൊണ്ടാനയിലെ ഒരു വനപ്രദേശത്ത് തകർന്നുവീണ ഒരു പേടകം ഒരു വേട്ടക്കാരൻ കണ്ടെത്തുകയുണ്ടായി.അനേകം അറകളാൽ നിർമ്മിത്മായിരുന്നു അത്....ഈ സംഭവം നടന്ന പ്രദേശത്തിനു സമീപമുള്ള ഗോത്രവർഗ്ഗക്കാരുടെ വിശ്വാസങ്ങളിൽ അന്യഗ്രഹജീവികളെപ്പറ്റി പറയുന്നുണ്ട്.അവരുടെ ഗുഹാചിത്രങ്ങളിൽ നിന്ന് ആകാശപേടകങ്ങളെപ്പറ്റിയുള്ള വിവരങ്ങൾ ലഭിക്കുകയുണ്ടായി..

ഈ ഗോത്രവർഗ്ഗത്തിന്റെ നേതാവിന്റെ അവകാശവാദപ്രകാരം നക്ഷത്രദൈവങ്ങൾ അദ്ദേഹവുമായി ബന്ധപ്പെടാറുണ്ടെന്നും അവർ നൽകിയ ഒരു ദണ്ഡിൽ പ്രാപഞ്ചികനിയമങ്ങൾ ആലേഖനം ചെയ്യപ്പെട്ടിട്ടുണ്ടെന്നും പറയുകയുണ്ടായി,ഇത് പരിശോധിച്ച മാധ്യമപ്രവർത്തകൽ ഈ ദണ്ഡിൽ ആലേഖനം ചെയ്യപ്പെട്ടിരിക്കുന്നത് ഹൈറോഗ്ലഫിക്സ് ലിപിയാണെന്ന് കണ്ടെത്തുകയുണ്ടായി.

 ഇസ്രായേലിലെ ജറുസലേമിലുള്ള ടെമ്പിൾ മൌണ്ട് , 10 സെഞ്ചുറി ബി.സിയിൽ കിങ്ങ് സോളമൻ നിർമ്മിച്ച ക്ഷേത്രത്തിന്റെ ഇന്നത്തെ രൂപമാണ്.പുരാതനലിഖിതങ്ങൾ പ്രകാരം സോളമൻ ദൈവങ്ങളുടെ സഹായത്തോടെയാണ് ആർക്കിടെക്റ്റ് വിസ്മയമായ ഈ ക്ഷേത്രം നിർമ്മിച്ചത്.
Temple of Solomon

സർ.ഐസക് ന്യൂട്ടൻ തന്റെ പുസ്തകമായ “ The Chronology of Ancient Kingdoms ” ൽ ഈ ക്ഷേത്രത്തെപ്പറ്റി പരാമർശിക്കുന്നു.ഇന്നത്തെ സാങ്കേതികവിദ്യകൾ കൊണ്ട്പോലും ഇത്രയും എഞ്ചിനീയറിങ്ങ് മികവോടെ ഇത്തരമൊരു ക്ഷേത്രം പണികഴിപ്പികാനാകില്ല എന്നദ്ദേഹം അതിൽ പറയുന്നു.

6th ബി.സിയിൽ ബാബിലോണിയക്കാർ ഈ നഗരം ആക്രമിക്കുകയും ഈ ക്ഷേത്രം നശിപ്പിക്കുകയും ചെയ്തു..അതിന്റെ പ്ലാറ്റ്ഫോമിൽ തന്നെ അവർ രണ്ടാമതൊരു പുതിയ ക്ഷേത്രം പണിതുയർത്തി.ഈ ആരാധനാലയമാണ് ബൈബിളിൽ പരാ‍മർശിക്കുന്ന ജീസസ് പലിശക്കാരെയും മതപുരോഹിതന്മാരെയും അടിച്ച് പുറത്താക്കിയ ആ ദേവാലയം.

പിന്നീട് ഒരിക്കൽ കൂടി ഈ ക്ഷേത്രം നശിപ്പിക്കപ്പെട്ടു.ഇത്തവണ ആക്രമണം നടത്തിയത് റോമാക്കാരായിരുന്നു.മൂന്നാമതും ഇതേ സ്ഥലത്തു തന്നെ പുതിയ ക്ഷേത്രം പണിതുയർത്തി.അതാണ്  ഡോം ഓഫ് ദ റോക് എന്ന മുസ്ലിംസിന്റെ വിശുദ്ധസ്ഥലം.

Dome of the rock
മെക്ക എന്ന സ്ഥലം മുഹമ്മദിന്റെ സമയത്ത് ഒരു പ്രധാനപ്പെട്ട വാണിജ്യകേന്ദ്രവും പോർട്ട് സിറ്റിയും ഒക്കെയായിരുന്നു.ഇന്നത്തെ വിശുദ്ധമെക്കയുടെ
കബയുടെ അരികിൽ കാണപ്പെടുന്ന കറുത്തനിറത്തിലുള്ള കല്ല്, ഇസ്ലാം മതത്തിനും മുൻപേ വന്നതാണെന്നാണ് കരുതപ്പെടുന്നത്.

പലതവണ റീ‍ഇൻഫോഴ്സ് ചെയ്താണത് ഇന്നും അത് നിലനിർത്തിയിരിക്കുന്നത്.ഏതാനും ഫ്രാഗ്മെന്റുകൾ സിമന്റുപയോഗിച്ച് യോജിപ്പിച്ചിരിക്കുന്നു എന്നാണ് കരുതുന്നത്.

അതൊരു  മീറ്റിയോറിന്റെ അവശിഷ്ടമാകാനും സാദ്ധ്യതയുണ്ട് എന്ന് ശസ്ത്രഞ്ജ്യർ വിലയിരുത്തുന്നു.പക്ഷേ ഈ ആരാധനാലയത്തിന്റെ സെൻസിറ്റിവിറ്റി കണക്കിലെടുത്ത് ഇവിടെ പഠനങ്ങളോ ഒന്നും അനുവദനീയമല്ല.കബയുടെ നിർമ്മാണവും കോസ്മിക് അലൈന്മൈന്റ് പാലിക്കുന്നു..അതിന്റെ ഒരു മുഖം ഫേസ് ചെയ്തിരിക്കുന്നത് കനോപസ് നക്ഷത്രത്തിനു നേർക്കും,മറ്റൊരു മുഖം മൂണിന്റെ ചക്രങ്ങളുമായും മറ്റൊന്ന് സൂര്യന്റെ സമ്മർ-വിന്റർ പൊസിഷനുകളുമായും അലൈൻ ചെയ്തിരിക്കുന്നു.

സമാനമായ നിർമ്മിതികൾ ഇന്ത്യയിലും ഉണ്ട്. 2000ബി.സിയിൽ നിർമ്മിച്ചു എന്ന് കരുതപ്പെടുന്ന അജന്ത എല്ലോറ ബുദ്ധമതത്തിന്റെ പിവറ്റൽ കേന്ദ്രങ്ങളിലൊന്നാണ്.വനം കയറി മറഞ്ഞുകിടന്നിരുന്ന ഈ അപൂർവ്വസുന്ദര സ്മാരകം കണ്ടെത്തിയത് ബ്രിട്ടീഷുകാരായിരുന്നു.

Ajantha Ellora Caves
ഗ്രാനൈറ്റ് മലകൾ ഹൈടെക് മെഷിനറികൾ ഉപയോഗിച്ച് ( മറ്റൊരു പരമ്പരാഗത ഉപകരണങ്ങൾ കൊണ്ടും ഉറച്ച ഗ്രാനൈറ്റ് കട്ട് ചെയ്യാനാകില്ല ) വിദദ്ധമായി ചെത്തിമിനുക്കിയാണീ ഗുഹകൾ ഉണ്ടാക്കിയിരിക്കുന്നത്.ആർക്കിടെക്ട് വിസ്മയമായ ഇതിലെ ഗുഹയിൽ ഉള്ള ബുദ്ധവിഗ്രഹം സൂര്യനഭിമുഖമായി ക്യത്യമായ കണക്കുകളോടെയാണ് നിർമ്മിച്ചിരിക്കുന്നത്...

മറ്റൊന്ന് എത്യോപിയയിലെ ലാലിബെല്ലയിലെ പള്ളികളാണ്.ഒറ്റക്കല്ലിൽ 7 നിലകളിലായി കൊത്തിയെടുത്ത പള്ളികളാണിവ.ഒരു ലക്ഷം ടൺ വരെ ഭാരം വരുന്ന കല്ലുകൾ ക്യത്യതയോടെ അടുക്കിനിർമ്മിച്ചിരിക്കുന്നു.ഇത് എങ്ങനെ മനുഷ്യനിർമ്മിതികൾ എന്ന് കരുതാനാകും.

ലോകത്തിലെ പ്രധാന മതങ്ങളുടെ അടിസ്ഥാനമാകുന്ന പുരാതന നിർമ്മിതികൾക്ക് ഒരു അഞ്ജാത ദൈവികപരിവേഷം നൽകി മാറ്റി നിർത്തുന്നതിലും അഭികാമ്യം അത്യാധുനിക സാങ്കേതികവിദ്യ ഉപയോഗിച്ച് മനുഷ്യാതീതർ അവ നിർമ്മിച്ചു എന്ന് കരുതുന്നതാണ്.ചരിത്രശേഷിപ്പുകളിലെ തെളിവുകൾ വിരൽചൂണ്ടുന്നത് ഇതിലേക്കു തന്നെയാണ്.

(തുടരും)

അടുത്ത ലക്കം:


അമാനുഷിക അനുഭവങ്ങൾ


Courtesy : Ancient Astronaut Theory, Chariots Of Gods, Technology Of Gods, Ancient Alien Documentaries. 
.....

Apr 11, 2012

അജ്ഞാതരായ ദൈവങ്ങൾ - 6

UNITED STATES OF AMERICA.


The Free Country എന്നറിയപ്പെടുന്ന USA എന്ന നോർത്തമേരിക്കൻ രാഷ്ട്രം മറയ്ക്കുന്നിടത്തോളം രഹസ്യങ്ങൾ വേറോരു രാജ്യവും സൂക്ഷിക്കുന്നില്ല..അന്റാർട്ടിക്കയുടെ ഭരണത്തിൽ യു.എസിനുള്ള മേൽക്കൈയിൽ തുടങ്ങാം..അന്റാർട്ടിക്കയ്ക്ക് മുകളിൽ ഉപഗ്രഹങ്ങൾ ഇല്ല, കാലാവസ്ഥാ പ്രവചനങ്ങൾ നടത്തുന്നത് അവിടെ സ്ഥാപിച്ചിരിക്കുന്ന ബേസ് സ്റ്റേഷനാണ്..


കൂടാതെ ലോകത്തെ പ്രധാന രാജ്യങ്ങൾക്ക് എല്ലാം തുല്യാവകാശമുള്ള അന്റാർട്ടിക്കയിൽ അടുത്ത 50 കൊല്ലത്തേക്ക് ധാധുനിക്ഷേപങ്ങളും പെട്രോളിയം ഖനനവും അവ സംബന്ധിയായ പര്യവേഷണങ്ങളും എല്ലാം  അമേരിക്കയുടെ മുൻകൈയ്യോടെ,  സംയുക്ത സഹകരണത്തോടെ നിരോധിച്ചിരിക്കുന്നു.ചുരുക്കിപ്പറഞ്ഞാൽ ആ ഭൂഖണ്ഡം ശരിക്കും പുറം ലോകത്തിനു മുന്നിൽ അഞ്ജാതമായി തുടരുന്നു അല്ലെങ്കിൽ അങ്ങിനെ എന്നും തുടരണം എന്ന് ലോകത്തിലെ ഏറ്റവും ശക്തമായ രാഷ്ട്രം അങ്ങ് തീരുമാനിച്ചു.




എന്താണ് അമേരിക്ക എന്ന ഭീമൻ രാഷ്ട്രത്തിന്റെ ശക്തി ? സാങ്കേതികവിദ്യകളിൽ എങ്ങനെ അവർ ചുരുങ്ങിയകാലം കൊണ്ട് മേൽക്കോയ്മ നേടി ? നെവാഡൻ മരുഭൂമിയിലെ Area 51 എന്ന രഹസ്യ മിലിട്ടറി ബേസിൽ എന്താണ് യഥാർത്തത്തിൽ നടക്കുന്നത് ? ലോകം സംശയിക്കുന്നത് പോലെ അത് ഒരു ഏലിയൻ റിസേർച്ച് സെന്ററാണോ ? Area 51നെപ്പറ്റിയുള്ള പരാമർശങ്ങൾ നടത്താൻ പോലും അമേരിക്കൻ മിലിട്ടറി ഭയക്കുന്നതെന്തിനാണ്.ഒരു സാറ്റലൈറ്റ് ഇമേജ് പോലും എടുക്കാൻ അനുവദനീയമല്ലാത്ത സ്ഥലമാണത്..ഒരു ഹൈലി ക്ലാസിഫൈഡ് റിസേർച്ച് ഫെസിലിറ്റിയാണത് എന്നാണ് ഗവണ്മെന്റ് ഭാഷ്യം.


റഷ്യൻ ചാര ഉപഗ്രഹങ്ങളുടേയും മറ്റുചില സ്വകാര്യ ഉപഗ്രഹങ്ങളുടേയും സഹായത്തോടെ വളരെ കുറച്ചു വിവരങ്ങൾ ഏരിയ 51പ്പറ്റി ലഭിച്ചിട്ടുണ്ട്..പക്ഷേ ഏതാണ്ട് പൂർണ്ണമായും ഭൂമിക്കടിയിലാണ് ഈ റിസേർച്ച് കേന്ദ്രം....പ്രധാനമായും സംശയിക്കുന്നത് പണ്ട് ന്യൂ മെക്സിക്കോയിലെ റോസ് വെൽ എന്ന സ്ഥലത്ത് 1947ൽ തകർന്നു വീണ UFO ( Unidentified Flying Object ) യും അതിലെ അന്യഗ്രഹജീവികളെയും സൂക്ഷിച്ചിരിക്കുന്ന സ്ഥലമാണെന്നാണ്.അത് കൂടാതെ ഇവരുടെ സാങ്കേതികവിദ്യ റിവേഴ്സ് എഞ്ചിനീയറിങ്ങിലൂടെ സ്വായത്തമാക്കാനുള്ള ശ്രമങ്ങളും ആണെന്നാണ്..


മറ്റൊന്ന് ഏലിയൻസും യു.എസ് ഗവണ്മെന്റും ഒന്നിച്ച് നടത്തുന്ന എന്തോ റിസേർച്ച് ഫെസിലിറ്റി ആയിരിക്കാം അതെന്നാണ്.ഈ വാദങ്ങൾ ശരി വയ്ക്കുന്ന വിവരങ്ങളാണ് സമീപപ്രദേശത്തെ ജനങ്ങളിൽ നിന്നും, Area 51ലെ പൂർവ്വകാല ജോലിക്കാരിൽ നിന്നും ലഭിച്ചിരിക്കുന്നത്..ചില മാധ്യമങ്ങൾ നടത്തിയ അന്വേഷണത്തിൽ Area51ലെ ഒരു പഴയ ഫോർമാൻ , എഞ്ചിനീയർ എന്നിവർക്ക് പറയാനുള്ളത് അവിടെ പറക്കും തളികകളുടെ നിർമ്മാണമാണ് നടക്കുന്നതെന്നും  രണ്ട് ജോലിക്കാരുടെ മൊഴി പ്രകാരം J-Rod  എന്ന് വിളിക്കുന്ന ഒരു അന്യഗ്രഹവാസിയുമായി അവർ ഒന്നിച്ച് ജോലി ചെയ്തിട്ടുണ്ടെന്നുമാണ്..സത്യത്തെ എക്കാലവും മൂടിവർക്കാനാകില്ല എന്ന് നമുക്ക് കരുതാം..


ഒന്നാം ലോക മഹായുദ്ധത്തിൽ ഒന്നുമല്ലാതിരുന്ന അമേരിക്ക എന്ന രാജ്യം രണ്ടാം ലോകമഹായുദ്ധത്തിനു ശേഷം വളർച്ചയുടെ അസാധാരണമായ പടവുകൾ കയറുകയായിരുന്നു.


അമേരിക്കയുടെ വളർച്ചയും ജർമ്മനി എന്ന രാഷ്ട്രത്തിന്റെ തകർച്ചയും ഒന്നിച്ചായിരുന്നു.രണ്ടാം ലോക മഹായുദ്ധകാലത്ത് ലോകത്ത് മറ്റേതു രാജ്യത്തെക്കാളും  അത്യാധുനികമായ ആയുധങ്ങൾ വികസിപ്പിച്ചെടുത്തത് ജെർമ്മനിയായിരുന്നു..V2 എന്ന് വിളിക്കുന്ന ആദ്യത്തെ ബാലിസ്റ്റിക് മിസൈൽ, അത്യാധുനിക സ്കഡ് മിസൈലുകൾ, തുടങ്ങി വിപ്ലവകരമായ ആയുധങ്ങൾ....ജർമ്മൻ എഞ്ചിനീയേഴ്സിന് കാലാതീതമായ ഈ സാങ്കേതികവിദ്യകൾ എവിടെനിന്നു കിട്ടി എന്നതാണ് ഉദ്യേഗം ജനിപ്പിക്കുന്ന കാര്യം.


ഇയാൻ വാൻ ഹെത്സിങ്ങ് എഴുതിയ “ Secret Societies " എന്ന പുസ്തകത്തിൽ പറയുന്നത് രണ്ടാം ലോകമഹായുദ്ധത്തിനു മൂന്ന് വർഷങ്ങൾക്ക് മുൻപ് ജെർമ്മനിയിലെ ബ്ലായ്ക്ക്ഫോറസ്റ്റിൽ ഒരഞ്ജാത പേടകം തകർന്നു വീണിരുന്നു.ഹിറ്റ്ലറുടെ പട്ടാളക്കാർ പേടകവും അതിലുണ്ടായിരുന്നു എന്ന് വിശ്വസിക്കുന്ന ജീവിയുടെ അവശിഷ്ടങ്ങളും ഒരു കോട്ടയിലേക്ക് മാറ്റുകയുണ്ടായി.


അവിടെ വച്ച് നാസി എഞ്ചിനീയർമാർ ഈ പേടകത്തിന്റെ സാങ്കേതികവിദ്യ റീവേഴ്സ് എഞ്ചിനീയറിങ്ങ് വഴി മനസ്സിലാക്കിയിരുന്നിരിക്കണം.കാരണം ഈ സംഭവത്തിനു ശേഷമാണ് അവർ ആന്റൈ-ഗ്രാവിറ്റി പരീക്ഷണങ്ങളിൽ മുഴുകിയത് എന്ന് രേഖകൾ സൂചിപ്പിക്കുന്നു.


വളരെ പെട്ടെന്നുള്ള ഒരു സാങ്കേതിക കുതിച്ചുകയറ്റമാണ് പിന്നീട് ജർമ്മൻ ശാസ്ത്രരംഗത്ത് സംഭവിച്ചത്.1938ലാണ് ജെർമ്മൻ രസതന്ത്രഞ്ജ്യൻ ഓട്ടോഹാനും ഫ്രിറ്റ്സ് സ്ട്രാറ്റ്സ്മാനും ചേർന്ന് ആദ്യത്തെ ഫിഷൻ റിയാക്ഷൻ നടത്തിയത്.ഒരു യുറേനിയം ആറ്റത്തെ അവർ ഭേദിച്ചു.മാനവരാശിയിൽ നിലവിലുള്ള ഊർജ്ജ്യത്തിൽ ഏറ്റവും ശക്തമായത് അവർ കണ്ടെത്തി..


ഇതറിഞ്ഞ ആൽബർട്ട് ഐൻസ്റ്റീൻ അമേരിക്കൻ പ്രസിഡന്റ് ഫ്രാങ്ക്ലിൻ റൂസ് വെൽറ്റിന് മുന്നറിയിപ്പു നൽകി..ഈ അപകടകരമായ കണ്ടുപിടുത്തം ഇന്നോളം മനുഷ്യൻ കൈവച്ചിട്ടില്ലാത്ത അതിശക്തമായ ഒരു എനർജി ഉണ്ടാക്കാൻ പര്യാപ്തമാണെന്നും അത് വച്ചുണ്ടാക്കുന്ന അയുധത്തിന് മാരകശക്തി ഉണ്ടായിരിക്കും എന്നും.




ഇതേ സമയം തന്നെ ടൈം ട്രാവൽ മെഷീൻ നിർമ്മിക്കാനുള്ള ശ്രമങ്ങൾ ജർമ്മനി രഹസ്യമായി ആരംഭിച്ചു.അതിനു ഉപയോഗിച്ചിരുന്ന ചില രഹസ്യ ലബോറട്ടറികൾ പിന്നീട് കണ്ടെത്തുകയുണ്ടായി.എന്നാലും ചില ഗവേഷകർ വിശ്വസിക്കുന്നു അവർ പരീക്ഷണത്തിൽ വിജയിച്ചു എന്നും ടൈം ട്രാവൽ വിജയകരമായി നടത്തിയിട്ടുണ്ടെന്നും .


എന്നാൽ രണ്ടാം ലോകമഹായുദ്ധത്തിൽ ജർമ്മനി പരാജയപ്പെട്ടതോടെ ഈ സാങ്കേതിക വിദഗ്ധന്മാരും എഞ്ചിനീയർമാരിലും ഭൂരിഭാഗം പേരും അമേരിക്കയിലേക്ക് കുടിയേറി..ഒരർഥത്തിൽ അമേരിക്ക അവരെ ദത്തെടുത്തു.പിന്നെയവർ ജോലി ചെയ്തത് അമേരിക്കയ്ക്ക് വേണ്ടിയാണ്.അങ്ങിനെ അമേരിക്കയുടെ നല്ലകാലം ആരംഭിച്ചു...


ആന്റൈ ഗ്രാവിറ്റി പരീക്ഷണങ്ങളും ടൈം ട്രാവൽ പരീക്ഷണങ്ങളും നടന്നു എന്ന് വിശ്വസിക്കുന്ന ലാബോറട്ടറി ശേഷിപ്പുകൾ അടുത്തകാലത്ത് ജർമ്മനിയിൽ കണ്ടെത്തുകയുണ്ടായി....ചില നിഗമനങ്ങൾ പറയുന്നത് ജർമ്മനിയുടെ പരാജയം ആസന്നമായ ഘട്ടത്തിൽ പ്രധാനപ്പെട്ട പല ആർമി ജനറൽമാരും ഒരു തെളിവുപോലും അവശേഷിപ്പിക്കതെ അപ്രത്യക്ഷമാവുകയായിരുന്നത്രേ.....ജർമ്മൻ എഞ്ചിനീയർമ്മാർ വികസിപ്പിച്ച ടൈം ട്രാവൽ മെഷീൻ ഉപയോഗപ്പെടുത്തിയാകാം അവർ രക്ഷപെട്ടെതെന്ന് ചിലർ കരുതുന്നു..എന്തിന്,ഹിറ്റ്ലറുടെ മരണം പോലും ഇന്നും ഒരു ദുരൂഹതയാണല്ലോ...


അതുപോലെ തന്നെ അമേരിക്കൻ തലസ്ഥാന നഗരത്തിന്റെ നിർമ്മാണവും പുരാതന ഗ്രീക്ക് റോമൻ നഗരങ്ങളൂടേതുമായി അപാരമായ സാദ്യശ്യം ഉണ്ട്.മറ്റു ലോകത്തുള്ള ആ അഞ്ജാതശക്തികളുമായി സമ്പർക്കം പുലർത്തിയവരിൽ ആധുനിക അമേരിക്കയൂടെ ശില്പികളും ഉൾപെടും.


അമേരിക്കൻ സ്വാതന്ത്യസമരയുദ്ധകാലത്ത് ബ്രട്ടീഷുകാരുമായി പോരാടിയിരുന്ന ജോർജ്ജ് വാഷിങ്ങ്ടണിന് അസാധാരണമായ ഒരനുഭവം ഉണ്ടായി..ട്രൈബ്യൂൺ എന്ന അമേരിക്കൻ ദിനപത്രത്തിൽ പ്രസിദ്ധീകരിച്ച അനുഭവകഥയാണിത്....1777ൽ പെൻസിൽവാനിയയിലെ വാലി ഫോർജ്ജിൽ വച്ച് നടന്ന യുദ്ധത്തിൽ അമേരിക്ക ബ്രിട്ടണോട് 100% പരാജയപ്പെടും എന്ന ഘട്ടമായിരുന്നു..അന്ന് ഒരു രാത്രിയിൽ വാഷിങ്ങ്ടൺ ഫോർജ്ജിലെ ഒരു വനപ്രദേശത്ത് ആസന്നമായ പരാജയം ഏറ്റുവാങ്ങുന്നതിനായി ഒറ്റ്യക്ക് നിന്ന് പ്രാർഥിക്കുകയായിരുന്നു.


അപ്പോൾ ഒരഞ്ജാത ശക്തി അദ്ദേഹത്തിനു മുന്നിൽ പ്രത്യക്ഷമായി.200 വർഷങ്ങൾക്ക് ശേഷമുള്ള അമേരിക്കയുടെ മാപ്പ് വളരെ വ്യക്തമായി ഒരോ സ്ഥലങ്ങളും അടയാളപ്പെടുത്തി അദ്ദേഹത്തിന്റെ മുന്നിൽ തെളിഞ്ഞുവന്നു.


ഈ അനുഭവത്തിൽ നിന്ന് മനോബലം ഉൾക്കൊണ്ട് രണ്ടും കൽ‌പ്പിച്ച് ബ്രിട്ടീഷുകാരോട് അദ്ദേഹ പൊരുതി..അസംഭംവ്യമായത് സംഭവിച്ചു. ബ്രിട്ടൺ പരാജയപ്പെട്ടു.


ഈ സംഭവത്തിന് വർഷങ്ങൾക്ക് മുൻപ് 1752ൽ വിർജ്ജീനിയയിൽ സ്ഥാപിതമായ ഫ്രീ മേസൺസ് എന്ന രഹസ്യ സംഘടനയുടെ ഭാഗമായിരുന്നു വാഷിങ്ങ്ടൺ.എക്ട്രാ ടെറസ്ട്രിയലുകളെ സംബന്ധിച്ച എന്തോ രഹസ്യം സൂക്ഷിക്കുന്നവരായിരുന്നു ഫ്രീ മേസണുകൾ..അമേരിക്കൻ സ്വാതന്ത്യ സമരപ്രഖ്യാപനത്തിന്റെ കരാറിൽ ഒപ്പുവച്ച 56 പേരിൽ ഒൻപത് പേർ ഈ സംഘടനയിലെ അംഗങ്ങൾ ആയിരുന്നു.



Freemason symbol

ഫ്രീ മേസൺസിന്റെ ചിഹ്നമാണ് ഇന്ന് അമേരിക്കയിലെ ചരിത്രസ്മാരകളിൽ തൊട്ട് അമേരിക്കൻ ഡോളർ ബില്ലിൽ വരെ ആലേഖനം ചെയ്തിരിക്കുന്നത്.












(തുടരും)




അടുത്ത ലക്കം:


മതങ്ങളും  ദൈവങ്ങളും




Courtesy : Ancient Astronaut Theory, Chariots Of Gods, Technology Of Gods, Ancient Alien Documentaries. 
.....

Apr 8, 2012

അജ്ഞാതരായ ദൈവങ്ങൾ - 5

ഗ്രീക്ക് സംസ്കാരം.

മഹാകവിയായ ഹോമർ എഴുതിയ ഇലിയഡ് എന്ന കാവ്യത്തിലാണ് ദൈവങ്ങൾ പണികഴിപ്പിച്ചു എന്ന് വിശ്വസിക്കുന്ന മഹാനഗരമായ ട്രോയിയെ പരാമർശിക്കുന്നത്.ബ്രോൺസ്ഏജ് മുതൽ നിലനിന്നു പോന്ന അതിപുരാതന ഗ്രീക്ക് സംസ്കാരം അതിന്റെ ഔന്നത്യത്തിൽ എത്തുകയും പിന്നീട് എ.ഡി 500ൽ ഇല്ലാതാവുകയുമായിരുന്നു..ട്രോയ് എന്ന നഗരത്തിന്റെ അവശിഷ്ടങ്ങൾ കണ്ടെത്തുന്നതു വരെ ഇലിയഡ് വെറും ഭാവനാസ്യഷ്ടി എന്നായിരുന്നു ലോകം ധരിച്ചിരുന്നത്..

അത് പോലെ തന്നെ അറ്റ്ലാന്റിസ് എന്ന മായാ നഗരത്തെപ്പറ്റി പ്രശസ്ത ഗ്രീക്ക് ഫിലോസഫർ പ്ലേറ്റോയുടെ എഴുത്തുകളിൽ വ്യക്തമായ  പരാമർശങ്ങളുമുണ്ട്.ഒരൊറ്റ രാത്രി കൊണ്ട് അറ്റ്ലാന്റിസിനെ കടൽ വിഴുങ്ങുകയായിരുന്നു..

പുരാതന സംസ്കാരങ്ങളിലെ സമാനതകളും സാങ്കേതിക മികവും.

സമാനമായ മിത്തുകളിൽ പ്രദിപാദിക്കുന്ന സമുദ്രം മൂടിയ പല പുരാതന സംസ്കാരങ്ങളും  വേറേയും ഉണ്ട്.ജപ്പാനിലെ ഡ്രാഗൺ ട്രയാങ്കിളിനു സമീപമായി ഗവേഷകർ ഒരു വലിയ പുരാതനനഗരത്തിന്റെ ശേഷിപ്പുകളും കണ്ടെത്തി.

പുരാതന ജപ്പാൻ സംസ്കാരത്തിന്റെ മുഖമുദ്രകൾ എന്ന് കരുതപ്പെടുന്ന കൈയ്യിലൊതുങ്ങുന്ന ചെറിയ ഡോഗു പ്രതിമകൾ നിർമ്മിച്ചിരുന്നത് 10000BC  കാലഘട്ടങ്ങളിലായിരുന്നു.അത്രയും പുരാതനമായ ഡോഗു പ്രതിമകൾ ഇന്ന് കണ്ടെടുക്കുമ്പോൾ അവയിൽ ചിലത് സ്പേസ് സ്യുട്ടണിഞ്ഞ ബഹിരാകാശസഞ്ചാരികളുടേതായിരുന്നു എന്നത് അതിശയകരമായ കാര്യമാണ്.ക്രിസ്തുവിനും പതിനായിരം വർഷങ്ങൾക്ക് മുൻപ് നടന്ന കാര്യമാണിതെന്ന് ഓർക്കണം.

ഡോഗു പ്രതിമകൾക്ക് ലോകത്തിന്റെ അങ്ങേ ഭാഗങ്ങളിൽ കിടക്കുന്ന ഒരു പുരാതന നോർത്തമേരിക്കൻ ഗോത്രവർഗ്ഗത്തിന്റെ കത്ചീന“ പാവകളുമായും ആഫ്രിക്കയിലെ സഹാറാ മരുഭൂമിയിലെ ഗുഹാചിത്രങ്ങളിലെ രൂപങ്ങളുമായും അത്ഭുതാവഹമായ സാമ്യം കണ്ടെത്താനായിട്ടുണ്ട്...ഇവ നിർമ്മിച്ചിരുന്ന കാലഘട്ടങ്ങളിൽ പരസ്പരം ബന്ധപ്പെടാനാകാത്ത അകലങ്ങളിൽ കഴിയുന്ന ജനസമൂഹങ്ങളിൽ,  ലോകത്തിന്റെ തികച്ചും വിദൂരമായ മൂന്ന് ഭാഗങ്ങളിൽ ഒരേ പോലത്തെ നിർമ്മിതികൾ എങ്ങനെ വന്നു..ഈ മൂന്ന് സംസ്കാരങ്ങളുടെയും മിത്തോളജികളും പരസ്പരം ബന്ധപ്പെട്ടുകിടക്കുന്നു..അവയിൽ പറഞ്ഞിരിക്കുന്നത് ആകാശത്തുനിന്നും വന്ന ദൈവങ്ങളാണ് തങ്ങളുടെ സംസ്കാരത്തിനു വേണ്ടത് എല്ലാം നൽകിയത് എന്ന്...



ഏതാനും വർഷങ്ങൾക്കു മുൻപ് ഇന്ത്യൻ ഗവണ്മെന്റ്  ഗുജറാത്തിലെ കമ്പട്ട് കടലിടുക്കിൽ മലിനീകരണസംബന്ധിയായി ഒരു സർവേ നടത്തുകയുണ്ടായി.എന്നാൽ കടലിന്റെ അടിത്തട്ടിൽ ഗവേഷണം നടത്തിയ കപ്പൽ കണ്ടെത്തിയത് കടലിൽ മറഞ്ഞു കിടന്നിരുന്ന 32000 വർഷം പഴക്കം വരുന്ന ഒരു നഗരത്തിന്റെ ശേഷിപ്പുകളായിരുന്നു.അത് മറ്റൊന്നുമായിരുന്നില്ല..ഇന്ത്യൻ പുരാണങ്ങളിൽ പരാമർശിച്ചിരുന്ന ശ്രീക്യഷ്ണൻ ഭരിച്ചിരുന്നു എന്ന് പറയപ്പെടുന്ന ദ്വാരക എന്ന നഗരം.


ദ്വാരക എന്ന നഗരത്തിന്റെ നാശത്തിനു കാരണങ്ങളിലൊന്നായി പുരാണലിഖിതങ്ങളിൽ പറയുന്നത് സാൽവൻ എന്ന രാജാവ് ദ്വാരകയെ ആകാശവാഹനങ്ങളിൽ വന്ന് ആക്രമിക്കുകയും ഇടിമിന്നലുകൾ വർഷിച്ച് നഗരത്തിന്റെ സിംഹഭാഗത്തെയും അഗ്നിക്കിരയാക്കി എന്നുമാണ്..
അതെ വൈമാനികയുദ്ധങ്ങൾ തന്നെ
പുരാണങ്ങളിൽ നിന്ന് ലഭിച്ച കണക്കുകളിൽ നിന്ന്
തയ്യാറാക്കിയ ഒരു വിമാനത്തിന്റെ രേഖാചിത്രം.
വിമാനങ്ങളിൽ വന്നുള്ള യുദ്ധങ്ങൾ...മഹാഭാരതത്തിൽ 41 സ്ഥലങ്ങളിൽ ആകാശയുദ്ധങ്ങളെപ്പറ്റി പരാമർശമുണ്ട്..വിവിധയിനം വിമാനങ്ങളെപ്പറ്റിയും...ഈ രേഖകളിൽ വിമാനങ്ങളെപ്പറ്റി വെറുതെ പരാമർശിക്കുകയല്ല..അവ നിർമ്മിക്കാൻ ആവശ്യമായ കണക്കുകൾ ഉൾപെടെ ഡിസൈനുകളും വിവരിക്കുന്നുണ്ട്.
അപരിഷ്ക്യതർ എന്ന് ധരിച്ചിരുന്ന പുരാതന മനുഷ്യരും ആകാശഗമനം നടത്തിയിരുന്നു എന്ന് നിസ്സംശയമായി തെളിഞ്ഞിരിക്കുന്നു.

                                                                              

ടിടിക്കാക്ക തടാകത്തിനടിയിലെ  നഗര ശേഷിപ്പുകൾ.
2000ൽ പെറുവിലെ ടിടികാകാ എന്ന ലോകത്തിലെ ഏറ്റവും വലിയ പ്രക്യതിദത്തമായ തടാകത്തിന്റെ അടിത്തട്ട് ഗവേഷകർ പരിശോധിക്കുകയുണ്ടായി.1500അടി ആഴത്തിൽ മറ്റൊരു  പുരാതനനഗരത്തിന്റെ ശേഷിപ്പുകൾ അവർ കണ്ടെത്തി.തടാകത്തിനു സമീപം വസിക്കുന്ന ജനതയ്ക്കിടയിൽ പ്രചാരത്തിലിരിക്കുന്ന ഒരഞ്ജാത നഗരത്തിന്റെ കഥകളോട് സാമ്യമുള്ള കണ്ടെത്തലുകളാണവിടെ നടന്നത്.സാങ്കേതികമായി ആധുനികമനുഷ്യനേക്കാൾ മികച്ചുനിന്ന ഒരു പ്രാചീന ജനത നിലവിലുണ്ടായിരുന്നു എന്ന് ഈ നഗരത്തിനെപ്പറ്റി നടത്തിയ അന്വേഷണങ്ങളിൽ നിന്നും വെളിവായി..

Underground City , Turkey
ടർക്കിയിലെ കപാഡോക്കിയയിലെ ഭൂമിക്കടിയിൽ നിർമ്മിച്ചിരിക്കുന്ന നഗരവും സമാനമായ നിഗൂഡതകൾ പേറുന്നു.ലോകത്തെ അതിപ്രാചീന നിർമ്മിതികളിൽ ഒന്നാണീത്....ഭൂമിശാസ്ത്രപരമായി ഈ ജനത ഭൂമിക്കടിയിൽ താമസിക്കേണ്ട യാതൊരു ആവശ്യവും ഈ സ്ഥലത്ത് ഇല്ല..കാലാവസ്ഥയോ മറ്റേതെങ്കിലും ഘടകങ്ങളോ അതിനു പ്രേരിപ്പിക്കുന്നുമില്ല...എന്നിട്ടും എന്തോ അഞ്ജാത കാരണത്താൽ ഈ മനുഷ്യർ ഭൂമിക്കടിയിൽ ആഴത്തിൽ 13 നിലകളിലായി മനുഷ്യവാസകേന്ദ്രങ്ങൾ പണിതിരിക്കുന്നു..ഇവയിൽ ഏറ്റവും താഴത്തട്ടുവരെ സുഗമമായി വായുസഞ്ചാരം ലഭിക്കത്തക്കവിധത്തിലാണ് നിർമ്മിച്ചിരിക്കുന്നത്...

അന്നത്തെ നിർമ്മാണരീതികൾ വച്ച് യന്ത്രസഹായമില്ലാതെ ഇത്രയും വൈദഗ്ദ്ധ്യത്തോടെ ഭൂമിക്കടിയിൽ ഒരു നഗരം പണിതുയർത്തണം എങ്കിൽ അതിൽ അമാനുഷികമായ ഒരു ശക്തി ഇടപെട്ടിട്ടുണ്ടാകണം..രണ്ടു കാരണങ്ങളാണ് ശാസ്ത്രഞ്ജ്യർ ഈ നിർമ്മാണത്തിന്റെ ആവശ്യകതയായി കരുതുന്നത്..ഒന്നുകിൽ ആസന്നമായി വന്ന ഐജ്ഏജിൽ നിന്നും രക്ഷപെടാൻ അല്ലെങ്കിൽ ഒരു ഏരിയൽ ആക്രമണത്തെ തടയാൻ നിരായുധനായ മനുഷ്യന് ആരോ ഉപദേശിച്ചുകൊടുത്ത മാർഗ്ഗം..

ലോകത്തിനു മുന്നിൽ ഒളിഞ്ഞിരിക്കുന്ന സംസ്കാരങ്ങളും അവയുടെ രഹസ്യങ്ങൾ കാത്തുസൂക്ഷിക്കുന്ന ഗോത്രവർഗ്ഗങ്ങളും മറ്റും ഇന്നുമുണ്ട്..അവയിലൊന്നാണ് ഇക്വഡോറിലെ താവോസ് ഗുഹകൾ.വളരെപണ്ട് ഒരു ഇറ്റാലിയൻ മിഷിനറി ഈ പ്രദേശങ്ങളിൽ ജോലി ചെയ്യുകയും ഇക്വഡോർ കാടുകളിലെ ഗോത്രനിവാസികളുമായി വളരെ അടുക്കുകയും ചെയ്തു.സ്വദേശത്തേക്ക് മടങ്ങിപ്പോയ അദ്ദേഹത്തിന് അവർ ചില സമ്മാനങ്ങൾ നൽകുകയുണ്ടായി.സ്വർണ്ണനിർമ്മിതമായ ഫലകങ്ങൾ അവയിൽ പുരാതന ലിഖിതങ്ങൾ, പുരാതനമായ പല അമൂല്യവസ്തുക്കളും.

ഈ മിഷിനറിയുടെ സ്വകാര്യശേഖരങ്ങൾ കണ്ട് ജിഞ്ജാസുവായ ഒരു ഗവേഷകൻ 1975ൽ ഇവ നൽകിയ ഗോത്രവർഗ്ഗത്തിന്റെ  താവോസ് ഗുഹകൾ ആർമിയുടെ സഹായത്തോടെ പരിശോധിക്കുകയുണ്ടായി.എന്നാൽ പ്രതീക്ഷിച്ചതൊന്നും അവിടെനിന്ന് കിട്ടിയില്ല..

പക്ഷേ ഇക്വഡോറിൽ തന്നെയുള്ള മറ്റൊരു ഗവേഷകൻ ഒരിയ്ക്കൽ നദിയുടെ അടിയിലുള്ള ഒരു രഹസ്യവഴിയിലൂടെ സ്വർണ്ണനിർമ്മിതമായ പുസ്തകങ്ങൾ കൊണ്ട് നിറഞ്ഞ ഒരു ലൈബ്രറിയിൽ ചെന്നുവെന്നും മറ്റും അവകാശപ്പെട്ടിട്ടുണ്ട്..പക്ഷേ അന്വേഷണ സംഘത്തെ അത് ബോധ്യപ്പെടുത്തുന്നതിനു മുൻപ് അദ്ദേഹം മരിച്ചുപോവുകയാനുണ്ടായത്..ആ രഹസ്യം അതോടെ മണ്ണടിഞ്ഞു.

ശീതയുദ്ധ കാലത്ത് അമേരിക്കൻ ആർമിയുടെ താവളങ്ങളായിരുന്ന ലണ്ടന് സമീപമുള്ള റെൻഡിൽഷാം കാടുകളിൽ 1980ൽ ഒരത്ഭുതസംഭവം റിപ്പോർട്ട് ചെയ്യപ്പെടുകയുണ്ടായി.അന്ന് മിലിട്ടറിയുടെ റഡാറിൽ UFO സാന്നിധ്യം തെളിഞ്ഞു...ഈ കാടുകളിലേക്ക് അന്വേഷണത്തിനായി മിലിട്ടറി ടീം ഉടൻ തന്നെ പുറപ്പെട്ടു.

അവിടെ അവർ കണ്ടെത്തിയത് നിലം പതിച്ച ഒരു പേടകമായിരുന്നു..അവർ അടുത്തു ചെന്ന് അതിൽ സ്പർശിച്ചപ്പോൾ ബൈനറി കോഡിങ്ങുകൾ ആ പേടകത്തിന്റെ ബോഡിയിൽ തെളിയുകയുണ്ടായി.മാത്രമല്ല ഹൈറോഗ്ലഫിക് ലിപിയോട് സാദ്യശ്യമുള്ള ലിഖിതങ്ങളും അതിന്റെ ബോഡിയിൽ കണ്ടു.പിന്നെ ഈ പേടകം അവിടെ നിന്നും പറന്നു പോയി...

ടീം ലീഡായിരുന്ന സാർജ്ജന്റ് ഈ ബൈനറി കോഡിങ്ങുകളിൽ ഓർമ്മയുള്ളതിൽ ഏതാനും ചിലത് പകർത്തിവയ്ക്കുകയുണ്ടായി..ഒരു പ്രോഗ്രാമർ ഇവ ഡീകോഡ് ചെയ്യുകയും അപൂർണ്ണമായ ഒരു സന്ദേശം അതിൽ നിന്ന് സ്യഷ്ടിക്കുകയും ചെയ്തു...അതിപ്രകാരം ആയിരുന്നു...
" Exploration of Humanity continued for planetary advance. " പിന്നെ രണ്ട് കോർഡിനേറ്റുകളും ലഭിച്ചു.
ഈ കോർഡിനേറ്റുകൾ വിരൽ ചൂണ്ടിയത് അയർലന്റിനു സമീപം അറ്റ്ലാന്റിക് സമുദ്രത്തിൽ ഉണ്ടെന്ന് വിശ്വസിക്കപ്പെടുന്ന മിത്തിക്കൽ ദ്വീപായ  ഹൈ-ബ്രസീലിലെക്കാണ്.ഏലിയൻസ് വസിച്ചിരുന്നു എന്ന്  വിശ്വസിക്കുന്ന ഒരു സങ്കല്പ ദ്വീപാണിത്...

പുരാതന ജനസമൂഹങ്ങളിൽ സാങ്കേതിക വിപ്ലവങ്ങൾ നടന്നിട്ടുള്ളത് ഞൊടീയിടയ്ക്കാണ്.ഒരു കണ്ടുപിടുത്തം നടന്നാൽ അത് പരീക്ഷിച്ച് ഉറപ്പുവരുത്തി പ്രായോഗികതലങ്ങളിൽ എത്തിക്കുന്നതാണ് സാധാരണ രീതി.

പ്രാചീനർക്കിടയിൽ ഉരുക്കിന്റെ കണ്ടുപിടുത്തം ഒരു വിപ്ലവമായിരുന്നു.മറ്റ് ലോഹങ്ങൾ പോലെയല്ല..അതിസങ്കീർണ്ണമായ പ്രവർത്തനങ്ങളിലൂടെ വേണമായിരുന്നു അന്ന് ഉരുക്ക് നിർമിക്കാൻ...ഈ സാങ്കേതിക വിദ്യ അവർക്കെവിടെനിന്നു കിട്ടി...ഉരുക്കു നിർമ്മിതമായ ആയുധങ്ങൾ ഉള്ളവർ അന്ന് ലോകം ഭരിക്കുന്ന സ്ഥിതിവിശേഷമായിരുന്നു.ഇനോക് എന്ന പ്രവാചകന്റെ ബുക്ക് ഓഫ് ഇനോക്കിൽ പറയുന്നത് ഉരുക്ക് മനുഷ്യർക്ക് നൽകിയത് ദൈവമാണെന്നാണ്.

അത് പോലെ തന്നെ ജാപ്പനീസ് വാളുകളുടെ പിറവിയും വളരെപ്പെട്ടെന്നായിരുന്നു.എ.ഡി700ൽ അമാക്കോണി എന്ന ജാപ്പനീസ് ബ്ലായ്ക്ക്സ്മിത്താണ് ഈ വാൾ നിർമ്മിച്ചത്..ഏതാനും ദിവസങ്ങൾ കൊണ്ടാണീ സാങ്കേതികവിദ്യ അദ്ദേഹം പ്രായോഗികമാക്കിയത്.1000 വർഷങ്ങളായി തുടർന്ന് വന്നിരുന്ന വാളിന്റെ ഡിസൈൻ ദിവസങ്ങൾ കൊണ്ട് അദ്ദേഹം മാറ്റി...ഏറ്റവും ശക്തമായതും ഒടിയാത്തതുമായ ജാപ്പനീസ് വാൾ അങ്ങിനെ ഉണ്ടായി..ജാപ്പനീസ് യുദ്ധദേവതയാണ് തനിക്കീ അറിവ് തന്നത് എന്നാണദ്ദേഹം പറഞ്ഞിരുന്നത്.

മനുഷ്യർക്കായി അഗ്നി കൊണ്ടുവന്ന പ്രൊമിത്യൂസിന്റെ ഗ്രീക്ക് കഥ പോലെ  നമ്മൾക്കായി സാങ്കേതിതഞ്ജാനം പകർന്നു നൽകിയ ചിലരെങ്കിലും ആ ശക്തികൾക്കൊപ്പം ഉണ്ടായിരുന്നിരിക്കണം..പടിപടിയായി ഉയർന്നു വരേണ്ട അറിവിന്റെ സമയം അങ്ങനെ ഒരു കുതിച്ചുചാട്ടത്തിലൂടെ പലപ്പോഴും മനുഷ്യരാശി സ്വായത്തമാക്കിയിട്ടുണ്ട്.

(തുടരും)

അടുത്ത ലക്കം :


ഭൂമിയിൽ  തന്നെയുള്ള അഞ്ജാതലോകം.


അമേരിക്കൻ ഐക്യനാടുകൾ.

Courtesy : Ancient Astronaut Theory, Chariots Of Gods, Technology Of Gods, Ancient Alien Documentaries. 
.....

Apr 7, 2012

അജ്ഞാതരായ ദൈവങ്ങൾ - 4

ഭൂമിയിലെ അഞ്ജാത ശക്തികൾ.

വിശദീകരിക്കാനാകാത്ത സംഭവങ്ങളും അവ നടന്ന ധാരാളം സ്ഥലങ്ങളും ഭൂമിയിൽ ഉണ്ട്...മനുഷ്യനിർമ്മിതമായ ഒരു പരിഹാരവും ഇത് വരെ കണ്ടുപിടിക്കപ്പെട്ടിട്ടില്ല..അവയിൽ ചിലത് പ്രശസ്തമാണ്.ബെർമുഡ ട്രയാങ്കിൾ ഒക്കെ പോലെ.ഈ ആധുനിക കാലത്തും എന്താണീ സ്ഥലങ്ങളുടെ പ്രത്യേകതകൾ എന്ന് സംശയാതീതമായി തെളിയിക്കാൻ ശാസ്ത്രത്തിനായിട്ടില്ല.


ബർമുഡ ട്രയാങ്കിൾ.

അറ്റ്ലാന്റിക് സമുദ്രത്തിൽ ത്രികോണാക്യതിയിൽ കിടക്കുന്ന, ലോകത്തിന് അഞ്ജാതമായ സ്ഥലങ്ങളിൽ മുൻപന്തിയിലാണ് ബർമുഡ ട്രയാങ്കിൾ.ചരിത്രാതീത കാലം തൊട്ടെ കുപ്രസിദ്ധിയാർജ്ജിച്ച ഈ സ്ഥലത്ത് കാണാതെപോയ കപ്പലുകൾക്കും വിമാനങ്ങളും അനേകമാണ്.വിമാനമായാലും കപ്പലായാലും ഈ സമുദ്രഭാഗത്തിനു മുന്നിൽ പെട്ടാൽ പകച്ചുപോവുകയെ ഉള്ളൂ.

Bermuda triangle Map
ഇവിടെ പെട്ടുപോയാൽ റഡാറുകൾ, മാഗ്നറ്റിക് കോമ്പസുകൾ, റേഡിയോ സിഗ്നലുകൾ, വാഹനത്തിന്റെ നിയന്ത്രണം എന്നിവ പരിപൂർണ്ണമായും നിലയ്ക്കുകയോ വിപരീതദിശയിൽ പ്രവർത്തിക്കുകയോ ഒക്കെ ചെയ്യും.


ബർമുഡ ട്രയാങ്കിളിൽ നിന്നും കഷ്ടിച്ചു രക്ഷപെട്ട ആളുകൾക്ക് പറയാനുള്ളത് എല്ലാം സമാനമായ അനുഭവങ്ങളാണ്.

1970ൽ ബ്രൂസ് ജെർനോൺ എന്ന പൈലറ്റ് മയാമിയിൽ നിന്ന് ബർമുഡ ട്രയാങ്കിളിലൂടെ വിമാനം പറത്തുകയായിരുന്നു..പെട്ടെന്ന്
അഞ്ജാതമായ ഒരു ശക്തിയാലെന്ന പോലെ വിമാനത്തിന്റെ ദിശാസൂചികകൾ പ്രവർത്തനരഹിതമായി.ഗൈറോസ്കോപ്പ് ശക്തിയോടെ കറങ്ങുകയും ഉണ്ടായി..റേഡിയോ ബന്ധം നിലച്ചു..

അതേ സമയം മയാമിയിലെ എയർ ട്രാഫിക് കണ്ട്രോൾ റൂമിലെ റഡാറിൽ നിന്ന് ഈ വിമാനം അപ്രത്യക്ഷമായി.വിമാനത്തിനു ചുറ്റും ഇരുണ്ട ഒരഞ്ജാത മേഘം വലയം ചെയ്തു. അതിനു നടുവിലായി മേഘത്തിന്റെ  ശക്തമായ ഒരു ചുഴി ( Whirlpool ) വിമാനത്തെ അകത്തേക്ക് ആകർഷിക്കാൻ തുടങ്ങുകയാണ്.പക്ഷേ എന്തോ ഭാഗ്യത്തിന് അദ്ദേഹത്തിന് വിമാനം നിയന്ത്രിച്ച് അതിൽ നിന്ന് പുറത്തുകടക്കാനായി.

ഇത്  ഒരു ഗേറ്റ് വേ, അഞ്ജാതമായ ഒരു ലോകത്തേക്കുള്ള ഒരു വാതിലായാണ് ഇന്ന് കരുതപെടുന്നത്.അല്ലെങ്കിൽ ഒരു ഏലിയൻ ബേസ്...അന്യഗ്രഹജീവികൾ ഭൂമിയിലേക്ക് വരാനും പോകാനുമായി ഉപയോഗിക്കുന്ന എന്തോ ഒന്ന് ഇവിടെയുണ്ടാകും.അതിനെ മറയ്ക്കാനാകാം അഞ്ജാതമായ മാഗ്നെറ്റിക് വലയവും മറ്റും ഇവിടെ സംഭവിക്കുന്നത്.ഇത് കടലിലെ കാര്യം...ഇനി കരയിൽ വന്നാൽ, തൊട്ടടുത്ത് മെക്സിക്കോയിൽ തന്നെ അഞ്ജാതമായ ശക്തികൾ ഉള്ള മറ്റൊരു സ്ഥലമുണ്ട്.


സോൺ ഓഫ് സൈലൻസ് (Zone of Silence).

ധാരാളം ഹോളിവുഡ് സിനിമകളിൽ കണ്ടു പരിചയമുള്ള എൽ പാസോ ഹൈവേയ്ക്കു സമീപം മെക്സിക്കോയിലുള്ള ഒരു ഡെസേർട്ട് റീജിയൺ ആണിത്.ഇവിടെ റേഡിയോ സിഗ്നലുകൾ വർക്ക് ചെയ്യില്ല..മൊബൈൽ ഫോണുകളിൽ റേഞ്ച് കാണിക്കില്ല.ഇവിടുത്തെ സസ്യങ്ങളും മരുഭൂമിയിലെ ജീവികളും വൈചിത്ര്യം നിറഞ്ഞതാണ്..ഒരുതരം മ്യൂട്ടേഷൻ ബാധിച്ചവ....കൂടാതെ ഇതേ സ്ഥലത്ത് പണ്ടുമുതലേ ധാരാളം ചെറിയ മീറ്റിയോഴ്സ് പതിച്ചിട്ടുമുണ്ട്..

Zone of Silence ,El Paso highway,  Mexico
 1970ൽ അമേരിക്കൻ സൈന്യം ന്യൂമെക്സിക്കോയിൽ നടത്തിയ ഒരു പരീക്ഷണ മിസൈൽ വിക്ഷേപണത്തിൽ വീഴാൻ ടാർജെറ്റ് ചെയ്ത സ്ഥലവും കടന്ന് മൈലുകൾ താണ്ടി ഒരഞ്ജാത ശക്തിയുടെ ആകർഷണം പോലെ സോൺ ഓഫ് സൈലൻസിൽ വന്ന് പതിക്കുകയുണ്ടായി.ഇന്നും അതിന്റെ കാരണം കണ്ടുപിടിക്കാൻ ആർക്കുമായിട്ടില്ല..തദ്ദേശനിവാസികളുടെ അർബൻ ലജെന്റുകളിൽ നിറം പിടിപ്പിച്ച ചില കഥകൾ പറഞ്ഞുകേൾക്കുന്നുണ്ടീ ഡെസേർട്ടിനെപ്പറ്റി.


ഈ നിഗൂഡമായ സ്ഥലങ്ങൾ എല്ലാം ആകാശത്ത് നിന്ന് നോക്കുകയാണെങ്കിൽ ജ്യോമെട്രിക്കലി രേഖകളിലൂടെ ബന്ധപ്പെട്ടാണ് കിടക്കുന്നത് എന്ന് കാണാം..ഇവയൊന്നും യദ്യശ്ചികമായി ഉണ്ടായതല്ല എന്ന് സാരം.



World map showing Geometric connection of mysterious places
ജപ്പാനിലെ ഡേവിൾ സീയിലെ ഡ്രാഗൺ ട്രയാങ്കിൾ, ഫിജി ഐലന്റിനു സമീപമുള്ള  എഡ്ജ് ഓഫ് ഹെബ്രിഡ്ജസ് അങ്ങനെ പന്ത്രണ്ടോളം നിഗൂഡസ്ഥലങ്ങൽ കരയിലും കടലിലുമായി ഉണ്ട്.
ഭൂമിയുടെ 25മത്തെ ലാറ്റിറ്റ്യൂഡിലാണ് ബർമുഡ ട്രയാങ്കിളും ഡ്രാഗൺ ട്രയാങ്കിളും നിലനിൽക്കുന്നത്.

ഭൂമിയുടെ കാന്തികവലയത്തിന്റെ ശക്തി പതിന്മടങ്ങായി വർദ്ധിക്കുന്ന എനർജ്ജി പോയിന്റുകളായാണ് ഇവയൊക്കെ അറിയപ്പെടുന്നത്...ഇവിടെത്തന്നെയാണ് പഴയസംസ്കാരങ്ങളുടെ അവശിഷ്ടങ്ങൾ നിലനിൽക്കുന്നതും.ഈ പോയിന്റുകളിൽ തന്നെ ഇവ പണിതുയർത്താൻ മനുഷ്യർക്ക് നിർദ്ദേശം നൽകിയത് ആരാണ്.? അവരുടെ സാങ്കേതികവിദ്യകൾ കടം കൊണ്ട് മനുഷ്യർ മോണമെന്റുകൾ പണിതുയർത്തി അവരെ ദൈവങ്ങളായി കണ്ട് ആരാധിച്ചു പോന്നതാണ് മനുഷ്യന്റെ സംസ്കാരത്തിന്റെ രീതി..

(തുടരും)


അടുത്ത ലക്കം :



ഗ്രീക്ക് സംസ്കാരം.

 അതിപ്രാചീനരുടെ സാങ്കേതികമികവുകൾ.



Courtesy : Ancient Astronaut Theory, Chariots Of Gods, Technology Of Gods,Ancient Alien Documentaries. 
.....

Apr 6, 2012

അജ്ഞാതരായ ദൈവങ്ങൾ -3

സുമേരിയൻ സംസ്കാരം.


ബി.സി നാലായിരമാണ്ടിൽ ഇറാക്കിൽ ഉണ്ടായിരുന്ന സംസ്കാരമാണ് സുമർ സംസ്കാരം
 ( മെസപ്പൊട്ടോമിയ ). മുൻപ് സൂചിപ്പിച്ച ബാഗ്ദാദ് ബാറ്ററികളും മറ്റും ഇവിടെ നിന്നാണ് കണ്ടുപിടിക്കപ്പെട്ടിട്ടുള്ളത്.സുമേരിയൻ ലിഖിതങ്ങൾ , അവരുടെ വിശ്വാസങ്ങൾ എല്ലാം ചുറ്റപ്പെട്ടുകിടക്കുന്നത് അനുനാകി എന്ന് വിളിക്കപ്പെടുന്ന ദൈവങ്ങളിലാണ്..ബാബിലോണീയൻ , അസിറിയൻ എന്നീ സംസ്കാരങ്ങളിലും ഈ അനുനാകിയെപ്പറ്റി പരാമർശമുണ്ട്.
Human and their God Anunaki


അവരുടെ വിശ്വാസപ്രകാരം അനുനാകികൾ മനുഷ്യരെ സ്യഷ്ടിച്ചത് മ്യൂട്ടേഷൻ വഴിയാണ്.അവർ ഈ ഭൂമിയിൽ വന്നത് സ്വർണ്ണംഖനനം ചെയ്യുന്നതിനു വേണ്ടിയാണ്. ഡാർവിന്റെ പരിണാമ സിദ്ധാന്തത്തിൽ പറയുന്നത് പോലെ ചിമ്പാൻസികളിൽ നിന്നും നിയാണ്ടർതാൽ മനുഷ്യനിൽ നിന്നും പരിണമിച്ചുണ്ടായതല്ല മനുഷ്യർ എന്ന് ചുരുക്കം.


ഡാർവിന്റെ പരിണാമസിദ്ധാന്തത്തിനെതിരായി ചില തെളിവുകൾ ഗവേഷകർ കണ്ടെത്തുകയും ചെയ്തു.


1849ൽ ബ്രട്ടീഷ് ഗവേഷകനായ ഓസ്റ്റിൻ ഹെന്രി സുമേരിയൻ നഗരമായ നൈന്വേയിൽ നിന്നും തനിത്തങ്കത്തിൽ തീർത്ത പുരാതന ഫലകങ്ങൾ കണ്ടെത്തുകയുണ്ടായി.ക്യൂണിഫോം സ്ക്രിപ്റ്റിൽ  വിവരങ്ങൾ ആലേഖനം ചെയ്തിരിക്കുന്ന ഇവ പരിഭാഷ ചെയ്തെടുക്കാൻ 30 വർഷത്തെ ഗവേഷണം വേണ്ടിവന്നു.


നിബ്രു ( Nibru ) എന്ന് വിളിക്കപ്പെടുന്ന ഒരു അന്യഗ്രഹത്തിലെ നിവാസികളായ അനുനാകികൾ ഭൂമിയിൽ വന്നു,അവർ ഭൂമി സന്ദർശിച്ച സമയത്ത് നിയാണ്ടർതാൽ മനുഷ്യരാശിയായിരുന്നു ഉണ്ടായിരുന്നത്.ജെനിറ്റിക് എഞ്ചിനീയറിങ്ങ് വഴി അവരിൽ നിന്ന് ഇന്ന് കാണുന്ന മനുഷ്യനെ അവർ സ്യഷ്ടിച്ചു എന്നാണ് ആ ലിഖിതങ്ങളിൽ നിന്ന് ലഭിച്ച വിവരം.


ആധുനിക മനുഷ്യന്റെ ഡി.എൻ.എ ഭാഗീകമായി ഡീകോഡ് ചെയ്യപ്പെട്ടത് ഈ അടുത്തകാലത്താണ്.പരിണാമത്തിലൂടെ കുരങ്ങുകളിൽ നിന്ന് മനുഷ്യൻ ഉണ്ടായി എന്ന് പറയപ്പെടുന്നത് ബാഹ്യമായ സാദ്യശ്യവും പിന്നെ ക്രോമസോമുകളിലെ തുല്യതയും ഒക്കെ വച്ചാണ്..


പക്ഷേ ക്യത്യതയോടെയൂള്ള ഡി.എൻ.എ പരിശോധന ഈ വാദത്തെ ഘണ്ഢിക്കുകയുണ്ടായി.മറ്റു മ്യഗങ്ങളിൽ ഇല്ലാതിരിക്കുകയും എന്നാൽ മനുഷ്യന് മാത്രം ലഭിക്കുകയും ചെയ്ത ഒരു പ്രത്യേക ജീനോമാണ് മനുഷ്യന്റെ തലച്ചോറിന്റെ താക്കോൽ..


HAR1 എന്ന് വിളിക്കപ്പെടുന്ന ഈ ജീനോം എവിടെ നിന്നും വന്നു എന്നത് അഞ്ജാതമാണ്..പക്ഷേ മനുഷ്യനെ മറ്റു ജീവികളിൽ നിന്ന് വേർതിരിച്ചുനിർത്തുന്നത് ഈ ജീനോമാണ്..പരിണാമത്തിലൂടെയാണ് മനുഷ്യൻ ഉണ്ടായതെങ്കിൽ ഒരിയ്ക്കലും പുറത്തുനിന്നുമുള്ള ഒരു ഫാക്ടർ അവന്റെ ഡി.എൻ.എയിൽ കടന്നുവരില്ല...അതൊരു കൂടിച്ചേർക്കലാണ്.അത് നടത്തിയത് ഏലിയൻസ് അഥവാ ദൈവങ്ങളും..


എന്തിനു വേണ്ടി ഇങ്ങനെ മനുഷ്യരെ സ്യഷ്ടിച്ചു ?.. സ്വർണ്ണം ഖനനം ചെയ്യുന്നതിനായാണ് എന്നാണുത്തരം.സുമേരിയൻ വിശ്വാസങ്ങൾ പ്രകാരം അങ്ങനെ വിവേകത്തോടെ സ്യഷ്ടിക്കപ്പെട്ട  ആദ്യ മനുഷ്യൻ (Adamu) ആണ്..ദൈവത്തിന്റെ പ്രതിരൂപമായി മനുഷ്യനെ സ്യഷ്ടിച്ചു എന്ന് പഴയ ഗ്രന്ഥമായ ബൈബിളിലും പറയുന്നുണ്ട്.അവന്റെ പേരും ആഡം എന്ന് തന്നെ.


അപ്പോൾ സുമേരിയൻ വിശ്വാസപ്രകാരം ഈ അനുനാകി ഒരിയ്ക്കൽ തിരിച്ചുവരും.ആ വരുന്ന സമയം ലോകത്തിന്റെ അവസാനവും.ജ്യോതിശാസ്ത്രപ്രകാരം നെപ്റ്റ്യൂണിനും പിന്നിൽ നിന്നാണവർ വരുന്നത്...തീർച്ചയായും അവർ സമയസഞ്ചാരികളാണ്.


Time Travel ( സമയ സഞ്ചാ‍രം )


ഇനി ശാസ്ത്രത്തിലേക്ക് വരാം.ലോകം കണ്ട ഏറ്റവും മഹാനായ ശാസ്ത്രഞ്ജ്യൻ ഐൻസ്റ്റീൻ 1905ൽ ടൈം ട്രാവൽ എന്ന സിദ്ധാന്തത്തെപ്പറ്റി പറഞ്ഞിട്ടുണ്ട്.പ്രകാശത്തിന്റെ വേഗതയ്ക്കടുത്ത് സഞ്ചരിക്കാനായാൽ...


അതായത് ( 3x10^8m/s ) സെക്കന്റിൽ മൂന്നുലക്ഷം കിമി. വേഗതയിൽ സമയം നമ്മളുടെ കൈപ്പിടിയിലൊതുങ്ങും...ഈ വേഗതയിൽ പ്രപഞ്ചത്തിൽ A എന്ന പോയിന്റിൽ നിന്ന് B എന്ന പോയിന്റിലേക്ക് സഞ്ചരിച്ചാൽ.തിരിച്ച് നമ്മൾ Aയിൽ എത്തുമ്പോഴേക്കും ആ‍യിരക്കണക്കിനു വർഷങ്ങൾ കഴിഞ്ഞുപോയിരിക്കും..ചുരുക്കിപ്പറഞ്ഞാൽ നമ്മൂടെ ഏതാനും മിനിറ്റുകൾ മറ്റൊരിടത്ത്  ആയിരക്കണക്കിന് വർഷങ്ങളാകും.


ഒരു സഞ്ചരിക്കുന്ന വസ്തു പ്രകാശത്തിന്റെ വേഗത്തിനൊപ്പം എത്തുന്തോറും സമയം ചെറുതായി ചെറുതായി വരും.പ്രകാശത്തിന്റെ  ഒപ്പം വേഗതയിൽ നമ്മൾ സമയത്തിനൊപ്പം സഞ്ചരിക്കും...ഇനി പ്രകാശവേഗത്തെ മറികടക്കാനായാൽ നമ്മൾ ചെല്ലുന്നത് ഭാവിയിലാണ്!!!!!!!
സ്റ്റീഫൻ ഹോക്കിങ്ങ്സിന്റെ "A Breif History Of Time" എന്ന പുസ്തകത്തിൽ ആപേക്ഷികമായി പെരുമാറുന്ന സമയത്തിനെപ്പറ്റി കൂടുതൽ ലളിതമായി വിശദീകരിച്ചിട്ടുണ്ട്.




ദൂരങ്ങളെ കൈപ്പിടിയിലൊതുക്കാൻ ഐൻസ്റ്റീൻ തന്നെ ഹൈപ്പർസ്പേസിൽ ഒരു  വഴി ഉണ്ട് എന്ന് പറയുകയുണ്ടായി.വേം ഹോൾ ( Worm Hole ) എന്ന തിയറി പ്രകാരം സമയത്തേയും സ്ഥലത്തെയും ബെൻഡ് ചെയ്യിച്ച് പ്രപഞ്ചത്തിന്റെ  മറ്റൊരു കോണിൽ സ്മരണമാത്രയിൽ എത്താനാകും എന്നതാണത്.ഇതൊരു ഹൈപ്പോതീസിസ് ആയി നിൽക്കുകയാണിപ്പഴും..


തെളിയിക്കപ്പെടാത്ത സത്യം എന്ന് വേണമെങ്കിൽ വിവക്ഷിക്കാം.X,Y,Z കൂടാതെ നാലാമത്തെ ഡയമെൻഷൻ സമയം (Time ) .അഞ്ചും ആറും ഗ്രാഫിക്കൽ എക്സ്പ്ലനേഷനുകളിലൂടെ ബോക്സ് ഇൻസൈഡ് എ ബോക്സ് എന്ന വിശദീകരണമൊക്കെ മനസ്സിലായ പോലെ ഭാവിക്കാം..ഹൈപ്പർ ഡൈമെൻഷനുകൾ വരുമ്പോ നമ്മൾ ചുറ്റിപ്പോകും..ഈ തിയറിയും അത്തരമൊരു ഹൈപ്പർ ഡയമെൻഷനിലുള്ള പ്രപഞ്ചത്തെപ്പറ്റിയാണ് പറയുന്നത്..അല്ലെങ്കിൽ ഐൻസ്റ്റീനെ ഒക്കെപ്പോലെ തലച്ചോറിന്റെ 20%  ഉപയോഗപ്പെടുത്തിയ മനുഷ്യനായിരിക്കണം..


Bending Space and time to make worm hole to reach from end of universe to other. Wormhole hypothesis theory
നിലവിലുള്ള ഏറ്റവും കൂടിയ വേഗതയിൽ സഞ്ചരിച്ചാൽ പോലും ഭൂമിക്ക് ഏറ്റവും അടുത്തുള്ള നക്ഷത്രത്തിൽ എത്തണമെങ്കിൽ 70000വർഷങ്ങൾ എങ്കിലും എടുക്കും.


എങ്കിലും നിലവിൽ മനുഷ്യസാദ്ധ്യമായ രീതിയിൽ E.T(Extra Terrestrial )കളുമായി വിനിമയം ചെയ്യുന്നതിനായി നാസ നാല് പേടകങ്ങൾ ശൂന്യാകാശത്തേക്ക് വിക്ഷേപിച്ചിരുന്നു.അതിനോടൊപ്പം അത് പ്രപഞ്ചത്തിന്റെയും സൌരയൂഥത്തിലെ ഗ്രഹങ്ങളുടേയും മറ്റും പഠനത്തിനും ഉപയോഗിക്കുന്നു..


1977ൽ വോയേജർ 1,2 .ഇതിനു മുൻപ് 1972 ൽ പയനീർ 10, 1973ൽ പയനീർ 11 എന്നീ ബഹിരാകാശവാഹങ്ങളായിരുന്നു അവ.ഇവയിൽ ഭൂമിയെക്കുറിച്ചും മനുഷ്യനെക്കുറിച്ചും ഒക്കെ സൂചനകൾ കൊടുത്തിരുന്നു..പുരാതന ചിത്രലിഖിത ഭാഷകളാണ് അവയിൽ ഉപയോഗപ്പെടുത്തിയിരുന്നത്.അതിൽ വോയേജറിൽ ഒരു സ്വർണ്ണ അലോയ് നിർമ്മിതമായ ഡിസ്ക് ഉണ്ട്..അവയിൽ ഭൂമിയിലെ ശബ്ദങ്ങൾ, ചിത്രങ്ങൾ, വീഡിയോകൾ ഒക്കെ ആലേഖനം ചെയ്ത് വച്ചിരിക്കുന്നു.ഈ ഡിസ്കുകൾ ഏത് വിപരീത അന്തരീക്ഷത്തിലും നൂറുകോടി വർഷങ്ങൾ വരെ നിലനിൽക്കും....
Gold Record, NASA


മനുഷ്യന്റെ ജ്യാമതീയരൂപങ്ങൾ, ഭൂമിയുടെ കോർഡിനേറ്റുകൾ, സംസ്കാരത്തിന്റെ സൂചനകൾ എന്നിവയും ഇതിലുണ്ട്.ഇവയിൽ ഭൂമിയെപ്പറ്റി സൂചിപ്പിക്കുന്നതിനായി ഉപയോഗിച്ചിരിക്കുന്ന ഭാഷ ഹൈറോഗ്ലിഫിക്സ് ഭാഷയും...ചിത്രങ്ങൾ ഉപയോഗിച്ചുള്ള പുരാതന ഈജീപ്ഷ്യൻ ഭാഷയാണ് ഹൈറോഗ്ലിഫിക്സ്..രണ്ടു ബഹിരാകാശ പേടകങ്ങളും ഭൂമിയിൽ നിന്ന് വിപരീത ദിശകളിലാണ് അയച്ചിരിക്കുന്നത്..ഇവയിൽ നിന്നും ഇപ്പോഴും റേഡിയോ സിഗ്നലുകൾ കിട്ടിക്കൊണ്ടിരിക്കുന്നു.






ഇത് വരെ കിട്ടിയ വിവരമനുസരിച്ച് വോയേജർ 1 സോളാർസിസ്റ്റത്തിന്റെ പരിധിയും കഴിഞ്ഞ് സോളാർ വിൻഡുകൾ അടിക്കുന്ന ഔട്ടർസ്പേസിൽ കടന്നിരിക്കുന്നു...ലൈവായി ഈ രണ്ട് വാഹനങ്ങൾക്കൊപ്പം സഞ്ചരിക്കാനും അവയുടെ ഓഡോമീറ്റർ കാണാനും ഇവിടെ ക്ലിക്ക് ചെയ്യുക.


( തുടരും ..)




അടുത്ത ലക്കത്തിൽ :


ദുരൂഹമായ സ്ഥലങ്ങൾ.


അഞ്ജാതമായ കാന്തിക വലയങ്ങൾ.


Courtesy : Ancient Astronaut Theory, Chariots Of Gods, Technology Of Gods, Ancient Alien Documentaries. 


.....

Apr 5, 2012

അജ്ഞാതരായ ദൈവങ്ങൾ - 2

ഈജീപ്ഷ്യൻ സംസ്കാരം.

Giza Plato Pyramids, Egypt
അത് പോലെ തന്നെ നിഗൂഡതകളുടെ കൊക്കൂണുകൾ ഒളിപ്പിച്ചുവച്ച  മഹത്തായ മറ്റൊരു സംസ്കാരമാണ് ഈജീപ്ഷ്യൻ സംസ്കാരം...നൈൽ നദിയുടെ തീരങ്ങളിൽ വളർന്നുവന്ന  മനുഷ്യർ..പക്ഷേ അവർ കാലാതീതമായി നിർമ്മിച്ചത് ആധുനിക ലോകത്തെ എഞ്ചിനീയറിങ്ങ് വിസ്മയങ്ങളായ പിരമിഡുകൾ.അതിൽ പ്രധാനമായത് ഗിസയിലെ മൂന്ന് പിരമിഡുകൾ.

പിരമിഡുകൾ,..... ആയിരക്കണക്കിന് അടിമകൾ രാവും പകലും അധ്വാനിച്ച്, റോളർ തടികളിൽ കല്ല് കെട്ടി വലിച്ച്കൊണ്ടുവന്ന് വർഷങ്ങൾ കൊണ്ടാണ് നിർമ്മിച്ചത് എന്ന വെറും ഊഹം തൊണ്ടതൊടാതെ വിഴുങ്ങിയാണ് ഇത്രയും കാലം നമ്മൾ ജീവിച്ചത്..അത് പഴയകഥ..ഇന്ന് സാമാന്യബുദ്ധിക്ക് ആലോചിച്ചാൽ മനസ്സിലാകും...ലക്ഷക്കണക്കിന് മനുഷ്യർ വിചാരിച്ചാലും അന്നത്തെക്കാലത്ത് പിരമിഡിന്റെ നിർമ്മാണത്തിനുപയോഗിച്ചിരിക്കുന്ന ടൺ കണക്കിന് ഭാരമുള്ള ഒരു കല്ല് പോലും യന്ത്രസഹായമില്ല്ലാതെ എടുത്തുയർത്തി, ഫിനിഷിങ്ങ് വരുത്തി യഥാസ്ഥാനത്ത് പ്രതിഷ്ഠിക്കാനാവില്ല.

പിരമിഡുകളിൽ ഏറ്റവും വലൂതായ ഗ്രേറ്റ് പിരമിഡ് ഓഫ് ഗിസ നിർമ്മിച്ചിരിക്കുന്നത് 22 കൊല്ലം കൊണ്ടാണെന്നാണ് കണക്ക്..അതും ഏതും പോരാത്ത 2650ബി.സി കാലഘട്ടങ്ങളിൽ..ആ കണക്ക് വച്ച് പോലും ഓരോ 9 സെക്കന്റിൽ ഒരിക്കൽ ഒരു കല്ല് ചതുരത്തിലാക്കി യഥാസ്ഥാനത്ത് വച്ചാൽ മാത്രമേ 22 കൊല്ലം കൊണ്ട് അതിന്റെ നിർമ്മാണം പൂർത്തിയാകൂ...വാഹനങ്ങൾ ഇല്ലാതിരുന്ന കാലത്ത് ആയിരക്കണക്കിന് ടൺ  ഭാരം വരുന്ന കല്ലുകൾ എങ്ങനെ നിർമ്മാണസ്ഥലത്ത് എത്തിച്ചു...

യാതൊരുവിധ യന്ത്രസഹായവുമില്ലാതെ എങ്ങനെ ഈ പടുകൂറ്റൻ മാത്യകകൾ മനുഷ്യർ സ്യഷ്ടിച്ചു..അവിടെയാണ് ഈജീപ്ഷ്യൻ സംസ്കാരത്തിലെ ഫറവോന്മാർ ആരാണെന്ന ചോദ്യം ഉയരുന്നത്..അവർ ദൈവതുല്യരായോ ദൈവമായോ ആണ് ജനങ്ങൾ കണ്ടിരുന്നത്...

പുരാതന ഈജീപ്ഷ്യൻ ലിഖിതങ്ങളിൽ പറയുന്നത് പിരമിഡുകൾ നിർമ്മിച്ചിരിക്കുന്നത് മനുഷ്യർ തന്നെ, പക്ഷേ അവരെ സഹായിക്കാൻ അകാശത്തെ മാലാഖമാർ ഉണ്ടായിരുന്നത്രേ.ഈ തെളിവുകൾ മാറ്റിനിർത്തിയാൽ തന്നെ മനസ്സിലാകും പുരാതനകാലത്ത് ഈ വലിയ നിർമ്മിതി ഉണ്ടാക്കാൻ സഹായകമായത് എക്സ്ട്രാ ടെറസ്ട്രിയൽ സമൂഹത്തിന്റെ സാങ്കേതിക വിദ്യ തന്നെയാണ്..പിരമിഡുകൾ മനുഷ്യനിർമ്മിതമാണെന്ന് ഇന്ന് ഒരു ശാസ്ത്രവും വിശ്വസിക്കുന്നില്ല.

പിരമിഡുകളുടെ നിഗൂഡതകൾ അനാവരണം ചെയ്യുന്നതിനായി നടന്ന പഠനങ്ങളിൽ നിന്ന് വ്യക്തമാകുന്നത് ഈജീപ്ഷ്യൻ ഭരണവർഗ്ഗമായിരുന്ന ഫറവോന്മാരിൽ ഒരാളായ Akhenathen മനുഷ്യനല്ല, ഒന്നുകിൽ ഒരു ഏലിയൻ , അല്ലെങ്കിൽ ഒരു അന്യഗ്രഹജീവിയിൽ മനുഷ്യനുണ്ടായ ഏലിയൻ ഹൈബ്രിഡ്,.അഘേനാതൻ എന്ന ഈ ഫറവോനാണ് ഈജിപ്തുകാരുടെ സൂര്യക്ഷേത്രം സ്ഥാപിച്ചത്, സൂര്യനെ ആരാധിക്കാൻ ഈജിപ്ഷ്യൻ ജനതയോട് ആഞ്ജാപിച്ചത്.സ്വയം ദൈവത്തിന്റെ പ്രതിപുരുഷനായി അദ്ദേഹം അവരോധിച്ചു...ഇദ്ദേഹത്തിന്റെ മകനാണ് നമ്മളെല്ലാം കേട്ടിരിക്കുന്ന ഏറ്റവും പ്രശസ്തനായ ഫറവോ... ടൂട്ടൻഖാമൻ ( Tutankhamun ).

1964 പിരമിഡ് ഗിസയുടെ അടുത്തുള്ള കുഫു  പിരമിഡിന്റെ അടിയിൽ ഒരു വലിയ കപ്പൽ തന്നെ അടക്കം ചെയ്തതായി കണ്ടെത്തിയിരുന്നു..ഫറവോന്മാരുടെ മറ്റുലോകത്തിലേക്കുള്ള യാത്രയ്ക്ക് വേണ്ടിയാണത്രേ ആ കപ്പലും രാജാവിനോടൊപ്പം അടക്കം ചെയ്തത്.

1877ൽ ആർതർ എന്ന ശസ്ത്രഞ്ജ്യൻ മറ്റൊരു  പ്രത്യേകത കൂടി കണ്ടെത്തി.ഭൂമിയുടെ ഏറ്റവും വലിയ ലാറ്റിറ്റ്യൂഡും ഏറ്റവും വലിയ ലോഞ്ജിറ്റ്യൂഡൂം ( അക്ഷാംശം , രേഖാംശം ) രേഖകൾ തമ്മിൽ കൂട്ടിമുട്ടുന്ന പോയിന്റിലാണ് ഈ മൂന്ന് പ്രധാനപിരമിഡുകളും നിർമ്മിച്ചിരിക്കുന്നത്...ആധുനികലോകം ഭൂമി ഉരുണ്ടതാണെന്ന് കണ്ടുപിടിച്ചിട്ടു തന്നെ അധികം കാലമാകുന്നില്ല..അതിനും ആയിരക്കണക്കിനു വർഷങ്ങൾ മുൻപ് ജീവിച്ചിരുന്ന ഈജിപ്ഷ്യൻസ് അവ കണ്ടെത്തിയിരിക്കുന്നു...അത് കൊണ്ടുതന്നെ ഭൂമിശാസ്ത്രപരമായ ഒരു വിസ്മയമായി മാറി ഈ കണ്ടെത്തൽ..

മറ്റൊരു സവിശേഷത പിരമിഡുകളുടെ ഉള്ളിൽ കാണപ്പെട്ടിരുന്ന ചുവർചിത്രങ്ങളിലെ ബൾബുകൾ ആയിരുന്നു.എങ്ങനെ പിരമിഡുകൾക്കകം പ്രകാശമാനമാക്കും..വായുവിന്റെ സാന്നിദ്ധ്യം കുറവുള്ള പിരമിഡീന്റെ അകത്തളങ്ങളിൽ തീ കത്തിക്കാനാവില്ല.പിന്നെയുള്ളത് കണ്ണാടികൾ ഉപയോഗിച്ച് സൂര്യപ്രകാശത്തെ അകത്തെത്തിക്കുക എന്ന വിദ്യയാണ്..പക്ഷേ പരീക്ഷണങ്ങളിലൂടെ അവയും തെറ്റാണെന്ന് തെളിഞ്ഞു..

പിന്നെയവർ പ്രകാശത്തിനു ഉപയോഗിച്ചിരുന്നത് എന്താണ് എന്നതിനുത്തരം വൈദ്യൂതിയിൽ പ്രവർത്തിക്കുന്ന ബൾബുകൾ എന്നാണ്...ഇംഗ്ലീഷ് ശാസ്ത്രഞ്യനായ വില്യം ഗിൽബെർട്ട് പതിനാറാം നൂറ്റാണ്ടിലാണ് വൈദ്യൂതിയെപ്പറ്റി ആദ്യമായി പരാമർശിക്കുന്നത്.അതിനും നൂറുകണക്കിനു വർഷം മുൻപ് ജീവിച്ചിരുന്ന പുരാതന ഈജീപ്ഷ്യൻസ് ഫിലമെന്റുള്ള ബൾബുകൾ ഉപയോഗിച്ചിരുന്നു എന്ന് വ്യക്തമായി മനസ്സിലാക്കാനാകുന്നവയാണ് വ്യക്തമായ ആ ശിലാചിത്രങ്ങൾ..വൈദ്യൂതി അന്നത്തെ ജനതയ്ക്ക് അഞ്ജാതമായിരുന്നു ..ഈ വൈദ്യൂതിയുടെ അറിവ് ഇവർക്ക് എവിടെ നിന്ന് ലഭിച്ചു എന്ന് കരുതുമ്പോളാണ് ബാഗ്ദാദ് ബാറ്ററികൾ ഇറാക്കിൽ നിന്നും കണ്ടെടുക്കുന്നത്...പുരാതനമായ സുമേരിയൻ സംസ്കാരത്തിന്റെ അവശിഷ്ടങ്ങൾക്കിടയിൽ നിന്നാണ് കളിമണ്ണിൽ തീർത്ത ബാറ്ററികൾ കണ്ടെത്തിയത്..

തികച്ചും ലളിതമായ സംവിധാനം...രണ്ട് ലോഹ ഇലക്ട്രോഡുകൾ , ഒരു ഇലക്ട്രോലൈറ്റ് , അതിപ്പോൾ ഏതെങ്കിലും ആസിഡ് അംശം കൂടുതലുള്ള പഴച്ചാറുകളോ എന്തുമാകാം..ഇവ ഉപയോഗിച്ച് അവർ വൈദ്യൂതി ഉണ്ടാക്കിയിരുന്നു...അതുപയോഗിച്ചിരുന്നു..ഒരുപക്ഷേ വൻതോതിൽ ജനതയ്ക്കാവശ്യമായ വൈദ്യൂതി ഉത്പാദിപ്പിച്ചിരുന്നു..ഈ അറിവ് യദ്യശ്ച്ചികമായി അവർക്ക് കിട്ടാൻ തരമില്ല..വൈദ്യുതിയുടെ രഹസ്യങ്ങളെപ്പറ്റിയുള്ള ഈ അറിവ് അവർക്ക് നൽകിയത് ആരാണ്.

പിരമിഡുകൾ പോലെ തന്നെ  സമാനമായ  മനുഷ്യാതീത നിർമ്മിതികൾ പസഫിക് സമുദ്രത്തിലെ ഈസ്റ്റൽ ഐലന്റുകളിലെ മൌആയ് പ്രതിമകളിലും അവിടുന്നു നൂറുകണക്കിന് മൈൽ ദൂരമുള്ള ബൊളീവയിലെ പുരാതന നഗരമായ ടിവനാക്കുവിലും കണ്ടെത്താനാകും...ഇവ രണ്ടും രണ്ട് വ്യത്യസ്ഥ സംസ്കാരങ്ങളാണ്..പക്ഷേ ഇവയിൽ കണ്ടുവരുന്ന ഈ ടൺകണക്കിന് ഭാരമുള്ള കൽപ്രതിമകൾ ഒരേ ജനുസ്സിൽ പെട്ടവയാണെന്ന് ഈ അടുത്തകാലത്ത് കണ്ടെത്തുകയുണ്ടായി..

Stonehenge , England
 അത് പോലെ തന്നെ ബൊളീവിയയിലെ ടിവാനാക്കുവിലെ കൽപ്രതിമകളും  യു.കെയിലെ സ്റ്റോൺ ഹെഞ്ചും തമ്മിൽ ഒരു സാദ്യശ്യമുണ്ട്..ഇവ രണ്ടും സൌരയൂഥത്തിന്റെ മാത്യകയാണ്..സൂര്യൻ ,  ഒൻപത് ഗ്രഹങ്ങൾ  എന്നിവ വളരെ ക്യത്യമായി ഓർബിറ്റുകളുടെ അളവടക്കം ഈ രണ്ട് സ്ഥലങ്ങളിലും പ്രതിപാദിച്ചിരിക്കുന്നു,  പുരാതന നാഗരികർ...






Tiwanaku, Bolivia
മനുഷ്യർ സമൂഹമായി ജീവിക്കാൻ തുടങ്ങുന്ന സമയത്ത് തന്നെ എങ്ങനെ ഇത്രയധികം ജ്യോതിശാസ്ത്രപരമായ അറിവുകൾ അവന് ലഭിച്ചു.തീർച്ചയായും ഒരു ബാഹ്യശക്തിയുടെ ഇടപെടലുകളിൽ ഇതിലുണ്ട്.പുരാതന മനുഷ്യന്റെ എഞ്ചിനീയറിങ്ങ് മികവിന്റെ തെളിവുകൾ പിന്നീടും ധാരാളം ലഭിക്കുകയുണ്ടായി.ഇത്തവണ ഗ്രീസ് സംസ്കാരത്തോടനുബന്ധിച്ചാണ് ഒരു        
സുപ്രധാന തെളിവ് ലഭിച്ചത്.




ആന്റിക്കത്തൈറ കപ്പലപകടം ( Antikythera Ship Wreck  )


BC 2ആം നൂറ്റാണ്ടിൽ ഗ്രീസിനടുത്തുള്ള ക്രീറ്റ് ദ്വീപിനു സമീപം നടന്നു എന്ന് കരുതപ്പെടുന്ന ഒരു കപ്പലപകടമാണ് ആന്റിക്കതൈറ ഷിപ് റെക്ക്.1900ൽ ചില മുങ്ങൽവിദഗ്ദ്ധരാണ് ഈ കപ്പലപകടത്തിന്റെ അവശിഷ്ടങ്ങൾ കണ്ടെത്തിയത്.അവിടെ നിന്നും കണ്ടെത്തിയതാണ്   ആന്റിക്കൈത്തൈറ മെക്കാനിസം.പുരാതനസമൂഹത്തിൽ നിലനിന്നിരുന്ന സാങ്കേതികവൈദഗ്ദ്യത്തിന്റെ മകുടോദാഹരണമാണീ കണ്ടെത്തൽ.


Antikythera Mechanism
ഒരു സ്വിസ് വാച്ചിന്റെ നിർമ്മാണചാതുര്യത്തോടെ നിർമ്മിച്ചിരിക്കുന്ന അതിവിദഗ്ദ്ധമായ ഒരു മെക്കാനിസമാണിത്.
ഈ ഉപകരണം ഉപയോഗിച്ച് സൂര്യൻ, മൂൺ , മറ്റ് ഗ്രഹങ്ങൾ എന്നിവയുടെ സ്ഥാനങ്ങൾ  ക്യത്യമായി നിർണ്ണയിക്കാൻ സാധിക്കുമായിരുന്നു.


ഒരു ഡേറ്റ് എന്റർ ചെയ്തുകഴിഞ്ഞാൽ ആ ദിവസം സൌരയൂഥത്തിലെ ഗ്രഹങ്ങളുടെ പൊസിഷൻ വ്യക്തമായി ഇത് കാണിച്ചുതരും...കണ്ടെത്തി വർഷങ്ങൾക്ക് ശേഷം ഈ അവശിഷ്ടത്തിന്റെ എക്സ് റേ സ്കാനിങ്ങ് നടത്തിയാണ് ഇതിനുള്ളിലെ മെക്കാനിസം ശാസ്ത്രഞ്ജ്യർ മനസ്സിലാക്കിയത്.


ഓർക്കുക 14ആം നൂറ്റാണ്ടിലാണ് ആദ്യത്തെ ഗിയർവീൽ മെക്കാനിസം മനുഷ്യൻ നിർമ്മിക്കുന്നത്...അതിനും നൂറുകണക്കിന് വർഷങ്ങൾക്ക് മുൻപ്, 
ഭൂമി പരന്നത്,  സൂര്യനും ചന്ദ്രനും ദൈവങ്ങൾ എന്ന് കരുതപ്പെടുന്ന ഒരു കാലഘട്ടത്തിൽ ഇത്രയും സൂക്ഷ്മമായ കണക്കുകൂട്ടലുകൾ നടത്തുന്ന ഒരു മെക്കാനിക്കൽ കമ്പ്യൂട്ടർ, ആര്. എങ്ങനെ നിർമ്മിച്ചു..ഉത്തരം വിരൽചൂണ്ടുന്നത്.അതീവശക്തിയുള്ള  മനുഷ്യേതര തലച്ചോറുകളിലേക്കാണ്.



മനുഷ്യനെ എന്തിനാണ് ദൈവങ്ങൾ ഇത്ര വിവേകശാലിയായി സ്യഷ്ടിച്ചത്...ഏത് ജീവികളിൽ നിന്നാണ് മനുഷ്യൻ ഉത്ഭവിച്ചത്...മറ്റു ജീവികൾക്കില്ലാത്ത ജനിതികപരമായ എന്ത് പ്രത്യേകതയാണ് മനുഷ്യർക്കുള്ളത് .?

( തുടരും ..)


അടുത്ത ലക്കം :


മെസപ്പോട്ടേമിയൻ സംസ്കാരം.


മനുഷ്യന്റെ ഡി.എൻ.എ.


നിബ്രു എന്ന അന്യഗ്രഹം.


ഐൻസ്റ്റീനും നാലാമത്തെ ഡയമെൻഷനും.


Courtesy : Ancient Astronaut Theory, Chariots Of Gods, Technology Of Gods,Ancient Alien Documentaries. 

.....

Apr 3, 2012

അജ്ഞാതരായ ദൈവങ്ങൾ -1



കടലിനെയും ആനയെയും എത്ര കണ്ടാലും മടുക്കില്ല എന്നൊരു മലയാളം ചൊല്ലുണ്ട്..അതൊന്ന് തിരുത്തി രാത്രിയിലെ ആകാശം എന്ന് പരിഷ്കരിക്കാം..എത്ര കണ്ടാലും മതിവരാത്ത ഒരു കാഴ്ച്ചയാണ് നമ്മുടെ മുന്നിൽ തെളിയുന്ന പ്രപഞ്ചത്തിന്റെ ആ ചെറിയ വ്യൂ..ട്രില്യൺ കണക്കിന് നക്ഷത്രങ്ങളിൽ നിന്ന് തെളിഞ്ഞ ആകാശത്തേയ്ക്ക് നോക്കുന്ന മനുഷ്യന് നാലായിരത്തോളം എണ്ണം മാത്രമേ നഗ്നനേത്രങ്ങൾ കൊണ്ട് കാണാനാകൂ ..എണ്ണിയാലൊടുങ്ങാത്ത തിയറികൾ, വന്യമായ ഭാവനകൾ, അഞ്ജാതമായ ആ ലോകത്തെപ്പറ്റി ചിന്തിക്കുന്നത് തന്നെ ഒരു വല്ലാത്ത ലഹരിയാണ്..

നമുക്കറിയാവുന്ന , മനുഷ്യരാശിയല്ലാതെ എന്നാൽ വിവേകത്തിലും ബുദ്ധിയിലും നമ്മളേക്കാൾ ആയിരക്കണക്കിന് വർഷങ്ങൾ മുൻപിലായ ഒന്നോ അതിലേറെയോ സമൂഹങ്ങൾ..സമയ സിദ്ധാന്തങ്ങൾ അനുസരിച്ച് ഒരു പക്ഷേ അവർ നമ്മൾ തന്നെയായിരിക്കാം..ഭാവിയിൽ നിന്ന് നമ്മളെത്തേടി വരുന്ന നമ്മൾ തന്നെ!!!

പുരാതന ഗ്രന്ഥങ്ങളിലും, ചുവർ ചിത്രങ്ങളിലും പതിനായിരക്കണക്കിനു വർഷങ്ങൾക്കു മുൻപേ മണ്മറഞ്ഞു പോയ നാഗരികതയുടെ ഫോസിൽ ശേഷിപ്പുകളിലും ഒളിഞ്ഞിരിക്കുന്ന രഹസ്യങ്ങൾ...മനുഷ്യാതീതമായ എന്തിന്റെയോ സാന്നിധ്യം അവയിലെല്ലാം ഉണ്ടായിരുന്നു...അതായിരിക്കാം മതങ്ങൾ സൂചനകളിലൂടെ വിവക്ഷിക്കുന്ന ദൈവം എന്ന അഞ്ജാതശക്തി...പക്ഷേ ആ ദൈവങ്ങൾ ഇന്ന് എവിടെയാണ്..എന്തിനാണവർ എന്തിനാണവർ ഇത്തരം ഒരു മനുഷ്യ സമൂഹത്തെ സ്യഷ്ടിച്ചത് ?..ഉത്തരമില്ല്ലാത്ത ചോദ്യങ്ങളായി അവ അവശേഷിക്കുന്നു.

പാൻസ്പെർമിയ ( Panspermia ) എന്ന തിയറി പ്രകാരം ഈ പ്രപഞ്ചത്തിൽ എല്ലായിടത്തും ജീവനുണ്ട്...അവ ഉൽക്കകൾ, ആസ്ട്രോയിഡുകൾ, വാൽ നക്ഷത്രങ്ങൾ എന്നിവ വഴി പ്രപഞ്ചമെമ്പാടും വിതരണം ചെയ്യപ്പെടുന്നുണ്ട്.ഭൂമിയിൽ അല്ലാതെ ജീവന്റെ സാന്നിധ്യം തെളിയിക്കപ്പെട്ടിട്ടുള്ള പല സംഭവങ്ങളും ഉണ്ടായിട്ടുമുണ്ട്..1996ൽ മാഴ്സിൽ ( ചൊവ്വ )
നിന്നും അന്റാർട്ടിക്കയിൽ പതിച്ച ഒരു ഉൽക്കയിൽ നിന്നും ജീവന്റെ തെളിവുകൾ ശാസ്ത്രഞ്യർ കണ്ടെത്തുകയുണ്ടായി.മൂന്നരബില്യൺ വർഷങ്ങൾക്ക് മുൻപ് മാഴ്സിൽ ജീവിച്ചിരുന്ന ഒരു ബാകടീരിയയുടെ ഫോസിൽ അവർ കണ്ടെത്തി.

കാലിഫോർണിയ യൂണിവേഴ്സിറ്റിയിലെ ജ്യോതിശാസ്ത്ര പ്രൊഫസറായ മി.ഫ്രാങ്ക് ഡ്രേക്ക് “മിൽക്കി വേ“ എന്ന നമ്മുടെ സൌരയുഥത്തിലെ മാത്രം ഭൌമേതര ജീവസാന്നിധ്യം എത്രയുണ്ട് എന്നറിയാൻ ഒരു സമവാക്യം രൂപപ്പെടുത്തുകയുണ്ടായി.
     [ N = R * Fp * Ne * Fl * Fi * Fe *L ]
ഇതിനെ ഡ്രേക്സ് ഇക്യൂവേഷൻ ( Drakes Equation ) എന്ന് പറയപ്പെടുന്നു.

ശാസ്ത്ര ഗവേഷകരിൽ ഏറ്റവും റെലവന്റായ തെളിവുകളോടെ ഇന്ന് നിലനിൽക്കുന്ന തിയറികളിലൊന്നാണ് എൻഷ്യന്റ് ആസ്ട്രനോട്ട് തിയറി അഥവാ പുരാതന കാലത്തെ ബഹിരാകാശസഞ്ചാരികൾ.

നാട്ടുനടപ്പുപോലെ ശാസ്ത്രത്തിന്റെ എല്ലാ സംഭാവനകളെയും സ്വന്തം ഉന്നമനത്തിനായി സ്വീകരിക്കുകയും അവ തന്ന ശാസ്ത്രത്തെ നഖശിഖാന്തം എതിർക്കുകയും ചെയ്തിരുന്നത് എന്നും മതങ്ങളായിരുന്നു..അല്ലെങ്കിൽ മതങ്ങളുടെ തലതൊട്ടപ്പന്മാരായ ഉപജാപകവ്യന്ദങ്ങൾ.പക്ഷേ ഈ തിയറി പ്രകാരം ആ മതങ്ങളുടെ അടിസ്ഥാനം തന്നെ ഇതിൽ വിശദീകരിക്കുന്നുണ്ട്.

ക്രിസ്തുമതത്തിന്റെ നട്ടെല്ലായ വത്തിക്കാൻ, 2008ൽ ഒരു പ്രഖ്യാപനം നടത്തുകയുണ്ടായി.അന്യഗ്രഹജീവികൾ ഉണ്ടെന്നുള്ള വാദങ്ങളിൽ സത്യമുണ്ടെന്നും..അവയിൽ വിശ്വസിക്കുന്നത് ദൈവവിശ്വാസത്തിനു എതിരല്ല എന്നും..

മതത്തിന്റെയും യഥാസ്ഥികരുടേയും ന്യായവാദങ്ങൾക്ക് ഇനിയധികം ആയുസ്സില്ല എന്ന് കണ്ട് ബുദ്ധിമാന്മാരായ വത്തിക്കാൻ ഭരണാധികാരികൾ നടത്തിയ ഒരു മുൻകൂർ ജാമ്യമായേ അതിനെ കാണാനാകൂ..അതെന്തെങ്കിലുമാകട്ടെ...പക്ഷേ ദൈവം എന്ന സങ്കല്പത്തിന്റെ സത്യം തേടിയുള്ള യാത്ര ചെയ്യാൻ എല്ലാ മനുഷ്യനും അവകാശമുണ്ട്.

ചിന്തിക്കാൻ തുടങ്ങുന്ന മനുഷ്യർ.

മനുഷ്യൻ ആദ്യമായി ചന്ദ്രനിൽ ഇറങ്ങുന്നതിനും ഒരു വർഷം മുൻപ് സ്വിസ് എഴുത്തുകാരനായ എറിക് വോൺ തന്റെ ആദ്യ പുസ്തകമായ Chariots of Gods (ദൈവങ്ങളുടെ രഥങ്ങൾ ) പ്രസിദ്ധീകരിക്കുകയുണ്ടായി.മനുഷ്യരാശിയുടെ തുടക്കത്തിൽ, ആയിരക്കണക്കിന് വർഷങ്ങൾക്ക് മുൻപ് ഏലിയൻസ് ഭൂമിയെ സന്ദർശിച്ചിരുന്നു, ഇവിടെ സമൂഹമായി ജീവിച്ചിരുന്നു എന്നും അതിൽ വസ്തുതകൾ നിരത്തി സമർഥിക്കുകയുണ്ടായി ..വിപ്ലവകരമായ ചിന്താഗതികൾക്ക് കരുത്തുപകരാൻ ആ പുസ്തകത്തിനായി.ലോമെമ്പാടും അനേകം ഗവേഷകർ സത്യം തേടി അനേകം ഗവേഷണങ്ങൾ നടത്തുകയുണ്ടായി.

എപ്പോഴും ശാസ്ത്രം അങ്ങിനെയാണല്ലോ..ശാസ്ത്രം നമുക്ക് വച്ചുനീട്ടിയ വസ്തുനിഷ്ഠമായ തെളിവുകളല്ലേ നമ്മുടെ ഇന്നത്തെ ജീവിതത്തിന്റെ തന്നെ ആധാരം..അങ്ങിനെ മനുഷ്യനൊപ്പമോ അതിനു മുൻപോ ഒരഞ്ജാത സമൂഹം കഴിഞ്ഞിരുന്നു എങ്കിൽ അവർ ഉപേക്ഷിച്ചു പോയ തെളിവുകൾ കണ്ടെത്തേണ്ടിയിരിക്കുന്നു.

ഇൻഡസ് വാലി, മെസൊപൊട്ടോമിയൻ , പേർഷ്യൻ തുടങ്ങി അനേകം ആദ്യകാല മാനവിക സമൂഹങ്ങൾ ലോകമെമ്പാടുമുണ്ട്.അവയിൽ നിന്ന് ശേഖരിച്ച തെളിവുകളാണ് ഏലിയൻസിന്റെ സാന്നിദ്ധ്യത്തിലേക്ക് വിരൽചൂണ്ടുന്നത്.അതിൽ നിന്നും മനസ്സിലാക്കുന്ന വസ്തുതകൾ ഇവയാണ്.

പുരാതനമനുഷ്യർ ദൈവങ്ങളായി കണ്ട് ആരാധിച്ചിരുന്നത് മാറ്റാരെയുമല്ല.മനുഷ്യരുമായി രൂപസാദ്യശ്യമുള്ള അന്യഗ്രഹജീവികളെ തന്നെയാണ്.സിവിലൈസ്ഡ് ആയി ജീവിക്കാൻ അവർ മനുഷ്യരെ പഠിപ്പിച്ചു.അതിനു മാത്രമുള്ള സാങ്കേതികവിദ്യകൾ പകർന്നു നൽകി.പക്ഷേ അവർക്കൊപ്പം എത്താനുള്ളത് മാത്രം നൽകിയില്ല..ആപ്പിൾ തിന്ന് വിവേകമുണ്ടാക്കാൻ ശ്രമിച്ച ആഡത്തിനേയും ഈവിനെയും ഇതേ ദൈവം ശിക്ഷിച്ചതും മറ്റൊരുകാരണം കൊണ്ടാവാൻ തരമില്ല.

അപരിഷ്ക്യതനായ ദുർബലനുമേൽ അധീശത്വം നേടുക എന്ന രീതി തന്നെയാണ് ഇവിടെ പ്രയോഗിച്ചിരിക്കുന്നത്.ഉദാഹരണത്തിന് മനുഷ്യരുമായി ബന്ധമില്ലാത്തെ ഒരു ആദിവാസി സമൂഹത്തിൽ നമ്മൾ ചെല്ല്ലുകയും നമ്മളുടെ സാ‍ങ്കേതികവിദ്യകൾ മായാജാലങ്ങളായി തെറ്റിദ്ധരിക്കപ്പെടുകയും ചെയ്തുകഴിഞ്ഞാൽ അവരുടെ മുന്നിൽ നമ്മൾ ദൈവങ്ങളായി.

വസ്തുനിഷ്ഠമായ തെളിവുകളാണ് ഈ സിദ്ധാന്തത്തിന്റെ പിൻബലം..ആരായിരുന്നു മനുഷ്യനെ സ്യഷ്ടിച്ച ആ ദൈവം ?...

പുരാതനനാഗരികശേഷിപ്പുകൾ ഉള്ള ഇന്നത്തെ പെറുവിലെ നാസ്ക ( Nazca ) മരുഭൂമിയിലെ മലകൾ പരിശോധിക്കുകയാണെങ്കിൽ അവ മനുഷ്യാതീതമായി വെട്ടി സമതലങ്ങളാക്കി മാറ്റിയിരിക്കുന്നത് കാണാം..മരുഭുമിയിലാകട്ടെ, നീളമുള്ള രേഖകൾ പതിച്ചിരിക്കുന്നു...അവിടെത്തന്നെ ഭൂമിയിൽ അനേകം വിചിത്രമായ ജീവികളുടേയും എട്ടുകാലികളുടേയും പക്ഷികളുടേയും മറ്റും ചിത്രങ്ങളും കാണാം..ഇത് ദ്യശ്യമാകണമെങ്കിൽ കിലോമീറ്ററുകൾ ഉയരത്തിൽ വിമാനത്തിലിരുന്ന് ഏരിയൽ വ്യൂവിൽ നോക്കണം.അത്രയ്ക്കും വലുതാണീ ചിത്രങ്ങൾ...ഇത് ഒരിക്കലും യദ്യശ്ചികമായ പ്രക്യതിയിൽ നിന്ന് ഉണ്ടാകില്ല...ഭൂമിയിൽ ജീവിക്കുന്ന അപരിഷ്ക്യതരായ മനുഷ്യർക്ക് ഇവയുണ്ടാക്കാനുമാകില്ല..അതിന്റെ ആവശ്യവുമില്ല.


Nazca Lines, Peru
വിമാനമിറങ്ങുന്ന ആധുനിക റൺവേകളോട് അതീവ സാദ്യശ്യം പുലർത്തുന്നവയാണീ രേഖകളും മറ്റും..ഒരു തരത്തിൽ പറഞ്ഞാൽ ഒരു പുരാതനമായ റൺവേ ഈ മരുഭൂമിയിൽ ക്യത്യമമായി നിർമ്മിച്ചിരിക്കുന്നു. ..ആരാണ് പൌരാണിക കാലത്ത് ഈ മരുഭൂമിയിലെ മലകളുടെ ഇടയിലൂടെ ഇത്തരം വഴികൾ ക്യത്യമമായി നിർമ്മിച്ചത് ?

ഒരു വാഹനം പോലുമില്ലാതിരുന്ന പുരാതനമനുഷ്യർ എന്തിന് ആകാശത്ത് നിന്ന് നോക്കിയാൽ മാത്രം കാണാവുന്ന പടുകൂറ്റൻ ചിത്രങ്ങൾ മരുഭൂമിയിൽ വരച്ചുചേർത്തു ? അതെങ്ങനെ . എന്തിന് ?.. ഇനി ഇതൊക്കെ ചെയ്തത് ഏലിയൻസിന്റെ സഹായത്തോടെയാണെങ്കിൽ തന്നെ എന്തിനവർ ആ സ്ഥലം തന്നെ തിരഞ്ഞെടുത്തു?

ഈ ചോദ്യങ്ങൾക്കുള്ള ഉത്തരങ്ങൾ ഒളിഞ്ഞുകിടക്കുന്നത് പെറുവിന്റെ ഭൂമിശാത്രപരമായ പ്രത്യേകതകളിലാണ്.ഈ നാസ്ക മരുഭൂമിയിലാണ് ലോകത്ത് ഏറ്റവുമധികം വൈവിദ്ധ്യമാർന്ന ധാധുക്കൾ , ലോഹങ്ങൾ എന്നിവയുടെ ശേഖരമുള്ള സ്ഥലങ്ങളിലൊന്ന്.ഈ ഭൂമിയിൽ നിന്ന് സ്പെസിമനുകൾ ശേഖരിക്കാൻ ഏറ്റവും പറ്റിയ സ്ഥലം...റെയർ ലോഹമായ സ്വർണ്ണത്തിന്റേയും അമൂല്യ നിക്ഷേപങ്ങൾ ഇവിടെയുണ്ട്.അപ്പോൾ ഭൂമിയെപ്പറ്റി അറിയാൻ വരുന്നവർ, അല്ലെങ്കിൽ ഇവിടുത്തെ ധാധുക്കൾ ശേഖരിക്കാനായി വരുന്നവർ തീർച്ചയായും താവളമാക്കുന്നത് ഇങ്ങനെയൊരു സ്ഥലമായിരിക്കണമല്ലോ.അതിനായുള്ള ഒരു ലാൻഡ് മാർക്കായാകാം ഈ അടയാളങ്ങൾ

പെറുവിൽ തന്നെ പിന്നീട് നടത്തിയ മറ്റൊരു ആർക്കിയോളജിക്കൽ സർവേയിങ്ങിലാണ് വിചിത്രമായ ചില തലയോട്ടികൾ കണ്ടെടുത്തത്.സാധാരണ മനുഷ്യന്റെ ക്രേനിയത്തിനേക്കാൾ നീളം കൂടിയ പുരാതന ഗോത്രത്തിന്റെ തലയോട്ടികൾ.അവിടുത്തെ ഗോത്രങ്ങളിൽ നിലനിന്നിരുന്ന ഒരു പുരാതന ആചാരമായിരുന്നു ക്രേനിയത്തിന്റെ ( തലയോടിന്റെ നെറ്റി മുതലുള്ള തലച്ചോറുൾപെടുന്ന മുകൾ ഭാഗം) ചുറ്റും ചരടുകൾ ചുറ്റിക്കെട്ടി തലയോട്ടിയുടെ നീളം വർദ്ധിപ്പിക്കുക എന്നത്.. ആ ഗോത്രത്തിൽ ഒരു കുഞ്ഞ് ജനിക്കുമ്പോൾ തന്നെ ഇത് നടപ്പിലാക്കും.


Nazca Skull


ലിഖിതങ്ങൾ പ്രകാരം അവർ അവരുടെ ദൈവങ്ങളെ അനുകരിക്കുകയായിരുന്നുത്രേ.അപ്പോൾ ആരാണീ നീളം കൂടിയ തലച്ചോറൂള്ള ദൈവങ്ങൾ.പക്ഷേ ഈ ക്യത്യമമായ മാർഗ്ഗങ്ങളിലൂടെ നീളം കൂട്ടുന്ന ക്രേനിയത്തിനും ഒരു പരിധിയുണ്ടായിരുന്നു...അതിലും വലിയ അസാധാരണമായ അളവിലുള്ള തലയോടാണ് ഇവിടെ നിന്നും കണ്ടെടുത്തത്..മനുഷ്യഗുണങ്ങളുള്ള ആ അസാമാന്യ വലിപ്പമുള്ള തലയോട്ടി ആരുടേതാണെന്ന് അഞ്ജാതമാണ്.പെറുവിൽ മാത്രമല്ല, വിചിത്രമായ കണ്ടെത്തലുകൾ ലോകത്തിന്റെ വിവിധഭാഗങ്ങളിലുള്ള എല്ലാ ആദിമ സംസ്കാരങ്ങളിൽ നിന്നും സംഭവിച്ചിട്ടുണ്ട്..


മായൻ സംസ്കാരം.


Chichen Itza, Mayan Piramid Temple, Mexico
മനുഷ്യരുടെ ഏറ്റവും ബുദ്ധിമാന്മാരായ പൂർവ്വികർ ആയിരുന്നു മായൻ സിവിലൈസേഷൻ.AD500ൽ അഞ്ജാതമായ കാരണത്താൽ അവർ ഭൂമുഖത്തു നിന്നും അപ്രത്യക്ഷമാവുകയാണൂണ്ടായത്.

മായൻസംസ്കാരത്തിന്റെ എഞ്ചിനീയറിങ്ങ് വൈദഗ്ധ്യം ഇന്നും ലോകമഹാത്ഭുതങ്ങളിലൊന്നായി നമുക്ക് മുന്നിൽ നിൽ‌പ്പുണ്ട്..താരതമ്യേന അപരിഷ്ക്യതർ എന്ന് ആധുനിക സമൂഹം കണക്കാക്കുന്ന ഇവർക്ക് എവിടെ നിന്ന് ഇത്രയും അറിവുകൾ പകർന്ന് കിട്ടി..ഗോത്രസംസ്കാരത്തിന്റെ ഇരുണ്ടകാലഘട്ടങ്ങളിൽ എങ്ങനെ ഇവർ നഗരങ്ങൾ പടുത്തുയർത്തി ഒരു സംസ്കാരമായി ജീവിച്ചു.അവിടെയും ഏലിയൻസിന്റെ സാന്നിദ്ധ്യം പ്രകടമാണ്.

ഞെട്ടിപ്പിക്കുന്ന വസ്തുതകളാണ് മായൻ സിവിലൈസേഷന്റെ ശേഷിപ്പുകളിൽ നിന്ന് ഗവേഷകർക്ക് ലഭിച്ചത്..അവർ ബഹിരാകാശ സഞ്ചാരം വരെ ചെയ്തവരാണ്.അല്ലെങ്കിൽ ബഹിരാകാശസഞ്ചാരികളുമായി സമ്പർക്കം പുലർത്തിയിരുന്നവരാണ്..മനുഷ്യർ ബഹിരാകാശപേടകത്തിൽ സഞ്ചരിക്കുന്നതിന്റെ മായൻ ചുവർചിത്രങ്ങൾ, സ്പേസ് സ്യൂട്ടണിഞ്ഞ മനുഷ്യർ എന്നിവ വ്യക്തമായി ഈ ചിത്രങ്ങളിൽ നിന്നും ഗവേഷകർക്ക് ലഭിക്കുകയുണ്ടായി.

അന്റാർട്ടിക്ക എന്ന അഞ്ജാതമായ ഭൂപ്രദേശം മനുഷ്യൻ അറിഞ്ഞിട്ട് അധികം കാലം ആകുന്നില്ല...എന്നാൽ ഭൂമിയുടെ സുവ്യക്തമായ ഭൂപടം മായൻ ശേഷിപ്പുകളിൽ നിന്ന് ലഭിച്ചു..അതിൽ മനുഷ്യർക്ക് പുരാതനകാലത്ത് ഒരുതരത്തിലും ചെന്നെത്താൻ സാധ്യമല്ലാത്ത അന്റാർട്ടിക്കയും ഉൾപെട്ടിട്ടുണ്ട് എന്നത് അത്ഭുതകരമാണ്.

ഒരുപക്ഷേ അവർ പൂർണ്ണമായും മനുഷ്യരായിരിക്കില്ല..മനുഷ്യരോട് സാദ്യശ്യമുള്ള അന്യഗ്രഹജീവികൾ അല്ലെങ്കിൽ ഏതാനും ഏലിയൻസ് നിയന്ത്രിക്കുന്ന അതീവബുദ്ധിയുള്ള ഒരു കൂട്ടം മനുഷ്യർ....

മെക്സിക്കോയിലെ ടോർട്ടുഗുരോയിൽ മായൻ സംസ്കാരത്തിന്റെ പിരമിഡുകളും ക്ഷേത്രങ്ങളും ധാരാളമുണ്ട്.അവിടെ നിന്നാണ് പ്രശസ്തമായ മായൻ കലണ്ടർ കണ്ടെത്തിയത്. 3114 ബി.സി മുതലാണ് ഈ കലണ്ടർ ആരംഭിക്കുന്നത്.പക്ഷേ ആ കാലഘട്ടത്തിൽ മായൻ സംസ്കാരം നിലവിൽ ഇല്ല.അത് കൊണ്ടുതന്നെ ഈ കലണ്ടർ മായൻ ജനത ഉണ്ടാക്കിയതല്ല...ഒന്നുകിൽ അതിബുദ്ധിമാന്മാരായ മറ്റാരോ മായൻ സംസ്കാരത്തിനു മുൻപേ രചിച്ചു അവർക്ക് കൈമാറിയ കലണ്ടറാണെന്നാണ് വിദഗ്ദമതം.

മായൻ ജനതയ്ക്ക് പ്രപഞ്ചത്തെപ്പറ്റിയുള്ള അറിവുകൾ ഇവിടെയും ഒതുങ്ങുന്നില്ല.പ്രശസ്തമായ
“ ടിക്കാൽ “ മായൻ ക്ഷേത്രനഗരിയുടെ ആകാശ ചിത്രമെടുത്താൽ ഒരു പ്രത്യേക അളവുകളിലുള്ള
ഒരു ജ്യാമതീയ രൂപം കിട്ടും.ഇതും ഈ സ്ഥലത്തിനു നേരെ മുകളിൽ വരുന്ന ഒരു നക്ഷത്ര സമൂഹത്തിന്റെ അളവുകളും തുല്യമാണ്...തീർന്നില്ല...ഈ അടുത്ത് മാഴ്സിൽ ടിക്കാൽ നഗരത്തിന്റെ ക്യത്യമായും അതേ അളവുകളിലുള്ള ജ്യാമതീയ നിർമ്മിതികൾ കണ്ടുപിടിക്കുകയുണ്ടായി...

ടിക്കാൽ ക്ഷേത്രവും സമാനമായ നക്ഷത്രസമൂഹവും
പ്രപഞ്ചത്തിൽ രണ്ട് സ്ഥലങ്ങളിൽ ഒരേ പോലത്തെ രൂപങ്ങളുള്ള രണ്ട് നിർമ്മിതികൾ അവ മാത്യകയാക്കിയിരിക്കുന്നത് ഭൂമിക്കു പ്രകാശവർഷങ്ങൾക്ക് അകലെ സ്ഥിതിചെയ്യുന്ന, അതിശക്തമായ റേഡിയോ ടെലിസ്ക്കോപ്പുകൾ കൊണ്ട് മാത്രം ദ്യശ്യമാകുന്ന ഒരഞ്ജാത നക്ഷത്രസമൂഹത്തെയും..ഒരേ പോലെയുള്ള മൂന്ന് ലേഔട്ടുകൾ യാദ്യശ്ചികമാകാൻ തരമില്ലല്ലോ..


മാഴ്സിലെ ഈക്വലന്റ് നിർമ്മിതി.
മായൻ വിശ്വാസങ്ങൾ അനുസരിച്ച് ഇതിനു മുൻപ് ഈ ഭൂമി നാല് തവണ നാല് കാരണങ്ങളാൽ പൂർണ്ണമായും നശിപ്പിക്കപ്പെട്ടിട്ടുണ്ട്..കൊടുങ്കാറ്റുകൾ ( വായു ) , അഗ്നി കൊണ്ട് , ഭൂമികൊണ്ട്
( പ്ലേറ്റോണീക് ഷിഫ്ട് ), ജലം ( പ്രളയം ).ഇനിയും ഈ ചക്രം ആവർത്തിക്കും എന്നുമവർ വിശ്വസിച്ചിരുന്നു.

എല്ലാം നശിച്ച് ഭൂമിയുടെ അന്തരീക്ഷം വാതകങ്ങളാൽ സൂര്യനുമുന്നിൽ മറയപ്പെടുമ്പോൾ ആർട്ടിക്-അന്റാർട്ടിക്ക് മഞ്ഞുപാളികൾ വികസിക്കാൻ തുടങ്ങും അങ്ങിനെ ഭൂമി മുഴുവൻ മഞ്ഞിനാൽ മൂടപ്പെടും..ഈ ഭൂമി പല ഐസ് ഏജുകളിലൂടെ കടന്നുവന്നു എന്ന് ആധുനികശാസ്ത്രവും സമ്മതിക്കുന്നുണ്ടിന്ന്...ആധുനികശാസ്ത്രപ്രകാരം ഒരുലക്ഷം വർഷം മുൻപായിരുന്നു ഭൌമചരിത്രത്തിലെ അവസാനത്തെ ഐസ് ഏജ് ആരംഭിച്ചത്..ഏതാണ്ട് ഇരുപതിനായിരം കൊല്ല്ലങ്ങൾക്ക് മുൻപ് അതവസാനിച്ചു..

( തുടരും ..)



അടുത്തലക്കം:


ഈജിപ്ഷ്യൻ സംസ്കാരം


പുരാതന യന്ത്രങ്ങൾ.


Courtesy : Ancient Astronaut Theory, Chariots Of Gods, Technology Of Gods, Ancient Alien Documentaries. 


.....
Related Posts Plugin for WordPress, Blogger...