Followers

Feb 13, 2011

പൂ വാലന്റൈൻസ് ഡേ സ്പെഷ്യൽ

 മെമ്മറിക്ക് ഒരു എല്ല് കൂടുതലുള്ളതു കൊണ്ടാകാം ആദ്യപ്രണയം മുതൽ ഞാനോർക്കുന്നു...തുറന്ന് പറയാൻ പറ്റാത്ത ആദ്യപ്രണയം..പറഞ്ഞിരുന്നെങ്കിൽ എന്താകുമെന്ന് അറിയില്ല...കാരണം എന്റെ ആദ്യപ്രണയം തുടങ്ങിയത് എൽ.കെ.ജിയിലാണ്.

നമ്പ്ര 1
: അന്നപ്പൂർണ്ണ, LKG-B.


അമൂൽബട്ടറിന്റെ നിറവും പത്തെൺമ്പത് സെന്റീമീറ്റർ പൊക്കവും മിക്കിമൌസിന്റെ ചെരുപ്പുമിട്ട് അവൾ വരുന്നതും കാത്ത് ക്ലാസ് റൂമിന്റെ വാതിലിലേക്ക് നോക്കി ഒരു പിടിയൊടിഞ്ഞ എന്റെ കസേരയിൽ ഞാനിരിക്കുമായിരുന്നു.......ക്രോസ് ടോക്കുകൾക്കിടയിൽ അവളെക്കുറിച്ച് അനാവശ്യം പറഞ്ഞ മാത്യു എന്ന തടിയനെ വാരിയിട്ടിടിച്ചതും അതിന്റെ റിയാക്ഷനായി റീഇൻഫോഴ്സ്ഡ് കോൺക്രീറ്റ് പോലുള്ള അവന്റെ കൈകൊണ്ട് മുഖത്ത് ഇടി കിട്ടിയതും, കണ്ണിനു ചുറ്റും കറുത്തവട്ടം ഉണ്ടായതും എല്ലാം ഞാനോർക്കുന്നുണ്ടെങ്കിലും അവൾ അറിയുന്നില്ലായിരുന്നു..

ഒരിയ്ക്കലും തുറന്നുപറയാൻ ആവാതെ ഞാൻ യു.കെ.ജി കാലം കഴിഞ്ഞു...അപ്പോഴേക്കും അവൾ അവിടെ നിന്നും പോയി..ആരോട് ചോദിക്കാൻ..ഒന്നാം ക്ലാസിലെ ഒഴിഞ്ഞ കസേരയും ടേബിളും നോക്കി ഞാൻ പ്രതിഞ്ജയെടുത്തു..ഇല്ല ..ഇനിയൊരു പ്രണയമില്ല...ജീവിതകാലം മുഴുവൻ ഒറ്റയ്ക്ക് കഴിഞ്ഞു കൂടും ..പിന്നെ ആ ഭീഷ്മശപഥം തെറ്റാൻ രണ്ടാം ക്ലാസ് ആകേണ്ടി വന്നു.


നമ്പ്ര 2:  Miss.ശ്രീലക്ഷ്മി  II-A.

ആദ്യമായവൾ കാലെടുത്തുവച്ചത് സ്കൂളിലേക്ക് മാത്രമല്ല എന്റെ ഹ്യദയത്തിലേക്കു കൂടിയായിരുന്നു.
സ്മാർട്ട് &amp ക്യൂട്ട്;..അവൾക്ക് ഇരുനിറമായിരുന്നു..എങ്കിലും ഞാനവളെ ഇഷ്ടപെട്ടു..സംസാരിച്ചു അപ്പോഴും ഒരു ടോയിയോടുള്ള ഇഷ്ടത്തേക്കാളുപരിയായി ഒന്നുമില്ലായിരുന്നിരിക്കാം..എങ്കിലും മെറിഗോ റൌണ്ടിൽ കയറുമ്പോഴും ഉഞ്ഞാലാടുമ്പോഴും സ്ലൈഡറിൽക്കയറി മറിയുമ്പോഴും അവളുടെ തൊട്ടടുത്ത് നിൽക്കാൻ ഞാൻ ശ്രദ്ധിച്ചു..

ഒരു ദിവസം അടുത്ത കൂട്ടുകാരനാണ് ഞെട്ടിക്കുന്ന ആ വിവരം എന്നോട് പറഞ്ഞത്..അവൾക്ക്  കാലിൽ ചൊറിയാണത്രേ...പെട്ടെന്ന് എവിടെനിന്നോ ഒരു ബോയിങ്ങ് വിമാനം  വന്ന് എന്റെ പ്രണയത്തിന്റെ നൂറ്റിപ്പത്ത്നില കെട്ടിടം ഇടിച്ചുതകർത്തു...

അവനെങ്ങനെ അതറീഞ്ഞു എന്ന് ഞാൻ ചോദിച്ചില്ല.. സംഭവം സത്യമാണോയെന്ന് റിസ്കെടുത്ത് ഞങ്ങൾ സെർച്ച് ചെയ്യാൻ പോയി..താഴത്തെ സ്റ്റെപ്പിലിരുന്നുമൊക്കെ ഞങ്ങൾ അവസാനം കണ്ടെത്തി..

സംഭവം സത്യമാ.... സോക്സ് ഇറങ്ങീക്കിടന്ന അവളുടെ കാലിൽ നിറയെ കറുത്ത പാടുകൾ...അങ്ങേയറ്റം ബ്യൂട്ടി കോൺഷ്യസായ എനിക്കത് താങ്ങാനായില്ല...നിർമമനായി ഞാൻ ക്ലാസിലേക്ക് നടന്നു....അന്ന് ഒരു പ്രണയം അവിടെ കുഴഞ്ഞുവീണ് മരിച്ചു....അടുത്തകൊല്ലം ഞാൻ സ്കൂള്മാറി പോയി..

നമ്പ്ര 3: സന്ധ്യ    IV-A  


നാലാം ക്ലാസ്..അപരിചിതമായ പുതിയ സ്കൂൾ...എന്നാൽ ഇവിടെ ചരിത്രം ആകെമൊത്തം തിരിഞ്ഞു...നാളുകൾ കഴിഞ്ഞപ്പോൾ  ഒരു പെണ്ണിന് എന്നോട് ലപ്പ്... പ്രേമം എന്ന് പറഞ്ഞുകൂടാ..ഒരു തരം അഫക്ഷൻ....

ഈ പെണ്ണൂങ്ങളെ വീഴ്ത്താനാണ് പാട്..ബോംബെയിലെ അധോലോകമായ ധാരാവിയിലെ ചേരികൾ, സ്ലംസ്.... ഒറ്റ രാത്രി കൊണ്ട് ഒഴിപ്പിക്കുന്ന പോലത്തെ ഒരു റിസ്കി പണിയാണത്..

എന്നാൽ ആണുങ്ങളെ വീഴ്ത്തുക എന്ന് പറയുന്നത് പൂ പറിക്കുന്നതു പോലെ ഈസിയായ കാര്യമാണല്ലോ..ഞാ വീണ് പോയി....അവൾ തീർത്തും ക്ലാസിലേക്കും വച്ച് സുന്ദരിയായിരുന്നു.

...സാംസ്കാരിക കേരളത്തിന് താങ്ങാനാവാത്ത ഒരു സംഭവം കൂടി അവൾ ചെയ്തു..സ്കൂൾ ഫെസ്റ്റിവെലിനിടയിലെ ഒരുക്കങ്ങൾക്കിടയിൽ  പെട്ടെന്ന് പ്രൊവോക്കേഷനൊന്നുമില്ലാതെ  ഒരു ഫ്രൺലി കിസ്സ്...അന്ന് ഇതൊന്നും തിരിച്ചറിയാനുള്ള  കപ്പാസിറ്റി എന്റെ ഹ്യദയത്തിനില്ലാതെപോയി..അല്ലേ  അപ്പൊ സഡൻ ബ്രേക്കിട്ടപോലെ അത് നിന്നു പോയേനെ...എങ്കിലും അവളെയും  അധികകാലം കാണാനായില്ല..

അഞ്ചിലേക്ക് കാലെടുത്തുകുത്തിയത് പുതിയ സ്കൂളിൽ... ആരേയും മൈന്റ് ചെയ്യാതെ പോയ ഡ്രൈ വർഷങ്ങൾ..ഇടയ്ക്കിടെ സന്ധ്യയെ ഓർത്തു...ഗ്രൂപ്പ് ഫോട്ടോ മറിച്ചു നോക്കി...

അങ്ങനെ ഏഴാം ക്ലാസിലെത്തി..... ഇത്തവണ എങ്ങനെയോ പൊളിറ്റിക്സിലേക്ക് ഇറങ്ങി...ആദ്യം വന്ന് വിളിച്ചത് കെ.എസ്.യൂ   അതുകൊണ്ട് അവർക്കൊപ്പം ചേർന്നു...അതിന്റെ ഫൂൾ ഫോം പോലും അറിയാൻ വയ്യാത്ത കാലം....കൊടികെട്ടിയ ഇലക്ഷൻ..അവസാനം ഒരു ലീഡറ്പണി കിട്ടുന്നു...
സമരങ്ങൾ നിറഞ്ഞ കാലം...ഭരിച്ച് ഭരിച്ച് മുടിപ്പിച്ചു അവസാനം എട്ടാം ക്ലാസിൽ പുതിയ സ്കൂളിൽ ചേർന്നു..

നമ്പ്ര 4:  മിസ്.വേണി   VII-B
.

അവിടെ അവളുണ്ടായിരുന്നു..വെളുത്തുമെലിഞ്ഞ് കൊലുന്നനെയുള്ള പെൺകുട്ടി...
കൊടുമ്പിരി കൊണ്ട വൺ-വേ പ്രണയം ...മനസ്സ് അപ്പോഴേക്കും ക്രൂക്കഡായി മാറിയിരുന്നു...കാഡ്ബറീസും കടലമുട്ടായിയും  നിരസിച്ച അവൾ യെസ് എന്നോ നോ എന്നോ പറയുന്നില്ല...അതുകൊണ്ട് മൌനം ഒരു യെസ് ആയി സങ്കല്പിച്ച് വീണ്ടും ആ കണ്ണുകളിൽ തന്നെ നോക്കിയിരിക്കാൻ തുടങ്ങി..

അവസാനം ഒരു സന്ധ്യയ്ക്ക് ട്യൂഷൻ കഴിഞ്ഞ് കോരിച്ചൊരിയുന്ന ഒരു മഴയത്ത് നനയാതിരിക്കാൻ കടത്തിണ്ണയിൽ കയറിനിന്നിരുന്ന എനിക്കവൾ കുടയിൽ നിർബന്ധിച്ച് ഒരു ലിഫ്ട് തന്നു..ബസ്റ്റോപ്പ് വരെ അവളൂടെ കൂടെ നടന്നു..അവളെ മുട്ടാതിരിക്കാൻ ഞാൻ ആവതും ശ്രമിച്ചു..ഞാൻ പണ്ടേ മാന്യനാണല്ലോ..സോ തത്ഫലമായി ഞങ്ങൾ രണ്ടുപേരും നനഞ്ഞുകുളിച്ചു...

അന്നവൾ ആദ്യമായി എന്നോട് മനസ്സുതുറന്ന് സംസാരിച്ചു...അവൾ എത്രമാത്രം മെച്വറാണെന്നറിഞ്ഞ ഞാൻ ഞെട്ടി..തണുത്തുവിറച്ചുകൊണ്ട് ഞാൻ ഒരിയ്ക്കൽക്കൂടി ചോദിച്ചു..?
എന്നെ ഇഷ്ടമാണോ എന്ന്..?

അപ്പോഴും അവൾ ചുമ്മാ ചിരിച്ചുകൊണ്ട് ആ ചോദ്യത്തെ അങ്ങ് കൊന്നു...പിന്നീടുള്ള നാളുകളിൽ അവളൂടെ തിളങ്ങുന്ന കണ്ണുകളിൽ നോക്കിയിരിക്കാൻ വേണ്ടി മാത്രമായിരുന്നു ( Kinda Of  വായിനോട്ടം ).

ഒടുവിലൊരുനാൾ പത്താം ക്ലാസിന്റെ പൈങ്കിളി ഓട്ടോഗ്രാഫുകളും ഒപ്പിട്ട് ഞാൻ സ്കൂളിന്റെ പടിയിറങ്ങി...അവധിക്കാലത്ത് ആദ്യമായി ഞങ്ങൾ പോയത് മൈലുകൾ ദൂരെ ഹൈവേ സൈഡിലുള്ള ബാറിലേക്കാണ്...ജീവിതത്തിലെ ആദ്യ ബാർ സന്ദർശനം...പതിയെപതിയെ അവളെ മറന്നു..കാലം അവളെ മായ്ച്ച് കളഞ്ഞു...

നമ്പ്ര 5: മിസ്. പ്രിയ   Plus Two


രണ്ടാം കൊല്ലം ട്യൂഷൻ സെന്ററിൽ വച്ച് ഒരു നിമിഷം കൊണ്ട് ആദ്യാനുരാഗം സംഭവിച്ചു..വേറെ സ്കൂളിൽ പഠിക്കുന്ന പ്രിയ.....പതിവുപോലെ ലപ് അറ്റ് ഫസ്റ്റ് സൈറ്റ്..വീണ്ടും പഴയ റീലുകൾ ഓടിമറഞ്ഞു...അവസാനം ഒരു മെയ്മാസപ്പുലരിയിൽ അവൾ പറഞ്ഞു ...യെസ്  മൈ ബോയ് മി ടൂ.......

ദൂരെ പകൽ വെളിച്ചത്തിൽ ഇനിയും എരിഞ്ഞുതീരാത്ത ഒരു നക്ഷത്രം അവളെ നോക്കി റിപ്ലെ ചെയ്തു ( സിംബോളിക്കൽ ) ഐ ലവ് യൂ.....സക്സസ് പ്രണയം..

ബി.ടെക് ഫസ്റ്റിയർ തുടക്കം വരെ ആ വണ്ടി ഓടി..പിന്നെ ചില സ്റ്റാർട്ടിങ്ങ് ട്രബിൾ..അവസാനം ഒരു പോസ്റ്റിലിടിച്ച് എന്നെന്നേക്കുമായി ആ വണ്ടി കട്ടപ്പുറത്തായി...അവൾ തന്നെ അവസാനം പിൻവാങ്ങി...വീണ്ടും ഏകാന്തതയുടെ മടുപ്പിക്കുന്ന ദിനങ്ങൾ..റാഗിങ്ങും ഒടക്കും ഒക്കെക്കൂടി ആകെ നാശമായിത്തീർന്ന ആദ്യവർഷം കഴിഞ്ഞപ്പോൾ മനസ്സിൽ പ്രണയം പോയിട്ട് ഒരു സമാധാനം കൂടിയില്ലാത്ത സമയം..

സീനിയേഴ്സുമായി കോർത്ത് അത്യാവശ്യം  ഇടിയൊക്കെ മേടിച്ച് കൂട്ടി ഒന്ന് സെറ്റായപ്പോൾ പുതിയ ജൂനിയേഴ്സ് വരുന്നു..അവരിൽ കൊള്ളാവുന്ന ഒന്നിനെ നോക്കി അങ്ങ് സെലക്ട് ചെയ്തു..



നമ്പ്ര 6:  മിസ്.മേഘ്ന .

ആദ്യം ഒരു തമാശയ്ക്ക് തുടങ്ങിയ പ്രണയം സീരിയസായത് വൈകിയാണറിഞ്ഞത്..അപ്പോഴേക്കും ഹോസ്റ്റൽ മുറി മുഴുവൻ അവളുടെ പേര് കൊണ്ട് നിറഞ്ഞു..എന്റെ രണ്ട് ചുവന്ന മാർക്കറുകൾ പേരെഴുതിത്തീർന്നു...ഇൻഫാക്ചുവേഷൻ എന്നൊക്കെ ചിലർ കളിയാക്കിയെങ്കിലും സംഗതി അസ്ഥിക്ക് പിടിച്ചു..എന്തൊക്കെ ചെയ്തിട്ടും അവൾ അടുക്കുന്നില്ല...നമ്രശിരസ്കയായി ഒരുതരം ഡിഫെൻസ്..

 അവസാനം രണ്ടും കല്പിച്ച് അവളുടെ വീട്ടിലേക്ക് വിളിച്ചു..ഫോൺ എടുത്തത് അവളുടെയമ്മ...ഒന്ന് പതറിയെങ്കിലും സംസാരിച്ചു..പെട്ടെന്ന് തന്നെ സംഗതിയുടെ റൂട്ട് അവടമ്മയ്ക്ക് പിടികിട്ടി..പോരാഞ്ഞിട്ട് അവൾ കോളേജിലെ സംഭവങ്ങൾ വള്ളിപുള്ളി വിടാതെ പറഞ്ഞു കൊടുത്തിട്ടുണ്ടായിരുന്നത്രേ..

അവസാനം  സത്യം പറഞ്ഞ്... സംസാരിച്ച് വളരെ ഡിപ്ലോമാറ്റിക്കായി ഞാൻ കീഴടങ്ങി..മറുവശത്തുനിന്നും സ്നേഹപൂർവ്വം  ഒരുപിടി ഉപദേശങ്ങളും കിട്ടി...മാസങ്ങൾ ഇഴഞ്ഞു നീങ്ങി..അവൾ എന്നോട് കാഷ്വലായി സംസാരിച്ചുതുടങ്ങി...അപ്പോഴും ഇഷ്ടത്തെപ്പറ്റി പറഞ്ഞാൽ അവൾ ഒഴിഞ്ഞുമാറും  ...

എന്നാൽ  പ്രതീക്ഷകളെ തകർത്തുകൊണ്ട് ഒരു നാൾ അവൾ ...ഫ്ലൂ എവേ വിത്ത് സംബഡി എത്സ്...ഒളിച്ചോട്ടം...അവടെ നാട്ടിലെ ഏതോ ഒരുത്തനുമായി..

ഒരു പെണ്ണിനു എത്ര വിദഗ്ദ്ധമായി തന്റെ മനസ്സ് ഒളിപ്പിച്ചുവയ്ക്കാമെന്ന് മനസ്സിലാക്കിയ നിമിഷം..

അനശ്വര പ്രണയം...അത് വൺ വേ ആണെങ്കിൽക്കൂടി ഞാൻ സ്വയം രക്തസാക്ഷിത്വം വരിച്ചു....അത്ര മാത്രം ലവ് ഞാനീ പദ്ധതിയിൽ ഇൻ വെസ്റ്റ് ചെയ്തിരുന്നു...സമയം ഏറെ എടുത്തു
ആ മുറിവുണങ്ങാൻ.....

പിന്നീടൊരിക്കലും ഞാനവളെ കണ്ടിട്ടില്ല..എവിടെയാണെന്ന് തിരക്കിയിട്ടില്ല...പിന്നെയുള്ള വർഷങ്ങൾ തീർത്തു ബ്രഹ്മചാരിയായി ജീവിതം....ഓഷോയുടെ സ്പീച്ചുകൾ കേട്ട് ജീവിതത്തിന്റെ ആന്തോളനങ്ങളെപ്പറ്റി ചിന്തിക്കുന്നു..ഓരോ നിമിഷവും സ്പിരിച്വലായി ജീവിക്കുന്നു..

പിന്നീട് ധാരാളം പെൺകുട്ടികളുമായി ഇടപഴകിയെങ്കിലും എന്റെ ചുറ്റിനും നടന്ന് ചറപറാ  അമ്പെയ്യുന്ന ക്യൂപ്പിഡ് പയ്യൻ അകാലത്തിൽ അന്തരിച്ചതിനാൽ ദിവ്യപ്രണയമൊന്നും തളിർത്തില്ല..

അവസാനം  ജീവിതം ട്രാക്കിലായി തട്ടിമുട്ടി മുന്നോട്ട് പോകുമ്പോൾ ഒരു ടേണിങ്ങ് പോയിന്റിൽ വച്ച് വീണ്ടും ഞാൻ പഴയ വേണിയെ  കണ്ടുമുട്ടുന്നു...തികച്ചും യാദ്യച്ഛികമായി.....അപ്പോഴേക്കും വർഷങ്ങൾ ഏറെ കഴിഞ്ഞിരുന്നു...

ക്ലാസ്മേറ്റിൽ പറയുന്നപോലെ സ്കൂളിൽ പഠിച്ച പൊടിമീശക്കാരന്റെ  മീശ ട്രിമ്ം ചെയ്യാൻ പരുവത്തിലായി..പഴയ എട്ടാം ക്ലാസുകാരി ഒരു  ടീച്ചറായി...എം.ബീ.എക്ക് പഠിക്കുന്ന പഴയ പൊടിമീശക്കാരൻ അപ്പോഴും പക്ഷേ പ്രാക്ടിക്കലായിരുന്നില്ല...ഒരു ദിവസം പൊടുന്നനെ അവൾ ചോദിച്ചു...ആ പഴയ ഇഷ്ടം ഇപ്പോഴുമുണ്ടോ എന്ന്..

ഒരു നിമിഷം പോലും ആലോചിക്കാതെയവൻ പറഞ്ഞു..ഇഷ്ടമാണ് 100 വട്ടം.നാച്വറലി ബാക്കി  കഥയെല്ലാം ഒതുക്കിക്കളഞ്ഞു....പക്ഷേ അവൾ അതേപ്പറ്റി പിന്നൊന്നും പറഞ്ഞില്ല..
.ഒരു നല്ല സുഹ്യത്ബന്ധം ഞങ്ങൾക്കിടയിൽ വളർന്നു.....

മാനസികമായി ഏറെയടുത്തു...നഷ്ടപെട്ടതെല്ലാം ഒരു ദിവസം കൊണ്ട് തിരിച്ചുകിട്ടുകയാണ്..... ഒരു രാത്രിയിൽ അവൾ പറഞ്ഞു...

നീണ്ട ഒൻപത് വർഷങ്ങൾ... ഞാൻ വേറെയാരെയും ഇതുവരെ പ്രണയിച്ചിട്ടില്ല..നീയെന്നെ മറക്കില്ലെന്ന് കരുതി..ഇപ്പോൾ ഏറെ താമസിച്ചുപോയി..എങ്കിലും പറയാം...അന്ന് നീ ചോദിച്ച ചോദ്യത്തിനുള്ള മറുപടി..എനിക്ക് ഇഷ്ടമായിരുന്നു നിന്നെ ..ശരിക്കും...പക്ഷേ അന്നത് പറയാൻ എനിക്കായില്ല ....ഒരു പെണ്ണിന്റേതായ പരിമിതികൾ കൊണ്ട്..

ഇന്നെന്റെ വിവാഹം തീരുമാനിച്ചു..എനിക്ക് നിന്നെയറിയാം ശരിക്കും..

കഴുത്തിൽ കെട്ടുന്ന ടൈ പോലും സ്വന്തമായിട്ട് വാങ്ങിക്കാൻ പാങ്ങില്ലാത്ത പൊടിമീശക്കാരൻ ഇതെല്ലാം ചുമ്മാ കേട്ടോണ്ട് നിന്നതെയുള്ളൂ.....അവൾ പറഞ്ഞില്ലെങ്കിൽക്കൂടിയവൻ അവളുടെ നമ്പർ ഡിലീറ്റ് ചെയ്തു..

ഒരിയ്ക്കൽ നഷ്ടപെട്ട പ്രണയം തിരിച്ചു വിളിക്കുമ്പോൾ ഒന്ന് തിരിഞ്ഞുനോക്കാനാവാത്ത  അവൻ ഗുഡ് വിഷസ് നൽകിയവളെ യാത്രയാക്കി...

വഴിയിൽക്കിടന്നുകിട്ടിപോലും പത്ത് രൂപ സമ്പാദിക്കാൻ കഴിയാത്ത അവന് വേണമെങ്കിൽ അവളെ വിളിച്ചിറക്കാമായിരുന്നു..പക്ഷേ അത് ചെന്ന് നിൽക്കുക  എവിടെയെന്ന് അറിയില്ല..പട്ടിണി കിടന്ന് ശീലമില്ല..സിനിമയിലെ നായകനേപ്പോലെ സിറ്റുവേഷനുകളോട് പടപൊരുതി വിജയിക്കാൻ അറിയില്ല..

അങ്ങനെ അവൾക്കുവേണ്ടി ഞാനന്റെ പ്രണയം നിരസിച്ചു..I Did It For Her..സഹായിക്കാൻ ആരുമില്ലാത്ത ഒരു.. ജീവിതം ഞാൻ വേണ്ടെന്ന് വച്ചു..So I Did It For Myself..എനിക്കുവേണ്ടി ഞാനതു ചെയ്തു..(കടപ്പാട് : താളവട്ടം.)

അങ്ങനെ ജീവിതത്തിന്റെ തീച്ചൂളയിൽ ഉരുകിയൊലിച്ചാണ് ഓരോ കാമുകനും ഈ ലോകത്ത് ഉണ്ടാകുന്നത്..ആരും പൂവാലന്മാരായി ജനിക്കുന്നില്ല..സാഹചര്യമാണവരെ അങ്ങിനെയാക്കിത്തീർക്കുന്നത്.അന്ന്  ജീവിതത്തിന്റെ ഖബറിൽ ഒരു പിടി പച്ചമണ്ണ് വാരിയിട്ടിട്ട് യാത്രതുടങ്ങിയതാണ്..ഇനിയും തീരാത്ത പ്രവാസം...

ഖബറോം കി സിന്ധഗി ജോ കഭി നഹി ഖഥം ഹോ ജാത്തി ഹേ......ശംഭോ മഹാദേവ..




.....

32 comments:

  1. I WANT TO LIVE IN YOUR EYES
    DIE IN YOUR ARMS AND BE BURIED IN YOUR HEART...

    എന്നൊക്കെ ചുമ്മാ ഓട്ടോഗ്രാഫിൽ എഴുതിക്കൊടുക്കാൻ കൊള്ളാം.
    ഇനിയെനിക്കു വയ്യ ..എലീൻ പേജില്ലാതെ ഒരു ജീവിതമില്ല..

    ReplyDelete
  2. സ്മാർട്ട് & ഹാൻസം....
    ഇത് ശ്രീലക്കിക്കല്ല വല്ല ശ്രീലക്ഷണന് മാത്രമേ ചേരു..കേട്ടൊ പോണികുട്ടാ..

    പിന്നെ മുൻ വിവരിച്ച പ്രണയങ്ങളിലെല്ലാം, ഒന്നിലും പ്രണയം മുട്ടതട്ടെത്തിയിട്ടില്ല...ആയത് പടർന്ന് പന്തലിക്കണമെങ്കിൽ ഈ സാക്ഷാൽ പ്രണയ്ത്തിന്റെയൊക്കെ രണ്ടാം വേർഷനായ ‘മറ്റേ’തുണ്ടാകണം...
    മനസ്സിലായോ...?

    ReplyDelete
  3. This comment has been removed by the author.

    ReplyDelete
  4. എന്താ കഥ!!! അനശ്വര പ്രണയത്തിന്‍റെ(പ്രണയങ്ങളുടെ) തീച്ചൂളയില്‍ വെന്തുരുകിയ ഒരു കുരുന്നു മനസ്സിന്‍റെ കരളലിയിപ്പിക്കുന്ന കഥന കഥ! പോപ്പിയുടെ കഥ വളര്‍ന്നു വരുന്ന കുരുന്നുകള്‍ക്ക് വലിയ ഒരു പ്രചോദനമായിരിക്കും. സംശ്യല്ല്യ. വല്ലപ്പോഴും ചേര്‍ക്കോണം ആശ്രമം സന്ദര്‍ശിക്കുക. നമുക്ക് പഴയ കഥകള്‍ ഒക്കെ പൊടി തട്ടി എടുത്ത് തുടച്ച് തിരിച്ചു വയ്ക്കാം. ഹര ഹര മഹാദേവ...

    ReplyDelete
  5. സ്മാർട്ട് & ഹാൻസം..അവൾക്ക് ഇരുനിറമായിരുന്നു..

    എന്തേ “ഹാൻസം“ എന്നു ചേർത്തു?(അതോ എനിക്ക് കോമഡി മനസിലാകുന്നില്ലാത്തതോ?)

    ReplyDelete
  6. "അങ്ങനെ ജീവിതത്തിന്റെ തീച്ചുളയില്‍ ഉരുകിയൊലിച്ചാണ് ഓരോ കാമുകനും ഈ ലോകത്ത് ഉണ്ടാകുന്നത്..ആരും പൂവാലന്മാരായി ജനിക്കുന്നില്ല..സാഹചര്യമാണവരെ അങ്ങനെയാക്കിത്തീര്‍ക്കുന്നത്"
    ...ആരും നിരാശ കാമുകന്മാരായി ജനിക്കുന്നില്ല..വൃത്തികെട്ട സഹോദരന്മാരാണ് അവരെ സൃഷ്ടിക്കുന്നത്...

    ReplyDelete
  7. എന്റമ്മേ ..valentines day സ്പെഷ്യല്‍ ആണോ

    ReplyDelete
  8. പഴയ ലൈനുകളെയൊക്കെ ഒന്ന് ഓർത്തെടുക്കാൻ സാധിച്ചു!:)
    നന്ദി പോണീ..

    ReplyDelete
  9. മുകുന്ദേട്ടാ..പാതിയുറക്കത്തിൽ എഴുതിയ ഒരു കണ്ടകാവ്യം..ഒരു പോസ്റ്റായിട്ട് കൂട്ടണ്ട...ഒരാത്മഗതമാണെന്ന് കരുതിയാൽ മതി..ഒരു പായ്കറ്റ് ഹാൻസ് പോലെ ഹ്യദയത്തോടോട്ടി(പോക്കറ്റിൽ )നിൽക്കുന്ന പെൺകുട്ടി എന്നാണ് ഞാനുദ്ദേശിച്ചത്..അത് മാറ്റി..

    ഇനി ഈ ബൂലോകത്തുനിന്നും എനിക്കൊരു പെണ്ണ് കിട്ടുമെന്ന പ്രതീക്ഷയില്ല...

    ReplyDelete
  10. പിബി.. ഫീലായോ.. പോട്രാ‍....

    ReplyDelete
  11. അനിഷ്ടമാം വേര്‍പാടിന്റെയസഹ്യ ദുഃഖവും പേറി ഗതിയില്ലാതനേകം പേരുയിര്‍ വാഴുന്നു ഭുമിയില്‍ :)

    ReplyDelete
  12. ഞാനും ഓര്‍മ്മിച്ചു... എന്റെ പ്രണയങ്ങളെല്ലാം... കല്ല്യാണം ഉറപ്പിച്ചിരിക്കുന്നത് കൊണ്ട് പുറത്തുവിട്ടാല്‍ ശരിയാവില്ല.

    ഇതിലേയും വരിക
    http://shabeerdxb.blogspot.com

    ReplyDelete
  13. ഇത് ശര്യാവൂല്ലാ.. ഒരു മാതിരി പണിയായി പോയി.. ഇത് ഞാൻ തന്നെയാ.. എന്റെ കഥ എന്റെയനുവാദമില്ലാതെ പോസ്റ്റാക്കാൻ തന്നോടാര് പറഞ്ഞു.. ദുഷ്ട്.. ;)

    ReplyDelete
  14. പോണീസെ എണ്ണം കുറഞ്ഞോ? എല്ലാ ഓര്‍മ്മയും കൂടി പണ്ടാരടങ്ങാന്‍ വരുന്ന ഒരൊറ്റ ദിവസമേ ഉള്ളൂ..അതാണിന്ന്..

    ReplyDelete
  15. കണ്ണില്‍ കണ്ട പെണ്‍പിള്ളാരെ എല്ലാം ചതിച്ച് അവസാനം ദുബായില്‍ എത്തി അല്ലെ ?
    അല്ല ഒരു സംശയം എന്തിനായിരുന്നു ഇടക്കിടെ ഉള്ള സ്കൂള്‍ മാറ്റം ടീച്ചര്‍മ്മാര് ഓടിച്ചതോ അതോ?

    ReplyDelete
  16. നീ ഭാഗ്യവാനാണളിയാ...

    ReplyDelete
  17. പോണിക്കുട്ടാ നിനക്കങ്ങിനെ തന്നെ വേണം..ഹും അല്ല പിന്നെ(ഹിഹ്ഹി)

    അല്ലാ ആകെ മൊത്തം ടോട്ടല്‍ എത്ര സ്കൂളില്‍ പഠിച്ചിട്ടുണ്ട്...?
    ചെല്ലുന്നിടത്തെല്ലാം ഓരോ ലൈന്‍..ചുമ്മാതല്ല..കയ്യിലിരിപ്പ് ശരിയല്ലാത്തത് കൊണ്ട് സ്കൂളുകാരു ടിസി തന്നു വിടുന്നതാല്ലേ...?

    >ഒരിയ്ക്കൽ നഷ്ടപെട്ട പ്രണയം തിരിച്ചു വിളിക്കുമ്പോൾ ഒന്ന് തിരിഞ്ഞുനോക്കാനാവാത്ത അവൻ ഗുഡ് വിഷസ് നൽകിയവളെ യാത്രയാക്കി...<
    ഇതില്‍ പോണിയുടെ മനസില്‍ വേണിയോടൊരിഷ്ടം വീണ്ടും തോന്നിത്തുടങ്ങിയിരുന്നോ...? ഉണ്ട്..കൈവിട്ടു പോയതില്‍ ചെറിയൊരു നിരാശ എനിക്ക് ഫീല്‍ ചെയ്തു.ചിലപ്പോ എന്റെ മാത്രം തോന്നലാവാം ല്ലേ...?

    ReplyDelete
  18. @സ്വാമി: ആശ്രമത്തിൽചെന്ന് സ്വാമിയുടെ ദിവ്യ ഏലസ് അരഞ്ഞാണത്തിൽ കെട്ടിയിട്ടതിൽ‌പ്പിന്നെ നല്ല മാറ്റമുണ്ട്...ഇപ്പോൾ അങ്ങനെ ചുമ്മാ പെണ്ണുങ്ങൾ പിടിച്ച് തല്ലാറില്ല..ഒരു കാരണം ഒക്കെ ഉണ്ടായിത്തുടങ്ങിയിട്ടുണ്ട്..

    @ലുട്ടാപ്പി: നീയേത് ജൂണീവേഴ്സിറ്റിയിലാ പടിച്ചത്..ഗ്രാമറോക്കെ പുതിയ ലിപിയായി..

    @ഹാഷിക്ക്: ഏതോ പെണ്ണിന്റെ ആങ്ങള പിടിച്ച് താങ്ങിയതിന്റെ നിരാശ ആ വാക്കുകളിൽ ഞാൻ കാണൂന്നു..

    @ഭായി: ഇനി ഭായിക്ക് ധൈര്യമായി പഴയ ലൈനുകളൂടേ മക്കളെ നോക്കി പറയാം..ഉണ്ണീ നീയെനിക്ക് പിറക്കാതെ പോയ മകനാണെന്ന്..

    @കാർന്നോർ: കാർന്നോമ്മാർക്ക് എന്തുമാകാമല്ലോ..

    @കൊച്ചു: അതെ അവരെയെല്ലാം ചേർത്ത് ഞാൻ ഒരു ഫേസ്ബുക്ക് സംഘടന ഉണ്ടാക്കി..കൊച്ചിനും വരാം..

    @സിജോ: ഹും.. കല്യാണം കഴിച്ചവന്മാർക്കെന്താ ഈ ബ്ലോഗിൽ കാര്യം..?

    @ജുനെത്: വാലന്റൈൻ ബൂർഷ്വാകളുടെ ദിനമാണെങ്കിലും നമുക്കും വേണ്ടേ ഒരു ദിവസം
    ആഘോഷിക്കാൻ..എണ്ണം കുറഞ്ഞു..ശരിയാണ്..

    @ടൊംസ്: ഉവ്വ ..ഉവ്വ..

    @പഞ്ചാര ഫെനിൽ:
    @റിയാസ് മിഴിനീർ:

    ഒരുപാട് സ്ഥലങ്ങളിൽ താമസിച്ചപ്പോൾ സ്കൂളുകളും മാറി..പണ്ട് അമ്മ മെഡിക്കൽകോളേജിൽ പ്രാക്ടീസ് ചെയ്യുന്ന സമയം തിരുവനന്തപുരത്തെ ഒരു വിമൻസ് ഹോസ്റ്റലിൽ ജീവിതം..നഴ്സറി അവിടെയൊക്കെ..

    പിന്നെ സ്വദേശമായ മദ്ധ്യതിരുവിതാംകൂർ ഉൾപെടെ അങ്ങ് അനന്ത്മായ ജീവിതയാത്രകൾ പല സ്കൂളുകളിലാക്കിയെന്നെ..
    അവസാനം ഒന്നാന്തരം തെറിച്ച പിള്ളേരുള്ള സ്കൂളിലെത്തി..അവിടെനിന്നാണ് ആദ്യമായി സിഗരറ്റ് വലിക്കുന്നതും തെറികൾ പഠിച്ചതും..

    റിയാസേട്ടാ ഇതിൽ നിരാശയില്ലാത്ത മനുഷ്യരുണ്ടോ.അതൊക്കെ ഒരു ഭാഗ്യമല്ലേ പ്രണയം തളിർത്ത് പൂവിടുക എന്നൊക്കെ പറയുന്നത്.

    വല്ലാതെ വിഷമം വരുമ്പോൾ ഞാൻ ജിറ്റീഎ എടുത്ത് കളിക്കും...ഒരു പത്ത്നുറ് കിമി കാറോടിക്കും...പത്ത് പതിനഞ്ച് പേരെ കൊല്ലും..അപ്പോൾ മനസ്സ് ശാന്തമാകും...:))

    ReplyDelete
  19. ഒരു പുതിയ പോസ്റ്റിടുമ്പോ യു സി എഫ് വഴി ഒന്ന് അറിയിച്ചൂടേ എന്റിഷ്ടാ...... NB:മോളിലേ ലുട്ടു ഞാനല്ല ഏതോ വിവരമുള്ള പയ്യനാ.........

    ReplyDelete
  20. @ലുട്ടാപ്പി..സ്വന്തം സ്ഥാപനത്തിൽ പരസ്യം ചെയ്യുന്നത് മോശമല്ലേ എന്ന് കരുതിയാ..പിന്നെ ഇത് ഒരു കോമഡി പോസ്റ്റുമല്ലല്ലോ..
    ഞാനും അതാ ചിന്തിച്ചേ നിനക്ക് ഇത്രേം വിവരം ഉണ്ടോ എന്ന്..

    ReplyDelete
  21. ആഹാ കൊള്ളാല്ലോ...
    വിഷമം വരുമ്പോ GTA തന്നെയാ എനിക്കും ആശ്വാസം.(GTA പരിചയപ്പെടുത്തിയതും പോണിക്കുട്ടന്‍ തന്നെ..)
    പക്ഷേ കാറെത്ത് പോകുവൊന്നുമില്ല..
    തോക്കെടുത്ത് പോലിസുകാരന്മാരെ കൊല്ലും..നമ്മളെ പഞ്ഞിക്കിടൂം വരെ.

    ReplyDelete
  22. Nanayi minaketirunnu ezhuthiyathanalle..

    ReplyDelete
  23. പോണി കുട്ടാ... നന്നായിട്ടുണ്ട്.

    എല്ലാ തീമിലും നന്നായിട്ടെയുതാന്‍ താങ്കള്ക് കഴിയുന്നുണ്ട്.
    അഭിനന്ദനങ്ങള്‍......

    GTA IV:Episode From Liberty City യെ കുറിച്ച് വിശദമായ ഒരു പോസ്റ്റ്‌ (ഗെയിം ലെവല്‍, ഗെയിം സ്റ്റോറി..etc) മലയാളത്തില്‍ എഴുതണം.

    ReplyDelete
  24. @ ബിലാത്തി പട്ടണം, പോണി :
    "സാക്ഷാൽ പ്രണയ്ത്തിന്റെയൊക്കെ രണ്ടാം വേർഷനായ ‘മറ്റേ’തുണ്ടാകണം...
    മനസ്സിലായോ...?"


    എനിക്ക് മനസ്സിലായില്ല...? എന്തുവാ......?

    ReplyDelete
  25. തമാശയിൽ ചാലിച്ച ചില നൊമ്പരചിത്രങ്ങൾ.

    ReplyDelete
  26. sangathi originalano atho bhavanayano ennariyillenkilum enikkishtayi post.........

    ReplyDelete
  27. @ബെസ്റ്റ്: മറ്റേതെന്നു പറഞ്ഞാ..ഹാവിങ്ങ് സെക്സ് വിത്ത് ദ ഗേൾ...മേക്കിങ്ങ് ലൌ എന്നും പറയും...

    @കുമാരേട്ടാ..ഇദ് വെറും കൂതറപോസ്റ്റല്ലേ..

    @ജിനീഷ്: സംഗതി 100% ഒർജിനൽ ..ഭാവനയായിരുന്നെങ്കിൽ നമുക്ക് കൂടുതൽ ഫാന്റൈസൈസ് ചെയ്ത് എഴുതാമായിരുന്നു..ട്വിസ്റ്റൊകെയിട്ട്...ഇതിൽ ആദ്യ മൂന്ന് പേരുകൾ റിയൽ ബാകി പേരുകൾ വ്യാജം..

    ReplyDelete
  28. അപ്പോള്‍ അതാണ്‌ കാര്യം ഈ വായിന്നോട്ടം ഇന്നും ഇന്നലേയും തുടങ്ങിയതല്ല അല്ലേ. ഈ നമ്പരിട്ട പ്രേമങ്ങളില്‍ എവിടെ നിന്നൊക്കെ അടി കിട്ടി എന്ന് കൂടെ അറിയിച്ചാല്‍ നന്നായിരിക്കും. അപ്പോ ചോദിക്കും എന്തിനാണെന്ന്. ഓ ചുമ്മാ വെറുതെ ഒരു രസം. ആര്‍ക്കേലും തല്ലു കിട്ടുന്ന കഥ കേള്‍ക്കാന്‍ എനിക്ക് പണ്ടേ ഫയങ്ങര ഇഷ്ടമാ.

    ReplyDelete
  29. വളരെ ഇഷ്ടമായി ഈ പ്രണയചരിതം. ഏതാണ്ട് ഇതുപോലൊക്കെ തന്നെ മിക്കവരുടെയും “കദ”. എന്റെ ബ്ലോഗിലും ഒരു “ആദ്യപ്രണയം” ഉണ്ട്. അത് നാലാം ക്ലാസില്‍ പഠിയ്ക്കുമ്പൊഴത്തെത്.. ഇതിനൊക്കേ പ്രണയമെന്ന് പറയാമോ ആവോ..അവസാനത്തെ പ്രണയകഥ മനസ്സില്‍ കൊണ്ടു. ഏതായാലും നഷ്ടപ്രണയം ഓര്‍ത്ത് നാളുകള്‍നീക്കുന്നതിനോട് യോജിപ്പില്ല.
    വിശ്വസുന്ദരി ക്ലിയോപാട്രയുടെ വാക്കുകള്‍ കേള്‍ക്കൂ
    Dont spoil life in love,
    But dont miss love in life,
    I am not saying you
    To fall in love,
    T am saying to feel the love

    ReplyDelete
  30. ആദ്യപ്രണയം ഏഴുവയസ്സ് ഉള്ളപ്പോള്‍ ആയിരുന്നു. അതൊക്കെ ഓര്‍ത്തുപോയി.

    ReplyDelete
  31. പാവം.ഇപ്പൊ എന്നായോ എന്തോ??!?!?!?!??!?!

    ReplyDelete

ദോ താഴെ കാണുന്നതാണ് കമന്റ്പെട്ടി..ഇത് ഇങ്ങനെ 24X7 തൊറന്ന് വച്ചേക്കുന്നത് കമന്റാനാണ്...അതുകൊണ്ട് ഒരു 22.50 പൈസ രജി:ഫീസ് അടച്ചിട്ട് കമന്റിക്കോളൂ...

Related Posts Plugin for WordPress, Blogger...